《我係窮郵差，專門幫陰陽相隔嘅親人送信》（書局上架中）: 105

個阿姨奸邪咁打量一下我，我有種全身都畀佢望光咁感覺，再尾尾嘴笑住咁話：「無問題，小雨今日無客。」
 
 
「小雨好呀。」大叔話。
 
 
就係咁半推半就，我就入咗間房，小雨嘅房。
 
 
我想話，小雨應該同我差唔多年紀細，樣都唔差。


 
 
「你唔做呀？」
 
 
佢應該好奇怪，點解有條友入嚟，畀咗錢，但一啲動作都無。
 
 
我真係痴痴地先至入嚟。
 


 
畀咗錢，咁到底做唔做呢？
 
 
覺得自己諗下都夠白痴。
 
 
我到咗最後都係淨坐，坐咗一個鐘，佢悶到瞓咗。
 
 


當夠鐘嘅時候，我就出返去，遇到大叔。
 
 
「爽完啦嘛。」
 
 
「係呀⋯⋯」我掩住良心講：「我都係走啦。」
 
 
「喂，咁快走？唔去下場呀？」
 
 
我急急腳走，無再理到大叔，返到屋企，好後悔今日就咁畀佢阻住我。