每個人，都試過鍾意一個讀VA既女仔: 第三十七章

攝影學會的學生步至我們紅社所在的看台位置﹕「睇大家咁開心，不如影返張大合照啦﹗」
 
我順理成章的站在CYNTHIA身旁，臉上的笑容是多麼的燦爛，這恐怕是我人生當中笑得最開懷的一次吧﹗
 
「咦？點解姐姐你個奬牌係男子既？」又是一個不懂事的中一學生問道。
 
「冇呀，你睇錯啦﹗」她聽罷，立馬從頸椎除下奬牌並緊握在手心。
 
「大家準備好啦，黃SIR你要再企過少少……」站在最前方的學生持著說不出型號的相機，正為一眾師生排好位置。
 


「對唔住呀﹗」CYNTHIA在我身旁耳語道。
 
「唔緊要啦，知你份人低調。」我用了一個不知是無感還是嘲諷的語氣說出這句。
 
說不要緊的，明眼人一聽便知是謊言，這種情況就像你與另一半手牽手逛街，突然遇上友人，隨即被狠撇開手的感覺。
 
「三，二，一﹗」該學生按下快門，我們所有人還是保留著原有的笑容。
 
唔知我同佢，可唔可以一齊笑落去？
 


「喂，食咩好呀，我三點要返學校呀，所以剩係可以響附近到食。」她說罷，我瞄了游泳池的時鐘一眼，是下午一時二十八分。
 
「可唔可以……唔食譚仔呀？」
 
「但係你俾唔到塊金牌我喎……」CYNTHIA給予一個奸笑的樣子﹕「不過我今朝先食完譚仔，你話事啦。」
 
男生們，這句話是不是光聽起來便直起雞皮疙瘩？
 
對﹗這番話根本就是一個陷阱，理論上，不論我提議什麼地方也好，總不能滿足她的心意。
 


你問原因？
 
很簡單……
 
因為就連佢都唔知自己想食咩﹗
 
「大快活好冇？」麥俊傑，你還真有你的，居然連這個答案都能搬出嘴唇邊。
 
「好呀，就大快活啦。」
 
等等先……佢講咩話？我冇聽錯呀嘛？
 
她答應了嗎？這……這並不是我預計中的答案呀﹗為什麼她會如此爽快的同意了我的建議？
 
「諗咩諗到咁入神呀？」CYNTHIA見我久久未有答話便問道。


 
「冇……我只係隨口講吓，估唔到你居然答好啫……」
 
「屎忽﹗」CYNTHIA一掌打在我背脊﹕「乜你覺得我係啲死港女咩？」
 
「唔似……你直頭係呀﹗」我回敬了她一下，欠身便跑上看台樓梯。
 
「屎忽你同我返嚟﹗」CYNTHIA的聲線大得覆蓋整個游泳池。
 
「吓，你講咩話？大聲啲﹗」我只不過是想再聽她親口大聲道出我倆之間的暗語，儘管用詞再難聽再低俗。
 
但係只要係由佢口中講出嚟，我都覺得好好聽。
 
「喂，走咁急做咩呀，俾人追街數？」可惜，以上這句絕非用於我的死黨們。
「有咩幫到兩位？」我不耐煩的問道。


 
「唔好咁講，應該係話唔知我地兩位阻唔阻住你地？」加拿大仔指著樓梯下的CYNTHIA。
 
「有野就講，有屁就放。」
 
「就咁既，唔知兩位想食咩呢？」肥正開門見山。
 
「吓……」我看著正執拾的CYNTHIA﹕「我今日唔同你地食啦。」
 
「嘩你條死仔有異性冇人性呀﹗」
 
「如果係咁既話，咁我就返屋企架啦。」加拿大仔打了個呵欠。
 
「好心你啦，唔好日日響屋企得唔得，得閒出嚟呼吸吓新鮮空氣唔洗死既……」肥正一手摀住加拿大仔的口﹕「定係……其實你係吸血鬼，唔見得陽光？」
 


「在家就千日好，你唔明架啦。傑哥仔就陪佢條女食，喂聽講正哥仔你都有條女架喎，不如搵佢陪啦，唔洗理我架，我自己嚟得架啦。」
 
「喂，唔好亂講野。」我插話，但暗地裡，我極喜歡加拿大仔的用字。
 
「佢肯我就唔洗搵你地啦……」