[新手上路] 真係做得出刀劍神域入面果種VR?: 9. 五位遊戲測試員

「Koey姐!!!! 杰仔岩岩好勁呀! 你無睇live真係可惜」C果位男人咁講

「係咩Zero? 唉也, 我岩岩要去見一見個新人, 唔得閒呀~」Koey半帶可惜

咁即係比說話我聽姐...

「係啦, 我岩岩都帶左佢黎, 介紹埋比你地識」Koey雙手搭住我膊頭, 企得好埋

「佢叫Sword, 係Steve親自搵佢返黎幫手做研發既, 以後有咩技術上既問題都可以叫佢幫手處理, 黎緊佢仲會join埋我地測試呢邊添」Koey愈講個身貼得愈埋





「係...係...係...我叫Sword呀..., ur...都可以叫我劍仔既, 以後就...多多指教啦」比佢貼到個人布啲不知所措, 講完我微微變腰躹躬, 順手拉開同Koey既距離

眾人「嘩...有咩咁猛料要Steve親自搵呀?」「係囉!」「Koey姐同佢咁close既...」

A: 「咳咳, 劍仔呀, 我叫呀火, 啲人都叫我火火既」
個樣串串地呢位就係岩岩講晒粗口果個, 年齡應該差唔多三十, 睇落個體格幾好

B: 「Hello~我叫Bobo呀~」唔敢直視我, 迴避目光
一位二十出頭既女仔, 怕怕醜醜, 有運動身型, 高高瘦瘦, 睇落都好fit





C: 「Hey, 我叫Zero! 都可以叫我呀寧, 寧同零一樣讀音, 所以叫Zero」拍拍心口
我諗佢應該都係同我差唔多年紀, 比我個感覺好friendly

D: 「劍仔~nice to meet you~, 我叫Alice」微笑
三個字, 好! 靚! 女!   有! 氣! 質!   無! 得! 輸!

E: 「你好! 我係杰仔」舉起隻手示意say hi
呢個人比我既感覺, 唔識形容, 外表平平無其, 身型又唔係特別出眾, 應該係深不可測?

五位簡單自我介紹之後, 我忍唔住好奇咁問左條唔知應唔應該問既問題





「係呢...岩岩聽到你地講, 乜Steve好猛料嫁咩? 你地話佢搵我返黎好似好出奇咁既..」我尷尬摸摸頭, 因為以我所知佢只係一個天才, 唔知佢有咩咁勁

「你認識既Steve係咩人?」眾人都沉默既時候, 火火就開聲講

「Steve咪...年輕既天才? 有錢同埋有野心囉」我用我僅有既認知去答, 大佬呀...我同佢相處加埋半個鐘都無, 你想我點答呀? 你幫我答埋佢啦

「哈哈! 咁你實在太唔了解佢啦」Zero笑住咁講

我緊係唔了解佢啦fuck you!

「喂! 唔好講到你好似好了解Steve咁喎Zero」Koey陰陰咀笑

「係係係...邊夠Koey姐熟呀..哈哈」Zero恭敬得黎又串串地咁話





「好啦Sword, 講少少關於Steve既野你知啦, 我諗佢都唔介意既」Koey合埋眼回憶返關於Steve以前既事