每個人，都試過鍾意一個讀VA既女仔: 第三十六章

「我都係鍾意飲水，寶礦力太甜啦。」
 
「係咩？」我隨即喝了一口，真的很甜。
 
不知是否，因為她喝過的關係，害這支寶礦力也產生了什麼化學反應，甜得非常。
 
「完咗水運會之後我要返學呀，不過都可以同你食個飯既。」
 
「點解要返學既？」
 


「因為Miss.Wat又將我畫既野打返轉頭，所以又要再畫過……」說到這裡，她臉上浮現出極為疲憊而無力的表情。
 
「原來係咁……」
 
我實在說不出「我有咩可以幫到你呀」這句子，無他，因我的藝術底子極度差劣，基本上除了火柴人以外，再沒什麼是有信心。
 
「不過算啦，呢啲事成日都發生，好快我就慣架啦。」
 
「Miss.Wat點可以咁架，假假地都叫你啲心血呀，點可以話唔好就唔好，仲要再畫過。」因為初中的時候，VA是必修科，因此我也有被這位老師教過。
 


簡單來說，她是一位同樣擁有著藝術家性格的人。只不過，她的卻是更為令我討厭。
 
雖說大多老師看似知識份子，實質與師奶無疑，但她的八婆底子可是更甚，極愛打聽學生的私生活。
 
一句講晒，我對呢個老師一啲好感都冇。
 
「喂，我唔俾你話佢呀﹗佢對我好好架，教識我好多人生道理。」原來，我是站錯了立場。不，我只是猜錯了她的立場。
 
「例如呢？」
 


「佢成日都話我地女人唔可以諗住搵個有錢老公過世就算，女人都可以獨當一面，成為女強人﹗」
 
「咁只係因為佢咁多年都係單身冇男人要，所以先講埋晒啲咁既野啫，你千奇唔好聽佢講呀﹗」
 
「喂﹗屎忽﹗」我不小心把心內的說話說了出來﹕「就算佢真係冇人要，我地成班VA仔女都會一齊養佢﹗」
 
「你地……都好齊心喎。」我自知不可以再講錯任何話，只好轉移話題。
 
「都係架，我地十二個人個個都出生入死架。」
 
「出生入死？」我明白CYNTHIA只是用上了誇張的手法，但我卻不能明白這意思。
 
「我地次次趕SBA既時候，日日都睇住個太陽落山先返屋企架，有時仲要留到十點幾先走得。」CYNTHIA輕描淡寫的說著她的日常。
 
「吓，咁咪好辛苦？」


 
「都係架，不過冇辦法啦，鬼叫我鍾意VA咩。」
 
我們就這樣，又回到了最初的輕快氣氛。
 
大約是一個星期前吧，還記得我對CYNTHIA算是又愛但是又很怕，生怕自己說錯了什麼話，豫恐她對我有著什麼壞印象。
 
可能是因為身邊的友人都說她是什麼「生人勿近」之類的，因此產生了一種害怕之意。
 
交流多了後，其實她也只不過是普通人罷了，雖然有時的確是想不到猜不著她想什麼，但我深信只要我們繼續維持著這關係，以上都絕不是問題。
 
「諗咩諗到入神呀？我地贏咗呀﹗」
 
「吓，贏咩呀？」我回過神來，並查覺所有人無一不是掛著笑容。
 


「我地紅社贏咗全場冠軍呀﹗」CYNTHIA樂得站了起來﹕「雖然呢個冠軍，屎忽你冇參與到，不過你都有份拎既﹗」
 
「咩冇參與呀，我都有拎個銅牌架﹗」我也跟著站起來，享受著勝利的快感。
 
此時，我把剛剛肥正給我的銅牌掛在CYNTHIA的頸項﹕「送俾你架。」
 
我知道，CYNTHIA現在的笑容再也不光是因為紅社得了冠軍﹕「雖然呢個奬，唔可以代表到你響我心目中既位置，但係……」
 
「我會盡全力，俾最好既野你。」我倒是頭一次敢正巍著CYNTHIA說出如此肉麻，難以啟齒的承諾。
 
但，她很喜歡。
 
果然所有女生，都總愛聽浪漫情話。
 
「多謝。」