是命運，令廚師和香料遇上: 第四章 無題

「老闆，我大學想去讀設計呀....」小遊道。

「吓....你....你咁多科都五星星，讀醫，讀LAW都得啦。」仇九說道。

「我知....但係我真係好想去讀DESIGN....」小遊低頭道。

「小遊，今次係你識我以黎，我唯一一次要同你爭辯既事黎。我明白做人有夢想，但係依度係香港，你而家係明知山有虎，仍向虎山行呀。」仇九道

「但....我....」小遊說不出個話來。





「不過咁，小遊。你唔洗諗話咩大個要照顧我地兩老，你照顧你自己就得啦。只不過，設計條路一定比你讀醫讀LAW難行。你問下自己喜愛設計既程度足唔足以令你日後食苦時唔後悔就得啦。」仇九道。

沈默......

「總之，我尊重你既決定。將來你後悔時，唔好喊咁大聲就得。好似你呢，以前比個男友掉飯盒果時呢，喊到呢～～嘩。」仇九笑道。

「老闆！好衰呀你！不過，好多謝你。」小遊雙眼通紅，望著面前的仇九。

這個人，一直都在支持自己，由小到大，從沒停下來過。







「開飯啦！食飯啦兩個大小不良！」美芳叫道。

「老婆，我地而家有幾多子彈？我想去突襲何生呀。」仇九道。

「去囉，返正小遊而家又放假。你大約有五千發子彈啦。」美芳道。

「好！一於聽日去同何生分身家！約埋呀文一家去丫，聽日澳門好似有煙花節睇。」仇九道。





「喂喂，你唔好一賭錢就咁興奮啦老闆，食飯先啦。」小遊笑道。

這個仇九，每隔半年九個月就會手痕心癢，老是想要過大海賭兩手。

「你地食丫，好食架今晚媽咪煮得。我係個胃有D痛痛地，唔係好食得落。」仇九笑說。

「一講賭就茶飯不思！」美芳兩母女同時笑道。