煉獄屍港: 第二章 - 逃亡

一個身體腐爛周身血肉既大叔正追趕逃亡中的人，有一個OL比佢從電梯飛樸倒在地上，此時這個『人』既一舉一動令逃亡中的人們及我停了腳步，眼前既畫面我本以為只會在喪屍片中才會出現，但而家實實在在起我眼前出現！！！那個『人』一口咬住OL條頸然後活生生將肉扯出來食，但那個『人』好像還沒品嘗完他的『早餐』將那個已經奄奄一息OL 一手將她的肚皮扯開將然後抽出裡面內臟慢慢品嘗，而我此時開始回過神來，其他人也是尖叫聲及腳步聲又在一次喚起月台。電梯亦開始陸陸續續有剛剛見到的『人』衝緊落黎，我聽到有好多慘叫聲我相信這些慘聲是逃走不切的人們被『他們』捉到當『早餐』咁食，呢一刻我自己都顧唔掂自己我邊有時間去理其他人呢?正當我用八達通『嘟』出站機時剛剛享用完『早餐』既『食人大叔』想飛樸落我到時，幸好我即時『過閘』出去閘外，『食人大叔』因為比出閘機頂住所以出唔到來。在閘外出面的便利店/麵包店眼見這個情況早就落了閘，我一口氣衝出呢個充滿血腥鐵路站我見到橋上的人還是正常我頓時放鬆一下心情我第一時間令起個電話打比我老豆。好好彩電話通左。
『喂?細仔咩事丫?』老豆問
『你同老母今日係邊度擺檔?』我問
『安基苑』老豆講
我心諗:今次仆街了……
『你個邊有冇見到人食人丫！！』我問
『你睇戲係咪睇上腦，定今日仲未訓醒，九唔搭八咁』老豆講
人就係咁當一Ｏ的從未見過既事未發生到自己身上時，通常都會當別人９ｕｐ
『你聽我講而家九龍灣鐵路站有好多人食人，簡單Ｏ的講有喪屍，你即刻關舖我會過黎搵你同老母，你要信我我唔想你地出事』我講
『唔……好我而家關門唔洗驚我同阿媽有事』老豆講




我都未講拜拜就 cut左我線，不過老豆老母個邊暫時可以放心，之後打比我阿哥電話係打唔通……只希望佢可以平安無事。

回個頭來，眼見橋上既氣氛都唔係好得鐵路站入面太多…….
『發生緊乜能野事丫?點解會有人食人嫁??吊係唔係拍緊戲?』 男人A講
『係拍緊戲就好，你見唔能見到站入面既屍骸及怪物，話係拍戲都呃9你啦!! 』男人B講
『平時睇喪屍片就睇得多，而家真係親身經歷，我仲未想死住丫………』女人A 講
『世界末日啦，香港玩能完啦！！！！』女人B講
『媽咪點解頭先個叔叔食人既，我好驚丫，嗚嗚嗚……』小朋友Ａ
『仔仔唔洗驚媽咪係度媽咪係度。』師奶Ａ
橋上面雖然暫時安全，但睇得出大家對剛剛既畫面除左用恐怖來形容之外仲有既就係絕望，如果唔想比個班稱之為『喪屍』既怪物做食物既話，唯一可以做既就係『逃亡』，但我自己知自己事我根普通人唔一樣，我除了逃亡之外我亦都有能力自保及救人，但呢一刻回想反剛剛食人既晝面我兩手掌心已經出哂手汗隻腳震過貓王，我連自保都係問題仲點去幫人?正當我諗到入哂神之際閘外突然有一把女人聲起度大叫我回頭一望這個晝面真係會嚇能死我……閘內入面既喪屍起碼有三十隻以上有好多喪屍由對面B出口衝緊過來亦有部份在往德福商場上落電梯個度『轆』緊落黎。我形容得無錯佢地係轆能緊落黎由此可見喪屍係唔識落樓梯但佢地為左食野可以不顧一切，但點解喪屍偏偏要往這個出口來呢?B出口個邊發生緊咩事由走出黎到而家只係短短20分鐘已經多左咁多喪屍而攔截住閘內外既出閘機亦都唔會頂到好耐只係時間既問題班喪屍一定會破閘機而出，此時有位女士講我地合力將A出口既大閘關起來。