英雄同盟戰: 9.天使狩獵
五分鐘後
「砰！！！！！」
潛艇各自剷上金鐘、中環、灣仔五個位置既海邊
「咔！」
潛艇門應聲彈開
一百隻war doll從潛艇中亮出紅光，面相恐怖！
「嘩..係..係咩黎架？」
途人望住突如其來現身既潛艇，議論紛紛
「吼！！！！！」
war doll們大叫一聲，衝出潛艇
佢地隨即拔出腰間既長刀襲擊市民
「救...救命呀！！！！！」
市民不停搶叫，但依然逃不過被殺的命運
「香港警察！舉高雙手！！」
剛開始殺戮之際，數十個軍警察及時趕到
「...！！」
war doll停下屠殺，注視住警察們
警員們被嚇得不斷退後
「...咩...咩黎架！」
「吼！！！」
war doll只用一瞬間，就將長刀插穿前排既警察
「呀呀呀！！！！！」
警員們對住war doll亂射
「砰！砰！砰！砰！砰！」
一發子彈都打不中高速移動既war doll
「颯！」
相反，war doll卻只橫揮一刀，就將四個警員斬開兩份
「呀...呀呀呀呀..！！！！」
眼見同袍被秒殺，警察再勇敢都只能落慌而逃
唔單止尖沙嘴，其餘四區亦同樣受到war doll既襲擊
由於受到EMP攻擊，媒體亦無法報導有關消息
消息不能流通、敵人又過於強大
香港正面對一個前所未有既危機
「報告！五隊war doll部隊到達目的地，已經開始執行殺戮指令」
老大點一點頭:「戰鬥用納米機械人員依家準備成點？」
「準備好，隨時可以出發」
「好...出發」
老大嘴角揚起:「唔知道，IID你地會點樣應對呢？」
中環，IID總部
「弊啦，中環海邊出現左一大堆war doll呀！！！」
IID特工用住望遠鏡監視，大叫
「行動組第一班快啲出動！唔好比war doll接近呢度！」
「快啲睇下仲有冇其他地方有襲擊！」
「依家成個香港都停哂電，無哂出面既消息呀！」
即使係IID既特工，面對EMP襲擊都陷入一片混亂
眼見外面疲於奔命既特工
發叔卻依然輕鬆，優閒地飲住茶
「發叔！！！大件事啦！！！！！」
一名男特工，衝門而入
「依家全港都停哂電，出面又受到war doll襲擊，總之依家七...」
「我知呀」
發叔飲一口茶
「你知咁你仲咁嘆？！」
「放心啦joe仔」
「今次既停電係源於EMP，電磁脈衝炸彈，全港應該有95%既地區2小時內會失去電力同通訊設備」
發叔輕鬆道
「除左一度，果度既電磁場強大，能夠抗拒EMP攻擊」
「邊度呀？！」
「西貢東邊海域」
PAZ香港基地
會議室中
「阿孝，啱啱收到衛星圖片，香港有五個地區同樣受到襲擊」
希路展示住衛星拍到既照片
「嗯」
阿孝緩緩站起
「我地去叫Troopers出動啦，佢地應該準備好架啦」
「係..」
拓也道:「不過..一黎就要面對呢啲敵人，對佢地會唔會太難」
「拓也，唔通你擔心果個靚妹呀？哈哈」花仔榮依然有開玩笑既心情
「做正經野啦，無聊」
阿孝等人隨即前往Troopers既居住區
「咔！」
阿孝大力推開大門，將眾人既寧靜打破
「各位Troopers既成員，係時候要出動啦」
「出...出動？」
「無錯，大家期待既迪拉斯....已經攻擊緊香港啦」
「！！」
阿彩馬上打開電視
「沙沙沙.....」
電視卻只顯示雪花
「搞邊呀？收唔撚到電視既？」阿彩不停拍打電腦，依然無用
「響十五分鐘前，全香港都進入非尋常既停電狀態，所有信訊、電波通通都失靈，即係話依家香港既所有消息都唔可以流通，變成死城」
「咁既情況....係EMP炸彈！」叢雲有點吃驚
「無錯，可以做到呢款效果既都係得佢」
阿七同阿昇插嘴:「EMP攻擊可以癱瘓一座城市既電力同磁場，響呢個乜都依賴電既年代，咁等於將香港變成任人魚肉既目標」
「所以，依家香港度度都立立亂」
瞳瞳笑道:「呢個時候，正正就係我地出動既好時機啦」
「好啦！」
彌生精神奕奕站起:「拿拿聲去收佢地皮啦！」
「放心，武器同裝備已經為大家準備好啦」
奈央道:「各位請跟我地黎」
眾人落到大樓既底層
此處為一個大型既裝備室
「呢度咩槍咩刀都有，隨便揀啦」
阿孝道:「另外除左正常既槍械之外，仲有佢地三個整既武器同裝備」
「佢地三個」所指既正是阿七等三人
「首先就係呢件，防彈戰鬥服，鋪滿哂鈦合金，可以完全將子彈彈開」
阿昇為大家介紹:「重點係，佢唔單止輕身，仲有散熱裝置，溫度可以維持響22度」
「彈開子彈？係真唔係呀..」
貪玩既彌生拎起一把普通不過既glock17手槍，對住前面既戰鬥服開火
「噹！」
子彈擊中表面後卸去所有能量，彈到地面上
「嘩...掂喎..」
Troopers大伙兒都對呢項發明感到嘆為觀止
「仲有呢個自動換彈機，放響腰邊，一放埋去，就會拆開舊既彈匣，換個新既」
智也介紹:「比起一般換彈快左足足1秒」
「rina，你老公又幾犀利架喎」misa讚道
「車，呢啲野好小兒科姐..」
阿彩不滿道
「屌，你班友有冇理我架，我都唔用槍既！」
「放心啦..我準備左啦」
阿七拎出一對手套:「高出力手套，可以將你既拳力磅數加重一倍」
「丫好彩你個柒頭都有整到」
阿彩舉起拳頭:「你冇整既話打死你呀！」
「最後就係呢樣野」
阿七拎出一個對講機形狀既物體
「只有呢部野，你地就可以連接到我地整既AI:結衣bb」
「結衣bb可以用天眼同IID既數據庫收集情報，而且可以隨時回答大家既問題，所以響戰場上大家都可以隨時知道其他地方既情況」
「估唔到你地三個都整到呢啲咁勁既野喎...」阿德道