(少甜)我錯過既女仔,我錯過既機會: 第二十三節:熟絡

第一天活動完結後,阿殷竟然主動邀請我跟阿施一起吃午飯。

「好ya,有得同阿豪一齊食飯。」阿施路上不停地說

「阿施好似好鐘意你咁喎。」阿殷終於跟我搭上話

「ah............我都唔知點解會咁......」我都不知道什麼原因阿施對我這麼有興趣

阿殷看到我的回答笑了一笑:



「老實講呀,如果唔係頭先見你去安慰個女仔,我諗我都唔會叫埋妳黎食晏。」

「妳搞到我好有興趣知道妳之前係點睇我喎~」

「唔止我,我地班上面既女仔之前都有傾你地班男仔,我地一此認同你係一個唔識同其他人溝通既書蟲。」

唔係真事呀!我已經由中一最多女生迷戀的男同學變為一條只會讀書的書蟲.......

「而最靚仔既男同學就係阿軒,我地投完票無耐阿碧就同左阿軒一齊,真係好羨慕佢~」



「其實我中一都幾受女同學歡迎架,估唔到依家變左條蟲......」我如實對阿殷說

「唔好講笑啦,我覺得我會信你咩~你講你以前靚仔過依家我都可能會信。」阿殷不信我還嘲笑我.......

「我信架,阿豪咁識氹女仔肯定好受女仔歡迎。」看來阿施一直偷聽我們的聊天內容

阿殷看著我表露出一副[無妳咁好氣]的樣子:

「我都估唔到你竟然會氹到個女仔,本來我都留意到佢唔係幾開心,點知比你搶先一步仲成功安慰到佢,我真係對你完全改觀。」



「我都係呀,我原本以為妳係個好cool既女仔,點知熟左之後又幾好傾,完全改變左我對妳的印象。」

這個時候阿施又搭嘴:

「係呀,我都對阿殷改觀啦,仲以為佢係個好冷漠既女仔,點知原來講啲野咁少女心。」

「妳好收聲啦,我忍妳好耐啦。」阿殷衝上前想捉著阿施

她們兩人令到我想起以前阿明和小姬,可惜時光已經一去不返。