望住呢個地方,我都無野好講……條友講左咁耐,又話咩改變我嘅人生,咁你叫得我過嚟係都比個咩皇帝啊,有錢人啊比我做啦,就算唔係呢啲,假假地你起碼都比我做個咩世界第一啦,話曬我起碼都係菁英啊,菁英啊,你估易啊!頂,得個吹字。



「媽啊,我想返屋企啊!!T.T」 



大叫完一句之後,理所當然嘅係無人理我啦,唉既然無辦法返到去理實嘅世界 







(係啊,我無諗過可以點返去,點解?懶囉,比部電腦咁吸法,我相信我都無咩方法可以憑自己一人之力走返出去,所以我接受左…) 



都要係呢個世界到生活架啦,咁不如參觀下先啦。 







這™的就是新手村,同RPG Game一樣,不外乎都係幾間屋,幾個NPC咁樣囉,不過啲景色又幾唔錯嘅,搞到我有啲想吟返首詩添 



「問世間情為何物…直教人生死相許…」 



「大哥哥~~」







「屌,邊個仆街阻住我吟詩!!」 



正當我係到諗緊阻人扑野要燒春袋,咁阻我吟詩要罰啲咩好嘅時候… 



「大哥哥!」 



又一句大哥哥好完美咁阻住我FF,將我拉返返泥現實。 







我一個施丹原地轉身,睇下究竟係邊個阻我吟詩,係男就殺,係女就姦!!點知原來係一個14-15歲嘅細路女,咁冇野啦…



(有人問我唔係講過係女就姦咩?屌細路女你都搞,無恥!!!) 



「大哥哥~你終於醒啦!太好啦,等我同爸爸媽媽他們講先,你快啲返去休息下啦,唔係又暈架啦。」 







我聽完佢呢幾句野之後,相信我當時嘅面部表情係相當複雜 



「咪住!你話咩話?!我暈左??唔理呢樣,乜你唔係NPC泥架咩??點解你會主動同我講野架!!」 



「吓,大哥哥你講野咁得意嘅?拿,首先我並唔知到咩叫做奀撇屎,同埋係你係個到大叫我先發現你醒左仲行埋出嚟添。第二,係個
日我爸爸係森林發現你暈左,佢出於好心,所以先會搬你返嚟,係呢啲咁嘅村落都會收留一個陌生人,你應該要好好多謝我爸爸啊!
 



唔~~咁睇法,你好似有啲失憶喎,唉唔講咁多住啦,我地屋企就係個面,你返去抖下先啦,我去搵爸爸媽媽啊!」 







佢一輪嘴講完之後就頭也不回咁飛奔走左,留低o曬嘴嘅我,如果問題可以當飯食,我諗我呢世都唔會餓…… 



身為一個打左十幾年機嘅男人,我好清楚既然係個女仔身上搵唔到我想要嘅資訊,就只可以係其他NPC,啊唔係,係其他人身上搵我
想要架野。
 



於是我走向我係呢個世界見到嘅第一個村落,新手村。 







呢到同我想像有啲唔同,第一,我留意到呢到啲人唔係NPC,佢地全部都有自己嘅意識,由佢地嘅對話就可以睇得出。第二,呢個世界並冇我想像中咁簡單… 



經過係村落幾個鐘嘅閑逛,我得知呢個世界係以實力為先,只要你有實力,你就可以得到一切,試諗下,只要你實力高強,仲驚比人威脅咩?之但係我所謂嘅實力唔係咩格鬥術,空手道,武術之類,而係魔法。
可惜嘅係,唔係每個人都可以學到魔法,有啲係因為冇錢,有啲就係因為天生對魔法嘅敏感度較低或者係冇,所以導致冇辦法學到魔法,就好似我咁,我就係第二種人,完全冇辦法學習到魔法,以上嘅我都係聽係呢條村生活嘅魔法鑑定師同我講架炸,不過我相信佢唔會老點我嘅。 



(點解我知道自己冇得學魔法都咁平淡?我都冇諗過要學,咁戇鳩嘅野都唔想學,都係做個老實商人算啦)
行完一輪,個肚都有啲餓,係時候返‘屋企’搵下野食醫下個肚啦。 



「你又去左邊啊?大哥哥~」 



估唔到返到去都見到佢呢個死靚妹,頭先都味屌佢賣鳩我自私走…等我屌佢一獲,比個下馬威佢嘆下先@@ 



「係囉,少年,有傷在身就唔好亂咁走啦,好易傷上加傷架。」 



中年人一路同個女仔玩,一路咁講。



(好鬼大隻……) 



好彩佢遇到我,我就最好人嘅,大人不記小人過,原諒個細路女。 



「啊哈…哈哈,冇啊,去左行市集姐,哈哈…」 



「係呢,講左咁耐都味知你叫咩名添。」 



「呃…你叫我七刃得架啦。」 



「唔,好名,我叫森達,你叫我啊森就得啦,呢個係我個女,小希,我老婆啊芳。見你嘅生活習慣同我地嘅有啲唔同喎,兄弟,你係異國泥架?」 



「呃……係掛,哈哈…」 



香港…都算係異國啦,而且仲要係異世界嘅異國添。 



「咁你對魔法呢樣野認識幾多啊?」



「知小小咁啦,都係聽魔法鑑定師講嘅,而且佢仲話我呢世都唔會學到魔法添。」



「吓?!」 



砰!成家人都好齊整咁企左係到,唔講嘅話仲以為佢地夾好曬。 



「你認真架,小兄弟,你真係學唔到魔法?」 



「係......係啊,做...做咩事啊,咁激.......激動嘅?] 



「你唔知道呢個世界魔法就係一切泥架咩?」 



成家人又好齊整咁坐返低。 



「知啊,但係都冇計架,佢都講左我學唔到囉…」 



屌,原來係講呢樣野,仲以為咩事㖭,嚇到我褲襠都濕濕地......仆街! 




「咪係囉啊森,而且佢都唔係呢到人,可能異國嘅人唔需要或者冇魔法呢樣野呢!」 



啊媽終於開口講野囉,而且把聲幾好J,唔知有冇機會聽到佢同啊森係到xxoo呢@@,屌FF到離左題,返返去先。 



「係啊,我個邊都冇魔法呢樣野嘅,而且我想做個商人,不過都唔知返唔返到去,唉。」



「原來係咁,咁唔緊要啦,呢排你就住住我地到先啦。嚟,我地唔好再講呢啲野,食飯先。」



「食飯,食飯。」 



就係咁,我就係異世界裏面…渡過左我嘅第一日。 

已有 0 人追稿