一次意外，我的人生可以重新來過？: 第二十七章

望著眼前這個很熟悉，但一切卻彷佛變得陌生的女孩，我心中一緊，眼淚又流出來。芷悠見到我有眼淚，馬上表演得很驚訝，連忙到床邊拿紙巾比我。 

「你….. 無野嗎？」芷悠問我。 

「我無事，有沙入眼啫，有心。」我用紙巾抹了一下眼淚。 

「其實，我係咪識你嫁？我同你係咪好朋友關系？」 

好朋友這三個字在我耳傳入我腦中時，我的心就像炸開了一樣。 



我和妳無牽過手，無擁抱過，無發生過甚麼事情，但短短一年多，我相信其實在我和你心目中，早已經當大家不只是朋友了 

「你叫呀彥…. 對嗎？」芷悠見我沒大多反應，於是開始打破沉默。 

「係呀，我叫呀彥，陳文彥。」我也不知道應該給什麼反應了。 

「點解你會比我一種好熟悉的感覺既？唔通我真係失左憶。」芷悠自己問自己。 

「唔係呀，我同你其實普通Hi-Bye Friend，所以你唔認得我都唔出奇，你好好休息下啦，我聽日再來探你。」我唔想話比芷悠知這個事實，因為我唔知道佢如果知道自己失左憶會有咩反應。 



「咁快走啦？又話陪我既？」 

「我唔記得左屋企煲左湯未熄火。」 

「好啦，拜拜呀彥。」芷悠莞爾一笑。 

「拜拜。」

我獨自離開醫院，向天一望，原來已經入夜了。天空裡並沒有星星在閃爍著，只有一大片雲，遮蓋著月亮，遮蓋著繁星，也遮蓋著我的心靈。有時候人的心情會因為天空的氣象而改變，但無奈地，每一次自己心情差而又想看到天晴時，天總是灰色的。 



「我番黎啦。」回到家裡我含糊的說了一句，好讓我父母知道我回到家裡。 

「番黎啦？喂我未死喎，唔洗死老豆咁既樣喎，搞咩呀你？」老爸問我。 

「一言難盡啦，唔講咁多，想靜下。」 

「唔食飯啦？」 

「唔食啦無心情。」 

「有咩同老豆講，我撐你喎。」 

「明嫁啦老豆，我自己handle到。」 



解決了家人的追問，洗完澡，我自己一人躺左床上。 

腦中一個又一個回憶傳來，教我痛苦得死去活來，和芷悠這一年的點滴，一起的時間，還有因為我的堅持令到一段緣份白白溜走。 

自己在上一世一事無成，今世也帶著一個又一個悔恨開局，到底我回到這裡，是福還是禍？ 

心入面雖然怪責緊自己，但係腦中想起今日發生的事，想起芷悠媽同我講芷悠夢中叫我呀彥，心中也是一陣甜。 

但下一秒，五百蚊的賭注，卻又令我疑惑不堪。 

究竟五百蚊係咩一回事？芷悠又同邊個對賭？為既又是乜野？ 

想著想著，我居然沉沉的睡著了。