英雄同盟戰: 8.進攻
翌日
「呼...」
彌生正於主大樓既天台上抽煙
「嘩，乜一個人出黎煲煙咁悶呀...」
「要唔要呀？」
「咁多謝啦喎」
彌生將煙遞比光晨，再為佢點火
「話事話，你地兩兄弟之前係做邊範架？」光晨問
「賞金獵人囉，上goldenjai.com搵生意」
彌生吸一口煙，再講:「不過依家收左山啦，有小優bb豬就唔搏命啦」
「咁你呢光晨？」
「我做偵探社既，都係幫阿婆搵下貓、幫大婆捉姦咁啦」
「真係？」
「...真係呀」
「哈，既然你唔想講我都唔逼你啦」
彌生笑道:「係喎，同你一齊黎果個素素，好似對你好有意思咁喎」
「唉咪搞我，我對細路女冇興趣..只不過我有一次救左佢，佢先以為我係佢真命天子姐」
光晨無奈道:「我睇女人就一定係睇腳同屎忽既！好似果個阿白咁...」
「唔係掛！你睇中阿嫂！？」
「打個比喻姐，有仔既我唔會搶啦」
光晨笑淫淫道:「依家我既目標..係阿薰」
「哇哈哈，識食呀！又有波又有屎忽」
彌生亦講出自己既睇法:「不過呢，雖然小優bb豬又矮，對波又得32D..」
「但係...我都係覺得，小優bb豬同我先係天生一對」
「哇，咁專一呀...」
「係你花心姐！」
兩人越談越投契
=======
會議室
「我地既計劃，就係要...利用....」
花仔榮既錄音不停被播放住
「嗯..即係話依家既目的好明顯啦，就係消滅香港IID分部」
瞳瞳推測:「咁既話，整個香港都會係佢地既攻擊目標」
「要將損害減到最少，我地可以事先安排好疏散措施」
發叔道:「但係問題係，我地唔知道佢地幾時發動襲擊，同埋佢地襲擊既方法」
奈央亦開口:「佢地..應該唔會用到大殺傷力武器掛..」
「點都好啦，我會返去計劃疏散措施，而你地同Troopers..就隨時準備作戰啦」
發叔發下各個命令:「丫仲有，阿昇佢地三個人既進度如何？」
「佢地準備好哂各種防彈戰鬥服同武器，亦將佢地研發既AI投入戰鬥應用」
瞳瞳道:「而且...佢地好似仲整緊一部好似ironman既野」
「嘩咁犀利？！」
「依家證明左，我幫你搵呢班人返黎係無錯架啦，阿孝？」發叔嘴角上揚
「哼...真正實力都仲未知...」
=======
實驗室中
一副黑色既機械盔甲正在發出紅色光芒
「渦渦渦...」
「結衣bb，發動機既performance點樣？」阿昇問
「2部主推進器功率30kW,時速可以達到130km」
「腳邊兩部推進器10kW，同樣運作穩定呀！」
「散熱正常，內部溫度為22度」
「yeah！！！最難搞既散熱都搞掂啦！」
阿昇振奮地大叫:「產品編號300，blacksuit依家只係差裝武器同AI兼容咋！」
「但係...真係要我黎著呢套野呀？」
阿七不安道:「又要飛黎飛去，我心血少頂唔順架喎」
「緊係啦，你先係blackman嘛！」
阿昇大笑:「有左blacksuit，你就唔再係廢鳩俠啦！」
「到時露露bb知道你個身份，實比你溝到手啦！」
「露露bb....」
=======
7月8日
15:30
南中國海
一座巡洋戰艦上
「報告老大，仲有60分鐘就會到達目的地」
「嗯..」
名為「老大」既男人留住長白髮，滿面皺紋，身型卻健壯得如軍人一樣
「一百名戰鬥用納米機械人員已經準備好」
「五百隻war dool，進入起動程序，將於三分鐘後先出發」
各個人員向「老大」匯報現時狀況
「咁metal armor呢？」
「3部metal armor現時正在充電，大約50%」
「好..」
老大把玩住手指上既玉戒:「萬事俱備...」
「阿夙，依家只係差你一個」
灣仔一個唐樓單位中
「收到」
紅髮既阿夙拎起電腦
「『天使狩獵』作戰，正式開始」
「噠！」
「.....」
不消一秒，全港所有電力馬上被截斷
旺角繁華既鬧市，亦隨即變得沉寂
「做咩事呀..」
「嘩，停電呀？」
西洋菜街既市民紛紛拎出手機
但係，卻全部失去信號
「喂，連啲電話都冇哂反應喎..」
唔單止旺角，就連中環、尖沙嘴、灣仔...
十八區亦都處於停電狀態
此刻既香港，就如與世隔絕一樣
中環既IID總部，亦失去電力供應
裏面既特工都已經疲於奔命
「依家成座大樓都冇哂電啦，我地同唔到出面既特工聯絡呀！」
「啱啱check過，後備電力完全失靈呀！」
「嘿...竟然仲有呢一招」
坐響房中既發叔冷笑道:「用小型EMP，就可以將香港既所有電子通訊切斷...」
「你地就可以襯住機會偷襲，好野呀吓迪拉斯」
「無錯，阿夙一早已經響哂全香港既主要變電站裝左EMP炸彈，禁一個掣，就可以令成個香港停電一小時」
老大緩慢地舉起手:「war doll部隊，出發」
「係時候...將天使既翼剪斷」
五部小型潛艇從戰艦底部射出，以高速衝向維多利亞港！