【最好的結局】那年那天那個大過我的少女。: 介意不來 只有配合演出

同小飛醉生夢死左一晚後， 
就緊係要返去交人， 

「琴晚玩得開唔開心呀？」 
「幾啦，兩個男人打機」 
「兩個男人加幾個女人，係唔係！」 
「無女人呀，妳都無去點會有女人。」 
「算你啦！」 
「我乖仔！」 
「講過好消息俾你聽！」 


「咩呀？」佢係唔係想接受我啦… 
「我升職呀嘻嘻…」原來係咁… 
「咁開心呀，同妳慶祝好唔好呀？」 
「唔得呀…成班同事要同我慶祝呀…」 
「咁…呀…咁妳玩得開心d啦。」 
「傻瓜，10點係藍田等好唔好呀。」 
「我接妳唔好咩？」 
「廢事啦，等陣俾同事見到又問長問短！」 
「好啦咁…」 



我都係唔見得光… 
咁又係， 
我都唔係人男朋友… 
人地升職加人工… 
我仲係一個ive仔… 


就算關係幾親近… 
實際距離都係遙不可及。



時間一分一秒過， 
而我一分一秒等。 

每分每秒也有不同的感受， 
為甚麼？我不是第一個和她分享喜悅？ 
聽完小飛講既野… 
其實我好迷茫， 
一方面要不斷說服自已去信任她， 
一方面係到質疑自已點解要去信任她！ 
都要諗得深入， 
我就愈去阻止自已… 

我有諗過，其實佢係呃緊我， 
但係我又會為佢諗上千萬甚至億萬個理由將呢件事去合理化… 
我好犯賤， 


無錯，我好撚犯賤。 

因為佢，我失去理智。 
因為佢，我感到苦惱。 
因為佢，我前所未有咁失望。 

但同樣，我亦因為佢既一句藍田等而感到開心， 
證明我有在她的心中… 
她會記起我， 

只不過，不是經常。 
只不過，不是最重要。 
只不過，不是第一位。 

但， 


我愈得到愈多， 
和她愈親近。 
我就愈忘記左我當初只希望成為佢既避風港。 

人總是貪心。

由佢無覆我短訊個刻， 
到這刻，她一直沒有消息。 
不是說好了， 
要一直保持聯絡嗎？ 
為甚麼… 
你又失信了。 

我提前到了那個屬於我和她的藍田公園， 
靜靜的， 


和我的心形成一個強烈的對比… 
我的思緒雜亂無章… 
差d連老豆姓乜都唔撚記得， 
個心剩係得一個。 
都幾不孝… 

愈接近十點， 
我的心就愈不安， 
那手機上的時鐘每跳動一下… 
我的思緒就更混亂了一下。 
但那手機上的時鐘不跳， 
我又很心急… 
我究竟想點？ 
我都不知。 



時間愈接近就愈擔心， 
擔心她不會來， 
擔心她會失信， 
擔心她…… 



已忘記我。