我叫做吳諾銘今年剛剛踏入『三章野』平平無期有份一萬幾蚊普通得黎而超多野做文職工,一家四口住起牛頭角下邨既廉租屋度,我同一般在職貧窮既香港人一樣每日起身就逼地鐵返工放工人生就係比生活強姦逼使我要為五斗米折腰,人到中年無夢想無理想天天比工作強姦勞勞碌碌既我,唯一對這種生活感興趣既就係我與一般人唔同我從小就擁有一種超能力,,只要我集中精神於某一點我可以令眼前3米內既任何物件(包括人)可以任意操控,視乎件野既大細而衡量我要用幾多精神,唔好問我點解會有呢種力量我自己都唔知,只係知我懂事就有呢種神奇力量,但做左咁多年人我從來都無同人講過及無展露過比任何人睇連屋企人都無……因為我從來無諗過要用呢種力量去改變世界,我只想平平凡凡做一個香港人………,但起2017年8月27日這一天將會改寫我吳諾銘一生。

在我床前既三星C7電話突然播出『印記』呢首歌鈴聲,原來已經上午 07:30 又係時候拎起疲倦身軀起身返工,唉…今日又遲左成10分鐘又要同我阿哥爭廁所佢每日都好準時07:30起個廁所到,我正常都會早十分鐘但因為我成日賴床所以就同我阿哥撞時間,未去到廁所既時候我打開個電視互動新聞台睇下交通消息同平時一樣返工繁忙時間呢到塞個度塞,但有個新聞今日我有小小留意關於東區海底隧道一輛裝滿化學藥物及氣體突然翻側倒在隧道口……此時
『諾銘到你啦,仲去唔去廁所』阿哥講。
『得得即到』我講,我都未睇完個標題就衝左入廁所。
『今晚同老豆老母出街食飯,去APM個邊食放題,你記得準時收工唔好遲』阿,哥講,講完就出了門口返工。

我同我阿哥感情其實麻麻地,佢係一個專業人士起一間社區中心做工程師,我同佢簡直天同地比所以佢成日都叫我去進修進修,我通常敷衍兩句就算了,雖然大家既想法唔同但我地都好鍚屋企兩老一有時間就會陪佢地出去食飯或者周圍去咁,我覺得人越大就要越去真惜屋企人。
我落到留下既時候手機既 MTR APP 及 九巴APP 都顯示『由於藍田站服務受阻每班車會延遲5-10分鐘』/『車輛受阻,巴士未能預期到站』,個刻我有感而發講出一句:『吊,港鐵年年就淨識加價,o的車路軌訊號又唔能提升下,仆佢個街我以後都唔能搭』但我都要向現實底頭聽日返工都要搭。我起月台不耐煩地等足十分鐘港鐵時,終於在遠處見到一輛車慢慢駛過來月台,一開門好奇怪咁好多人起呢個站到落車應該唔係用落車黎形容佢地似係『落荒而逃』,我起越處聽到有人叫:『有怪物食人丫,救命丫救命丫』我開始覺得有點不妥所以與其他人一樣逃走,當走到A出口出閘機前我聽到除了人們逃走腳步聲及尖叫聲外,另外有一把類似猛獸般的咆哮聲,我膽粗粗咁回望一下,此刻這個畫面令我眼球放大雙腳震斗……….
已有 0 人追稿