大家互相認識完後老師便再次召集我們,開始講解一下三日的活動方針。

在解說期間,我坐在師妹阿施旁邊她不斷聊我說話:

「阿豪,阿豪,你中四選修科簡左讀咩?」

看來師妹對我非常有興趣~

「中史同西史,係唔係一聽到就對我無哂興趣呢?」



「真係架!!我都好鐘意歷史科,估唔到上到去仲有分開中西史。」

阿施一聲真係架,吸引到不少同學看向我們這邊。

我當然非常尷尬,但阿施還繼續說下去,幸好阿殷識趣地撞一撞阿施,好讓她安靜一下。

講解完後,我們變各自到所負責的班房準備一下,阿殷走在前面,而阿施就不斷繼續聊我談天.......

「點解你會參加依個活動既?」



「被老師迫我參加架,老師見我平時無所事事就叫我幫下手。」

「我係因為平時返教會,老師見我好幫得手就推薦我,我地兩個參加原因都幾似喎。」

「一啲都唔似囉,直頭係相反添呀......」

「點都好啦,依三日就多多指教啦,阿豪~」

「嗯.......」



到達課室後,阿殷用她的領導風範指點我和阿施完成要做的工作,把桌子和椅子搬到一旁後,我們便等待新中一生的來臨。

「係呢,你唔係同阿殷同班既咩?做咩兩個好似無計傾咁既?」阿施問我

「同一班啫,又唔係好熟,我地兩個好似除左上堂既時間,都好似無咩點傾過計。」

「你咁樣唔得架,都就黎中五啦,學下點同自己班既人溝通啦,唔係畢業之後就會後悔架啦。」

「我既野唔洗妳理呀!」我的語氣好像重了一點,嚇得阿施馬上閉上嘴

隔了幾分鐘,中一新生就到了課室,我們三個大哥哥大姐姐馬上自我介紹。

自我介紹完後便開始第一天的活動,今天主要以小遊戲為主。

大風吹,大電視,搶椅子等等的小遊戲。



中一新生非常投入和活潑,當然我們三位小幫手也有功勞。

在玩遊戲的途中我看到一位小妹妹好像有點不開心,並融洽不到其他小朋友。

我想她是進不到心儀的學校所以有點不高興。

我走過去安慰她:

「hello妳叫咩名呀?」

她看到我後有點害羞:

「你叫我阿琪得啦.......」



「哦阿琪,做咩唔積極啲一齊玩呀?有啲咩唔開心都可以同我講喎。」

感覺上我好像感為了一位金魚哥哥.......

「真係可以同你講?」

阿琪好像對我還沒放下戒心:

「係,我保證唔同其他人講。」

「好啦,因為我本來唔想入黎依間中學,加上其他同學笑我膚色太黑,搞到我有啲唔開心。」

果然沒錯,我的猜測中了一半:

「其實妳入到依間學校係一種緣份,無論妳鐘唔鐘意都好都要學識接受。」



「另外妳唔好當自己皮膚黑係缺點,依種係妳所擁有的個人特色,妳應該覺得自豪先岩~」

阿琪聽完後沉思了一會兒,接著便笑着對我說:

「多謝你大哥哥,我會記住你講過既野。」

話才說完她便走到其他同學的圈子裏一起玩。

我內心都很滿足,我還擔心自己處理不來。

我看到阿施和阿殷都望向我這邊,應該是看到我處理這件事而對我伸到手指頭示意讚好。

看來這份活動都頗有意義~