【最好的結局】那年那天那個大過我的少女。: 誰的錯

時間已慢慢到達了極限… 
時鐘上的指鐘已慢慢重疊， 
我卻還坐在那個冷冰冰的公園的長椅上。 
… 
等… 
等一生都等… 
很甜蜜的一句， 
但又幾何有人嘗試過？ 
等喜歡既人，成日俾人認為係一件好浪漫既事， 
係既，知道有人等你， 


幾咁幸福呀。 
知道收工之後， 
屋企有個人等你，幾咁sweet呀. 。 

但，有誰想想那個負責擔任等待喜歡的人的那位感受？ 
負責等既人， 
要永遠唔可以抱怨， 
唔可以感到厭倦， 
他終日要以他需要等的人為頭一位。 



那誰放他在第一位？ 
那誰等他呀？ 

人類剩係識睇到一件事既好野， 
但同樣地遺忘了背後那個人。 

賣樓， 
永遠都係多謝買樓個個… 
唔係有人幫你起樓你賣乜撚野樓呀？ 
係，你會話我有俾人工佢架… 


咁我俾人工你起， 
你識唔撚識起？ 

同樣d人覺得俾人等個個好幸福， 
咁你去做下等人個個睇下幸唔幸福。 
有些事情不是必然的。 

等一生都等… 
明明這樣悲傷的歌詞… 
卻大把人認為很幸福， 
那你來當當那個等人的人好嗎？

十二時半， 
終於有人影慢慢步行上來… 
因為夜，看得不是很清楚， 




但我期望那個人是吳小玲。 

那個人影慢慢慢慢行近， 
終於在我的身邊停低。 

而我卻低著頭， 
只看到一雙穿著黑絲的修長美腿… 
我想， 
那雙腿是屬於吳小玲的。 


「你點解唔搵我？」熟悉的聲音傳入耳中… 



「…」當然我無回答。 

「你點解唔打俾我？你點解唔俾短訊我？」 

「我地唔係約好左十點藍田公園等咩？」 

「咁點解你見我無到你唔搵我呀？」 

「咁點解妳要失約呀？」 

「我都唔想遲到，我已經好想走。」 

「咁點解妳唔同我講聲？」 

「咁點解你唔主動搵我呀？」 



「點解我要主動搵妳呀？」 

「你就唔會怕我出左事？」 

「依家你邊忽出左事呀？同人慶祝得好開心唔捨得走添呀。」我已經開始忍唔住，將今晚既氣開始慢慢發出。 

「你唔會關心我。點解你唔見人個時我會咁緊張你，點解我唔見人個時你可以無理我？」 

「咁點解妳要失約呀？」 

「你根本唔明我關心d咩。我對你好失望你知唔知呀？」 

「對我好失望？你知唔知我就咁坐左係到兩個鐘有多呀？你知唔知我有幾唔開心呀？」 



「點解你唔會覺得我出左事？」小玲已經開始喊… 

「不如講下妳可以出左乜野事。」 

「講？你根本唔關心我，我可以對你有咩期望呀？」聲淚俱下… 

「…」望住小玲個樣，我好心痛。 

「點解你唔可以主動d呀…」小玲已經喊唔停… 

「…」 

「點解個個都要咁對我呀…我都想俾人關心俾人愛護呀…」 

「小玲…」 

「我根本一d都唔堅強呀…你知唔知呀…」 

「…」我很心痛呀… 

「你走呀…我唔想見到你呀！」 

「小玲，唔好咁啦…」我想行上前… 

「你走！你同我走！」小玲好快就避開… 

而我只得呆呆站立…

其實， 
男人都有脾氣， 
男人都會嬲， 
而我都係一個正常男人， 
當一個男人聽到一個女人叫佢走， 
好多時候， 
就算個男人發緊脾氣， 
個男人都會挽留先， 
但你一而再再而三咁叫佢走呢… 
佢會走。 

無他， 
無人會覺得自已錯… 
只會覺得自已係最慘個個。 

就算係呢個情況， 
其實我無錯， 
小玲亦都無錯。 

我並唔知小玲所講既出事係乜野， 
同樣地， 
小玲唔知我白白係到等有幾失望。 

大家出發點無錯， 
所以，我地都堅持已見。 
唔讓步… 
當然…讓步呢樣野應該係我做… 
但我都嬲到火燒心， 
你叫我點讓？ 

所以， 
我頭也不回就走了。 




當然， 
我走了後， 
我才知道甚麼叫後悔。

我由小玲自已一個係個公園… 
嗯… 
我由小玲自已一個係個公園… 
我無理到佢… 
我由小玲自已一個係個公園… 
我掉低左佢… 
我由小玲自已一個係個公園… 
我對佢發脾氣… 
我由小玲自已一個係個公園… 
…我知錯了 

但係， 
當我知錯個時我已經沖完涼… 
訓左係張床到。 

小玲現在在哪？ 
小玲… 
小玲，電話一直無開… 
無論我留言， 
定我打電話過去， 
都係， 
「你好，我係吳小玲，依家唔得閒聽你電話，請你係嘟一聲之後留低你口訊。」 


看來， 
我真的做錯了。