「係喎!」

misa如夢初醒:「我同阿德...仲有我地成班女仔都唔識打架喎...咁我地做咩好呀?」


「放心,我地已經安排左啦」

阿孝將名單派發

「呢度已經講左今次任務每個人既職責啦」






眾人睇過名單,得知各自負責既位置

大致如下


第一組:

花仔榮、光晨






第二組:

奈央、rina、新月


第三組:

希路、阿七、阿彩






第四組:

拓也、小櫻、薰姐姐


第五組:

彌生、叢雲


聯絡員:

阿白、小優、阿咲






補給組:

阿德、misa


情報組:

洛迪古斯、素素


總指揮:

阿孝、瞳瞳








「今次大家都有各自既崗位」

阿孝摸住下巴:「聯絡員同情報組會同我、以及凌愛瞳一齊,乘搭運兵直升機,響戰場上空指揮。情報組負責監控我地既頻道信號,令通訊唔會受到EMP炸彈影響」

「林保德同衛美莎就會駕駛裝甲車,你地既職責就係不停穿梭戰場,為其他戰鬥人員補給武器同子彈」


「聽落都唔係好難姐..」misa伸住舌頭,笑道:「咁到時靠你揸車啦阿德!」

「嗯..得啦」






「另外既五組戰鬥人員,目標好簡單姐」

阿孝一面嚴肅:「將迪拉斯既人員,殺清光」

「就係咁多,各位執好裝備,五分鐘後出發」

「至於阿昇同智也,就留響度啦,你地仲有一樣發明要搞架嘛」

說罷阿孝就先離開裝備房,留下Troopers既成員們



「呼...終於要打啦」





光晨嘆一口氣:「希望今次既敵人簡單少少啦,我唔想好似上次咁要幾樓跌落黎」


「你呀,上次不知搞得我同素素幾擔心呀」

阿咲生氣道:「今次你唔好再咁搏命呀!」



「叢雲...你會唔會有事架」阿白擔憂道


「緊係唔會啦,我次次都返到黎」

叢雲將阿白攬入懷中:「等我做完呢啲事之後,我地就可以返去過平穩既生活啦」


「嗯...」



「小優bb豬!講啲鼓勵說話啦!」彌生無賴地抱住小優


「幾大呀你..仲要人鼓勵!」

不過小優始終口硬心軟:「加...加油囉!」


「哈哈,抵錫!」



「你班現充唔好再放閃啦,夠鐘換衫走啦!」花仔榮不耐煩地催促





五分鐘後,拎好裝備既Troopers眾人已經到達大樓外面


「齊人啦..行啦」

阿孝走上直升機,指住前面既數十架私家車:「各組揸一架私家車過去啦,呢度架架車已經裝左防彈外殼架啦」

「對錶,15:45,行動代動『騎兵』,Troopers部隊正式出發!」



各隊坐上自己既載具,出發到香港既命脈地區:中環



「叢雲...」

阿白一面擔心,雙手合十:「唔好有事呀...」


「放心啦,上次響大阪佢都大步攬過,今次一定冇事」

瞳瞳遞上一個headset:「如果係擔心叢雲既話...用佢,咪可以聽到叢雲把聲囉」

「佢地兩兄弟果組冇任何PAZ既人員,要靠你同小優為佢地提供情報啦」


「嗯...」

阿白戴上headset,用電腦將頻道調較好

「叢雲..叢雲,聽唔聽到呀?」



「阿...白?」

已響路途上既叢雲聽住耳機既聲音,有點吃驚


「嘻嘻,咁樣..我就可以同你一齊戰鬥啦...」

阿白笑得感恩




「嗯...多謝你呀阿白,一陣靠哂你啦」



「哈哈,係阿嫂呀?」

正在揸車既彌生問


「嗯...」

叢雲發自內心地微笑



「唉,上戰場都咁sweet...小優bb豬咁粗魯,睇黎都唔會...」


「咩粗魯呀!!!!死人彌生你講咩呀吓!!!!!」

彌生既耳機馬上響起小優既怒叫,嚇得彌生拔開耳機


「嘩....哈哈哈講笑姐!小優bb豬係世上最可愛既女仔黎!」

