「係咪又發生咩事呀,洗唔洗我幫你問吓?」朋友出事,我總不能站在一邊看戲吧。
 
「你?你連自己嗰邊都搞唔掂啦,我嗰邊過幾日就冇事架啦,放心啦。」肥正轉過頭向加拿大仔繼續說﹕「行啦,最多我請啦。」
 
「咦?咁又唔同講法……」我再沒理會他們的寒暄,回到cynthia身邊﹕「行得未呀?」
 
「行得啦,係呢,啱啱同你傾計既係……」
 
「我啲朋友嚟,學校見到佢地既時間叫佢地兩個廢柴得啦。」我也揪起自己的背包,與她一同離開游泳池。
 


「咁衰架你。」
 
「咁佢地又真係冇野叻喎,我地次次派卷既時候都係鬥低分既﹗」我倒是帶著半點自豪的心情告訴她。
 
「你係咪傻架?邊有人咁唔重視自己個分,仲要同人玩埋晒啲咁幼稚既遊戲架?」誰不知,CYNTHIA可聽得極為不滿意。
 
仆街,唔記得咗佢係一個好有上進心既女仔﹗
 
「乜你真係覺得……讀書真係咁重要咩?」
 


「你話呢?作為一個學生唔讀書仲可以做啲咩?」不知為什麼,我把眼前的她與「母親」這個字連上關係。
 
「係咪真係重要到,剩係可以讀書,其他野就咩都唔做得?」我一時不有為意,說了一些悔氣說話。
 
「我幾時有咁講過,但係做人唔係應該要有上進心咩?定係你諗住一世就渾渾噩噩咁過?」CYNTHIA停下腳步﹕「諗野可唔可以唔好咁小朋友?」
 
「你講咩話?」我也跟著止住了步。
 
「我話你諗野可唔可以唔好咁小朋友呀,咁大個人係時候要識諗。」也許她也感覺到自己講錯了話,只把語氣調回平淡,但內容還是一樣。
 


「我點解要變成熟?」
 
「因為冇女仔會鍾意啲幼稚既男仔,我鍾意既係一個會為自己打算,識得計劃而識諗既男仔……」CYNTHIA思索了一會後繼續彳亍道﹕「我唔想發現我地之間冇將來。」
 
我並沒有跟隨她的腳步,反倒是停在原地。
 
我地之間……既將來?
 
「所以你既意思係……你真係有諗過同我有將來?」我急起直追。
 
「男人老狗唔好咁婆媽啦。」她竟然害羞起來。
 
「唪,講好咗架啦,你唔好到時反口呀。」其實我倆並沒有承諾什麼,但我就是不想放棄這個機會。
 
「睇吓點先啦。」CYNTHIA隨便敷衍了我一句。


 
「你企響到。」腦中又突然有一股傻勁湧止心頭。
 
「又點呀?」CYNTHIA轉過身來,直視著我。
 
麥俊傑,俾啲勇氣嚟,你個腦諗緊啲咩,就將佢實現出嚟啦﹗
 
我吸了口氣,走近向她一步。
 
在我倆之間,只剩下十五厘米。我聽到了不知是她還是我的心跳聲,很快。我甚至感覺到她呼吸時噴出的熱氣。
 
「你想點呀?」
 
我二話不說,一下子便攬住她﹕「只要係你唔鍾意既野,我都會改,信我。」
 


CYNTHIA未有掙扎,安靜地依靠住我的胸襟,她是否正細心聆聽著我的心跳?
是次,再也不是什麼肥正教授的下三流招數,而是我確確實實地把腦子中的幻想實踐。
 
未幾,我便鬆開了手,雖說我很想與她一直擁抱下去,但我突然想起因為所有同學都離開游泳池,所以街道上不少熟人。
 
「快啲行啦,屎忽。」