煉獄屍港: 第五章 - 出發
原來出聲的人是與進仔玩緊的wilson。
『我剛剛聽到你講電話，而聽到你講等我到之前千萬不要開門，我諗你應該去救你父母。』wilson說。『乜你偷聽人講電話咁無品……』我不屑地說。『Sorry 我冇心偷聽，但係咪比我估中左?』wilson問。
我諗左一陣，決定同大家講:『係，我要去安基苑救我父母，我父母起安基苑商場地下的散貨場開檔，出事之前我己經通知左佢地收檔鎖好門等我黎，剛剛再打電話比老爸是想再確定一次佢地是否安全，好在佢地暫時仲安全但唔捱得好耐因為老爸話己經聽到出面有喪屍叫聲，我相信橋下面一定佈滿喪屍。』
『你諗住點救你父母?』stanley 問。
『我會經街市再入商埸，我父母擺檔位置係起商場地下超市隔離，而街市通過商場是一樓樓層落一層就到，呢個方法係最安全去商場。』我說。
『你點知街市和商場個度無喪屍??』Austin疑惑地問。
『街市、商場及我地而家處身於這個公園天橋是連接著，如果街市或商場係有喪屍的話我諗我地無可能響度抖咁耐。』我說。
『你咁熟呢度你係唔係住附近??』wilson問。
『我就係住呢度下面既貴日樓』我答。『我唔同大家講咁多啦，響度逗留都差不多兩個鐘，越遲過去情況就越差。』我再說。
『諾銘等等!!』stanley 突然出聲叫停我。
『我有個提議如果我地幫你一齊去救你父母，但之後去你屋企避難呢個條件可以嗎??雖然多幾個人去未必幫到D咩，但總好過一個人去。』stanley說。
的而且確，即使我既超能力都未必可以對抗大量喪屍一個人去會有一定危險性，如果有大 家幫手成功率會大好多。
我停一停了腳步，『你地唔怕死既都可以跟埋黎，話就話我家就在附近但都唔知返唔返到去。』淡然說出。
『照你咁講我當你應承，只要有一個安全地方我都會一試，其他人點??』Stanley 興奮地說。
『唔係掛……而家咁既環境落商場救人……頂!!嫌命長咩!?』黎謹睜大眼雙眼在說。
『黎生，無人逼你去嫁你可以繼續留響度～～不過唔知呢度幾時會有喪屍殺到黎～～』我諷刺地說。
『黎謹，有付出先有回報。』stanley說。
Austin一手拍落黎謹個頭度，激動地說:『你出少句聲，一陣諾銘反口唔比我地入屋，到時我同你真係嫌命長。』
『得啦…得啦…去咪去囉!!唔洗咁L大力拍我個頭，拍得多會傻嫁。』黎謹不情願地說。『你唔拍都傻嫁啦，諾銘我地兩個都一齊去救你父母～～』Austin笑說著。黎謹舉上中指指向Austin。
『或者我未必幫到o的咩手，諾銘求下你比我同個仔跟埋黎，我地真係好需要一個安全既地方。』王師奶喊著苦苦哀求著我。『媽咪，唔好喊啦……唔好喊啦…嗚嗚嗚…嗚嗚嗚…』進仔哭著說。
『呢個時候邊個唔需要安全既地方。講呢D。』黎謹細細聲衝口而出。Austin禁住黎謹把口細聲說『吊，你收下口啦。』
我不忍心見到王師奶這樣，我輕聲說道:『你放心，我會比埋你同進仔上我屋企，但我一定要去救左我父母先，你同進仔跟住我地行動要小心O的。』
王師奶抽泣著說:『諾銘，多謝你!!多謝你!!進仔快O的多謝哥哥啦。』進仔抬高頭笑著說:『多謝諾銘哥哥。』我微笑地點點頭:『進仔乖。』
『反正都要搵個地方避避，諾銘，預埋我同麗慈。』wilson 拍拍我膊頭說道。
雖然佢地會一齊幫我手去救我父母，但我並沒想過感激佢地，因為佢地每個人都有目的， 要達成目的付出或犧牲是必然的。
