[新手上路] 真係做得出刀劍神域入面果種VR?: 8. 果五條友做緊咩?

同一時間打開, 就咁睇大約五個人左右

A: 「嘩...屌...差啲..差啲出唔返黎呀屌! 痴撚線嫁!...唉屌」

B: 「係囉! 隻王又會咁難打都有既!」

C: 「好彩最後杰仔夠勁, 唔係多多命都唔夠死呀!」

D: 「係呀! 好彩你係度咋杰仔~」





E: 「哦...太客氣啦你地, 其實都唔係好難打姐」摸摸頭

「佢地用VRT打機呀?」我好驚訝咁問Koey

Koey都未答我, 我又繼續講「嘩...你地都真係收得埋啦, 一次過整單咁大既野出黎, 漏左風聲出去仲得了既?」我探一探佢口風

「係呀, 佢地五個係產品測試員黎, 我地唔止剩係研發VRT咁簡單, 我地仲有研發VRT適用既學習程式, 遊戲等等... 而佢地岩岩測試緊入面遊戲運行既時候會唔會有bug出現, 同埋有咩改善之類既問題, 唔好聽佢地岩岩講既野好似顯得佢地好弱咁呀」講到呢度Koey笑一笑

「佢地個個都身經百戰, 一等一既老手黎嫁! 岩岩我都係處理緊少少bug既問題, 所以先遲左搵你咋!」Koey又繼續講





Shit, 比佢講左堆野無視我問題添! 不過老實講, 我真係寧願做測試員好過, 又有得玩, 又有人工收

「Brova! 我都想認識下佢地, 作為一個機迷, 見到高手真係一見如故咁呀...」其實我都係一個好鐘意打機既年輕人, 而且我用VRM全套裝黎玩, 不過會用第二代黎打機既人實在太少, 所以都無朋友會一齊玩, 而且玩得既都係得返舊game

「好呀! 反正你遲啲都要同佢地合作」Koey邊行邊講, 咁我唯有跟住佢行過去啦