憤怒•新罪的誕生[七罪][魔法] (逢星期一、三、五更新): 第四章：村落的危機
係個到生活左大半個月，呢家人都好照顧我，而我亦都慢慢咁同佢地啲村民熟落咗，大家都會有講有笑，同佢地個女都……算熟嘅。
「喂！仲唔起身，快啲幫手一齊出去買野啊，死懶豬！」
「大小姐啊~~係邊個琴晚掛住出去玩，搞到唔記得左做家務，而過嚟求我幫佢做架？好攰啊。」
冇錯，我同佢嘅日常就係互嘴，唔係嘴嘴個隻嘴，係嘴炮個隻嘴，所以我都唔知算唔算熟。
「咩……咩…咩啊，我…我返…返唔切嚟啫嘛，又唔係有心嘅……你啊，你估你係到白食白住架，都要幫手做野架嘛，唔冇錯，你都要幫手做野，就係咁。」
望住佢尷尬到面都紅曬，鼓起泡腮，都幾可愛啊~~每次望到佢咁樣，我都會自動認輸。
「得得得，你嬴，我而家即刻換衫。」
「哼，咁就岩啦！」
好似同平時一樣，呢日都係咁平淡，咁平靜。不過…暴風雨來臨嘅前夕都係咁風平浪靜。
呢日係我同小希要出去買野食嘅一日，只不過今日買食物嘅地方分開左兩邊，我地只好係村口個到分開。
係分開之前，佢問我
「喂七刃…」
「點啊大小姐？」
「異國……好唔好玩架？」
「吓……好地地做咩咁問嘅，呃，都幾架，不過好難講比你聽，有機會嘅話我帶你去睇下？」
「真嘅？太好啦，拿我同你約實架啦，唔可以反悔架喎！咁我都應承你，如果你無人中意，我會照顧你一世架。」
咁係算串我定係點………
小希伸左隻手指尾出泥，我地用左一種最小學雞嘅方式去做約定，勾手指尾，唔同嘅係當中包含左我地最真摯嘅感情，呢個約定，
我地永世不忘。
根據之前嘅決定，我係會去較遠嘅城鎮到買食物，而佢就會留係市場到買食物。
「咁…咁我走啦。」
「唔！一路平安。」
小希甜絲絲咁笑道。
於是，我就泥到第二個地方，城鎮。
哇~城鎮果然同村落好唔同啊！呢到基本上同香港無咩分別，之不過同香港嘅風氣就完全唔同啦。城鎮比起村落更加先進，而且仲可以見到魔法，不過同我想像中無咩太大分別。
好啦欣賞完就買野啦，廢事遲到要成家人等我一個啦。
──────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────
村落嘅另一面，一班強盜蓄勢待發，個個摩拳擦掌，等緊老大一聲令下，就會衝入村落進行搶劫任務。
「上，盡情破壞啦~」
「衝啊！！」
村落面臨住一個重大危機……
──────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────
「呼，終於買好曬野lu，今餐都算豐富囉，正。」
一路講一路行返返到去村落，不過同之前唔同嘅就係，村落嘅氛圍完全唔同曬，一種不安嘅情緒不斷從內心裏面湧現出嚟。
正當我想加快腳步，睇下村入面發生咩事嘅時候，一個企係村口嘅陌生人令我停低左我嘅步伐。
「呢個係邊個嚟架呢？住左大半個月都味見過佢，而且呢個人一望就知到係強盜啦，個個衰樣柒到呢~隻手仲揸住把豬肉刀，好明顯係睇水架啦，咁姐係話村裏面發生大件事，大獲！！」
呢個情況我要做啲咩好呢…我個腦亂曬，完全諗唔到可以做到啲咩……
既然出面做唔到野，咁睇下入面發生咩事先再決定我嘅行動會好啲，知彼知己，百戰百勝啊嘛。
慢慢咁行埋去…頂你個肺，大佬叫你嚟睇水，你條仆街係到訓覺？！搞到我行過嚟都就嚟嚇到瀨屎。唔得，要比啲好野你嘆下先得，哈哈。
「喂，醒下啦喂，夠鐘開餐啦~~」
「啊……啊！唔好啊！！！」
搞掂左出面個個垃圾強盜，就開始進行我嘅潛行大計。
講就話係潛行，其實基本上一個普通人都可以睇到我。好奇怪，呢到並無我預期中血流成河，相反，好平靜，靜到令人反感，靜到令人恐懼。係到行左大半個圈，都仲味發現到一個人，好似全部都消失曬咁，好驚，驚到腳都震埋，但話曬都係照顧左我半個月嘅家人，而且感情都唔錯，我係唔會咁衰仔自私走嘅！
於是我決定跑返屋企，希望佢地無事啦…
果然，都係空無一人……
「啊~！！！！！」
「？！」
「係小希把聲，大獲！」
我雖然衝動，而且好想救佢地，但係我都唔係一個白痴，好清楚亳無準備到就貿貿然衝入去幫人個啲係叫做自殺，所以我決定都係慢
慢咁潛入去，睇下咩情況先。
無錯，我的確好聰明，識得計劃好先再入去，之但係.......
仆街我高估左自己嘅潛行能力。
「喂，係個邊鬼鬼鼠鼠匿埋做乜嘢，出泥啦靚仔，仲避乜啊，見到曬你個柒頭啦。」
屌估唔到咁快就比人見到....
「唔…唔係，大佬，你聽我講先啦......」
「綁起佢！」
頂，都唔聽人講嘅！
好順利，我又衝出嚟柒啦。
「靚仔，之前都味見過你喎，新嚟架？」
「係啊大佬，嚟左半個月架炸，咩都唔知架！」
聽到佢問我野，我即刻好似軍訓咁九秒九答佢，驚答慢一秒就比佢打獲金咁。
「既然係咁.......好，我份人呢就最鐘意玩架啦，哈哈。呢度成村人，你覺得我會點做啊？」
哦，原來佢地將成村人捉曬去呢度，唔怪之得之前唔見曬佢地啦。
「唔......唔知啊，殺曬佢地？」
「？！」