出發前黎謹從佢既背包上拎出一些『武器』比大家，我同Wilson一人拎住一支士巴那，Austin 同黎謹佢自己就一人一個鐵鎚。好明顯黎謹係一個維修師父，但佢既工具箱最大殺傷力應 該都係得士巴那及鐵鎚，D『武器』唔夠分……
Stanley 從腰間取出一支手槍及伸縮警棍『我係警察，我自己有武器。』大家見到都有點愕然，但佢既分析及應變能力咁強係警察都一D都唔出奇。
事不而遲，我地一行人動身離開公園，由於王師奶母子及麗慈無武器在手所以安排佢地 起一班男士中間，萬一有喪屍突然出現我地都可以頂住。我地行度在牛頭角下邨兩棟大廈 中間平台，平台可以望到下面既情況，我同wilson 一望下去即時驚呆了數秒橋下面既街道 基本上是見不到活人的存在只見到一隻又一隻喪屍在街道上徘徊，有些喪屍正在享受緊牠 的美食。
突然間麗慈尖叫……『吖吖吖吖吖吖吖吖吖吖吖吖吖吖吖吖!!!!!』
原來有一隻喪屍從平台既升降機衝出來看準麗慈飛撲過去，而在麗慈最近的黎謹既然驚到 腳震動不到，就在喪屍血盤大口瞄準在麗慈的頸部只差咫尺之間時，stanley用手一下批踭 批落喪屍太陽穴位置即時訓在地上，但喪屍絲毫沒有覺得任何痛楚隨即起身撲上stanley 身 上，Stanley反應快一個閃避避開，此時我與Austin從後禁底隻喪屍，靠近來看衣著是一 個中學生，雖然禁底了牠但牠的力氣十分大，搏了老命在掙扎，Austin急忙說著:『快D搵 人打爆佢個頭！我同諾銘唔係頂得好耐！』此時wilson 一手拎起Austin放在地上的鐵 鎚在牠面前對準頭部狠狠扑落去，扑左十幾下之後牠的頭部血花四濺，看見牠已經沒有再 掙扎我和Austin才肯援援放開雙手。
麗慈被嚇到呆呆坐在地上還未回神過來，王師奶攬實進仔瑟縮在一角用雙手蓋住進仔 雙眼。黎謹還站在原地動也不動雙腳仲震過貓王，此時Wilson一記重拳打落黎謹面上。
『你老味！！麗慈差小小比你害L死！！』wilson 憤怒地說。
黎謹訓在地上咀角流血，仍然無動於衷。或者剛剛既畫面真的令黎謹『十分難亡』，正當wilson想再給一記重拳的時Austin阻止了他。
『你打夠未丫??你估佢好想驚，你條女而家都冇事啦，就咁算啦好冇?』Austin 望實wilson說。
我也出聲『你再繼續打一陣成身傷係咪你睇住佢??』語氣不好地說。
此時麗慈慢慢起身過來扶起黎謹說:『算啦wilson，我而家都無事唔好再怪黎謹，剛剛既情況驚係好正常。黎謹你仲有冇事丫???』
『哼！你下次再係咁都時你地唔好怪我。』wilson恕視黎謹說。
『麗慈……頭先對唔住…令你身陷險境。』黎謹慚愧地說。『唔緊要，而家都冇事啦，你嘴角仲痛唔痛??』麗慈說。『而家冇咁痛，多謝你。』黎謹擔怯說。
『好啦好啦，我地要出發啦頭先就當預習，我相信之後既情況實比頭先更嚴重，當然我地盡量都唔好同喪屍有正面衝突避得就避，但都要做好心理準備要隨時同班喪屍死過。』stanley 同大家說。
行緊去街市途中時我講述頭先見到橋下情況，『照你意思下面應該一個活人都冇??』Austin問道。
『未必，橋上望到下面範圍只有中間大空地及街市門口有喪屍，但我同wilson 眼見不到有活人。』我說。『喪屍唔識行樓梯，好大機會其他人都走上上層的地方避難。』stanley說。
離我們不遠就係牛頭角街市，但是在街市入口前有兩個中年男人，一手拎住牛肉刀在門口 看守住。
另一邊廂九龍灣站A出口外有個全身穿著黑衫黑褲帶上黑超及口罩黑衣人，望著站內的喪 屍講『遊戲正式開始。』