「喂, 林生? 我係Apple研發部Steve既秘書Suki呀, 請問下個月開果個合作會議, Steve有無同你提過話提早開會日期呀? ... ...哦... 無... 好既, 明白... 麻煩晒, byebye下個月見」

「Hello, I'm Andy, Steve's assistant, Can I speak to Dr. Cannon? Yes...yes...about the meeting on next Monday. Does Steve mention about it? No? ......Alright, I got it. Thanks, bye~」

「Andy, 我岩岩打埋最後果個去問啦, 都係無搵過佢地...」

「我呢邊都係呀Suki...不過下次講英文既交返比你得唔得...你知我英文...麻麻地」

「呢個時候仲邊有心情理邊個打去呀...最緊要係快啲搵返Steve」





「唉......」兩個一齊嘆氣

Knock~ Knock~ Knock~ 「我係Koey呀」

Suki「哦...入黎啦」

「點呀? Call晒全部都無發現?」

「無啦, Steve應該係去左個唔係行程入面既會」Andy推斷





Suki「Steve呢排都無咩奇怪表現呀...日日都好正常, 係有時出左去幾個鐘, 但夜晚都會返黎做野, 會唔會比人...」

「傻既咩...Steve又唔係咩出名又有錢既人, 比著我都唔會綁架佢啦下話...除非......」Andy好似諗到啲野

「睇中佢既唔係錢, 係知識同技術!」Koey好似靈機一觸咁

「而且同我地理念同產品都差唔多既公司...應該得返PlayStation?」Suki又講「我地唔會無啦啦去聯絡PS嫁喎...大家係敵對公司, 咁點算...咁Steve點算呀?」

「冷靜啲諗下先, 現階層我地都係得個估字, 真唔真無人知! 唔好自亂陣腳先, 唔好比研發部其他staff知Steve唔見左, 對佢地士氣打擊好大」Koey冷靜咁講「得啦, 果邊我會處理, 你兩個繼續打探消息先, 火火果邊我聽朝會同佢地講」





講完之後, Koey就去搵火火隊長交代岩岩所發生既所有事

「唔撚係呀? Steve唔係啲咁無交帶既人! 佢一定係出撚左事!」火火嬲得黎又帶點擔心

「我地目前都覺得係Steve發生左少少意外或者佢依家個情況聯絡唔到我地住...同埋...」

「同埋啲咩呀! 快啲搵佢返黎啦! 屌!」火火仲係好嬲

「冷靜啲先火火, 我地已經用晒所有方法去聯絡佢, 問晒可以問既人, 都係無消息...唉! 你聽日同你班隊員講聲, 我夜晚要見一見佢地, 朝早training繼續啦, 始終都係Steve既心血」Koey好冷靜咁回應

「好...咁早啲休息, 走先!」火火都收左火咁講

...


唉...明明勞動左全日...就係唔知點解訓唔著, 我行左去宿舍廚房睇下有咩食先





「喂, 劍仔! 做咩咁夜唔訓? 為左Steve單野訓唔到?」叫我既係Zero

我一直行入廚房都無留意, 抬頭一望...成team人係齊度

「嘩......你地夠唔訓啦...係呀, 唔知點解訓唔到, 見餓餓地咪出黎搵野食囉」

「唉...唔知Steve點呢, 佢一定係有事發生先會咁」Bobo好擔心咁講

「.........」Zero同Alice點點頭

「雖然Steve唔係度! 但係大家都要繼續聽日既訓練, 始終Steve都唔想我地停晒手咩都唔做, 浪費佢既心血同目標!」火火拍拍手掌話

火火果然係隊長, 點都要有風範帶領返小隊





「大家唔好諗咁多, 飲杯熱牛奶就返去訓啦!」火火再話

講真, 呢一刻大家仲邊有心情, 一個話事人, 計劃既主腦, 無啦啦唔見左又無講低去邊, 每個人個心一定好亂唔知想點

我諗群龍無首最適合形容依家既情況

「我知你地心入面諗緊咩, 我自己都係咁, 但你地擔心黎都唔會改變到個事實嫁? 我地的確係做唔到啲咩...只可以繼續落去」雖然大家心中都係有呢個答案, 但火火講出口反而令大家都接受呢個現實

跟住我地各自各行返房去休息, 聽日繼續訓練

突然有人拍一拍我膊頭「喂劍仔, 你覺得件事係咪咁簡單呀拿?」

「哦...Alice? 你好似唔係行呢邊嫁喎?」

「係呀, 我都係搵你問下你覺得點姐」





「其實...我覺得......」

「不如去你間房傾? 企係度唔係咁好」

作為一個正常既男人, 聽到呢個提議的確係萌生左邪念...

「好! 當然無問題啦, 行啦!」




  
已有 0 人追稿