彌生笑道:「今次做完呢任差事,不如我地留返響香港囉」

「話哂今次都識到班咁啱傾既朋友,完左就散,太可惜啦」



「嗯...都係既..」

小優思量道:「咁..阿白同叢雲點呀?」


「咪搞我,我唔想再同呢個細佬有咩關係」

叢雲冷冷道:「今次我同阿白已經比你拉落海啦,我同阿白黎緊應該會返日本住,唔駛再比彌生你搞住哂」


「哈哈...一世人兩兄弟唔好講呢啲野啦!」



==============================


「喂,柒頭」

坐響後座既阿彩問:「阿昇同果個智也搞邊科呀?你地仲有發明要搞咩?」


「佢地..整緊副盔甲比我...」

阿七難為情地講出此句


「咳...咳..咳咳!!!哈哈哈哈屹屹屹屹!!!!!」

阿彩捧腹大笑:「你條友都有盔甲?ironman咩哈哈哈哈」



「屌..佢地話要整都冇辦法架...你估我唔驚既咩,響個天度飛黎飛去喎,一陣爆炸我就渣都冇呀!」

阿七無奈地拎出手機:「唉希望露露bb冇事啦」



「露露,聽聞出面好亂呀,記得留返響屋企呀」阿七用whatsapp將呢段說話傳送到露露處



「邊個係露露?」

駕車既希路竟然問起上來


「係條柒頭個娘娘呀」阿彩道:「溝左兩年都溝唔到,死撚左佢啦!」


「你識咩丫...」




「....」

希路好像若有所思般


「友美...如果我當初....」


================================


「報告,第四組已經去到將軍澳,準備經東隧去港島」

拓也冷靜地匯報


薰姐姐稱自己要養足精神,正於後座小睡


「...」

小櫻一邊望住拓也,卻說不出話



「咩事?」拓也注意到小櫻,問


「無...無事呀...」已經臉紅既小櫻馬上低頭,避免跟拓也有眼神接觸



「慕容小姐,你仲係覺得我係你鐘意既果個人呀?」

拓也問


「呃..呃...」

小櫻唔知點樣回答

「明明我知道你地係兩個唔同既人,但係...」


「我都係比拓也先生你吸引住...」



「....」

拓也輕輕一句:「原來係咁,我都係第一次遇到個好似你咁既女仔」

「我從來都係一個獨來獨往既人,我估唔到你」



「不過,上戰場諗呢啲事好易會死,有咩事...」


「完左今次既戰鬥,我地再好好咁傾下啦」




「拓也..先生..」


「你鐘意既話..可以叫我拓也」拓也依然直視車前既道路


「咁...你都可以..叫我...小櫻架」

小櫻害羞道


「嗯..小櫻....」




「各位,由天眼拍攝既影像得知,依家既中環已經受到500隻war doll襲擊,重災區為國金一帶,由第一組同第四組應付,第二組負責信德中心,第三組同第五組就分別守住龍和道同中環海濱」

瞳瞳匯報:「今次迪拉斯既目標係位於德輔道中既IID總部,各位務必要抵抗住佢地既攻擊」

「由慕容兆琪佢地研發既AI已經投入作戰,佢將會全力協助大家」

「仲有就係...殺死war doll只有一個方法,就係破壞佢既頭部」


「大家好,我係結衣bb,黎緊既作戰將會幫大家分析戰場既情況架,多多指教!」

各人都早已連接好阿昇提供既通訊器,可以隨時收到結衣bb既情報



阿彩從後勒住阿七

「屌,好心你轉左佢把死人聲啦,聽到就火!」


「咳咳咳...斷..斷氣啦屌!」


此時

六輛車輛已經駛至灣仔區域


「!!!」

彌生、叢雲以及希路三個吸血鬼同時都感應到危機


「呢度只係灣仔區,點會咁快就有呢種感覺既..」叢雲道


「唉唔理啦!!全速前進!」



「颯!!!!!!!」
已有 0 人追稿