《我係窮郵差，專門幫陰陽相隔嘅親人送信》（書局上架中）: 104

 
嚇咗我一跳，我頓時向後一望，係一個五十幾歲、左手拎住啤酒罐、右手R屁股嘅大叔。
 
 
我哋對望咗一眼，我心諗邊到嚟一條咁下流嘅友，就無諗住理佢，繼續想跳海。點知佢忽然對我話：「喂𡃁仔，唔好跳住先啦，知唔知哩頭附近有好雞場？」
 
 
「⋯⋯我點知呀。」
 
 


我一轉頭，佢又再拍拍我：「喂唔好跳住先啦，你真係唔知？」
 
 
「唔知呀。」
 
 
「你無試過？」
 
 
我搖搖頭。


 
 
「唉，咁你唔好跳住先啦，等阿叔帶你見識一下好雞場。雞都無叫過學人自殺。」
 
 
「我唔需要啦⋯⋯」
 
 
「唉客咩氣呀，阿叔帶你見識見識。」
 


 
我都未反應得切，佢已經尷生拖咗我去一樓一。
 
 
講真，我真係未去過一樓一，霓虹色嘅燈光，暗長嘅走廄，就好似電視睇咁。
 
 
「揀邊個呀？」大叔同櫃台阿姨好似好熟咁，一嚟就有講有笑，仲好快手就揀好小姐。
 
 
「入得啦我，喂⋯⋯阿萍，幫我求其畀條囡囡佢啦。」