在我腦中正在不停運轉,最後得出一記問題:條女係咪傻架?
 
可是,我喜歡。
 
並不是因為她傻而喜歡她,而是因為我喜歡她,所以就算她真的是傻,我也會給予「可愛」一詞以形容她。
 
「好呀,你叫架!」
 
開了電話中的聯絡人,正輸入那一大串文字時,手機卻顯示只能輸入八個字元。
 


「喂,部手機唔俾我打咁多個字喎,剩係可以入到八個字。」我更是cap了圖再發送給她。
 
「咁呀……諗過第二個名囉。」
 
「唔洗啦,就咁啦!」我在聯絡人一欄中按下了確定。
 
就係咁,我部電話入面就多咗一個聯絡人,叫「美麗宜人活潑動人」。
 
「你真係屎忽嚟架喎。」也許是屎忽鬼這個詞過於低俗,她也自覺不該出至她口中,因此用上較為可愛的「屎忽」一詞作替代。
 


未幾,手機傳出震動,是一副由Cynthia發送給我的圖片。上面是聯絡人介面,寫著我的電話號碼。
 
聯絡人姓名是:屎忽。
 
「點解要咁做……我明明聽晒你話做晒你要我做既野……」但實情是,我很樂意接受這名稱。
 
我同佢都有一個各自既私人花名,剩係我地兩個先知!
 
「好啦……咁樣既話我地下星期後就開始練中一啦啦隊。」私事談完,便是時候說上公事。幸好社際啦啦隊未有什麼大問題需要解決,不消半小時則討論完畢。
 


「你早啲訓啦,今朝返學見到你個黑眼圈大到乜咁。」其實說這句話的時候,我已是躺臥床上。
 
「身為VA人,冇一日係可以正常時間訓覺。」
 
有冇咁多野做呀?最多咪畫吓畫,搞得你幾耐?
 
「未知你VA有啲咩大事辦緊呢?」由多角度關心與了解她,也是增進感情的不二法門。
 
「SBA,我都就嚟死,晚晚差唔多三四點先有得訓。」
 
「唔係呀,我平時都係咁上下時間訓,冇乜特別。」到了高中後,總覺時間永遠不夠。
 
「我仲有中文作文同埋通識未做,睇嚟今日都係唔洗訓。」到底是她無法分配時間,還是真的那麼多工作需要做?
 
不過點都好,呢個又係一個好機會俾我上台表演。


 
「有冇人同你講過,我係中文同通識既小王子,你今次有救啦。」我如此的自誇,並跳下了床準備幹活。
 
「有幾叻呀?」
 
「哼,好話啦,剩係中文辯論隊都已經夠殺啦﹗講你條中文作文題目嚟聽,一個鐘交到貨俾你﹗」日常間,我也會幫同學們作文,但都收費不菲。
 
但這次是為了她,無計了。
 
「但係我唔鍾意假手於人……」Cynthia刻意在句後加上一個思考的表情。
 
「就等我幫你一次咁多啦,我都唔想睇到你冇精神既樣。」這是什麼情況,怎麼倒頭來是我乞求她給予工作?
 
「中文作文我都係自己做返,你幫我通識啦。」
 


「好啦……通識要做啲咩?」哼,是時候讓我大展拳腳的好機會﹗
 
「老師要我地做Powerpoint,我嗰組係要做有關器官捐贈。不過我嗰組啲人個個都冇諗住做野,我都唔知個老師點樣揀到我地一組﹗」
 
「你返到去同個老師講囉。」我正用著維基百科尋覓著「器官捐贈」的資料。
 
「有Q用咩……個個都係咁,得過且過。」字句間不難看出她,好撚嬲。
 
「我可以幫到你啲咩呀?」我還不立馬轉移話題嗎?
 
「幫我諗贊成同反對器官捐贈既Point,每邊三個就okay啦。」就只是這樣嗎?這也不過是數分鐘就便成事的工作。
 
「咁簡單?」嗯……全球只有伊朗是可以合法買賣器官的國家……
 
「可以既話,最好就響每個Point後面加幾句解釋啦。其實明明件事就好簡單,點解啲人都可以咁不負責任?好似講到得佢地係咁忙﹗」


 
睇嚟,我好似講錯野。