煉獄屍港: 第六章 - 衝突(1)

眼見兩個一肥一瘦身穿背心短褲既中年阿叔拎住把牛肉刀守住街市門口……

『停低！唔可以再行前！』肥中年男呼喝一聲。

『如果你地要經過街市就要擺底『過路費』。』瘦中年男笑說道。

一聽到要『過路費』已心知不妙，『我諗佢地唔會係要錢，呢個時勢錢同廢紙無分別。』我細細聲在stanley耳邊講。『佢地唔會咁簡單，等我試探下佢地。』stanley 回應。

『咁你地想要咩『過路費』?』stanley 問。





『錢我地就唔要，你留底後面個後生女同小朋友，我可以比兩個人過去。』瘦中年男指向麗慈及進仔說。

Stanley望望麗慈及進仔，再回頭答瘦中年男『如果我肯留底佢地兩個，點解都只係放兩個人過去??』stanley問。

此時wilson想說話，但比Austin用手蓋住佢個口細聲和他說『你咪衝動啦！好明顯stanley就係度試緊個兩條友啦，醒少少唔好出聲。』

『而家周街都係喪屍，我地都好唔容易先上到黎街市呢層。』瘦中年男說。

『吊，你講重點啦。』黎謹忍唔住出聲。





『死靚仔，你咪咁串信唔信阿叔斬開你幾轆！！』肥中年男恕視指向黎謹說。

『我　好　驚　丫 ， 吊 你 老 尾。』黎謹誇張地說。

『夠啦，你咪能再講野。』Austin狠狠打了黎謹後腦一下。

黎謹比Austin打完後即刻無再出聲，但佢頭先明明見到喪屍震過貓王，但點解而家可以咁 串咀?但呢刻唔係深究呢樣野既時侯，肥中年男聽到黎謹咁串後已經忍不住怒火想衝上前 時比瘦中年男阻止了，『冷靜D肥輝，和氣生財丫。』瘦中年男微笑說道，而他亦繼續微笑 說『咁我就順個位哥仔意講重點，我地要後生女同小朋友目的好簡單，女人起而家既時勢 緊係做我地班男人既玩具及奴隸來享用，小朋友就幫我地出去搵資源，咁『過路費』緊係 一換一啦，你有兩個人咪可以換兩個人過去囉?明唔明』

『小妹妹，等陣叔叔會好好咁對你。』肥中年男用猥瑣眼神望向麗慈說。





麗慈沒有回應他只是慢慢將身體瑟縮在wilson背後。

我聽完瘦中年男說話後心面浮出一句疑問:『究竟是末日令人類變成醜陋，定還是人類本 身就是醜陋?』世界沒有了法則及律法人性既道德觀係唔係就會摧毀??可怕既究竟係喪屍 還是人類??但呢個答案在之後所發生既事將會一一比到答案我………

正當我思考緊人生既時候stanley 用挑釁語氣回覆他們『如果我唔交人，你估我地又過唔過到去呢?』

『敬酒唔飲飲罰酒。』瘦中年男說。

『咁你地全部都唔洗指意走！！』肥中年男大聲說。

『雖然你地有刀，但我地唔計細路同女人都有５個人要硬闖都有勝算。』我說。

『我剛剛都說『我地好唔容易先上到黎』無三不成幾乜你以為我地淨係得兩個人嗎？』瘦中年男奸笑說道，接著他命令肥中年男『肥輝叫班兄弟出黎幫拖。』　

『收到，權哥。』哪個肥輝急忙大叫通知街市內的人。





突然間有五個人從街市走出來，這五個人頭髮金色全身紋身中等身材每人手上都有一把 牛肉刀，他們七個人企在門口像人牆般阻擋我們的去路。

哪個權哥望著我說『而家七對五，唔知邊個有勝算呢？』

權哥都未講完其中一個金毛男已經二話不說向我揮刀，幸好來得切反應避開了這一刀， 但我不小心比附近既雜物絆倒在地上，隨即第二個金毛男直刀衝刺這下太快我根本來不及 避開，就在刀鋒即將接近我的身體時有個人擋在我面前我只聽到『呯』一聲，原來係stanley 在我前面用警棍格擋。

『你個仆街，阻頭阻勢。』被stanley 阻擋金毛男說。

『你地三個仲等咩!?仲唔捉條女同個細路過黎』權哥大聲喝道。

隨即三個金毛男向著麗慈及王師奶方向行過去，但黎謹、Austin、wilson佢地三個一早擋 在麗慈佢地面前準備同三個金毛男開戰，佢地一人對付一個但始終士巴拿及鐵鎚敵不過牛 肉刀。此刻我即時起身想上前幫手時，肥輝擋在我前面『你對手係我。』說完後一刀向我 頭部砍下來但速度不夠快比我避開了。

刀光劍影金毛男每一下都向著致命傷砍過去，他們三人要分心保護麗慈佢地又要避開攻擊 其實好難還攻擊，而stanley 就要一對二雖然佢係警察但同時對付兩個都有點吃力，而我 一直比肥輝用刀亂舞亂砍，可能身型問題他的速度不快要避開他的攻擊都不是太難，而他 揮舞刀亂砍時露出很多破綻，此時我看準機會『仆街啦你！！』一手將士巴拿擲出擊中 他的頭部，我隨即轉身正想跑去幫stanley時，他大叫『諾銘！後面丫。』我來不及轉身已 經被人從後襲擊，我背部感到強烈刺痛亦都感覺到背後有鮮血流出回頭望原是肥輝襲擊我， 但此刻佢已經舉起牛肉刀正準備向我身體剌進來。