夾錢中左六合彩頭獎, 但keep飛果個唔見左...: (27)

動L, 動L.. 

無預期中既大爆炸, 個「手榴彈」只係好似粒彈彈波咁係個地度彈左兩下。 

「唔撚爆呀! 叫左你唔好睇咁多港產片家啦!」我埋怨發仔道。 

「屌! 我呢包明明係超薄快感裝來家, 點諗到咁硬淨既者!」發仔賴皮道。 

「咁易穿既話你一早做左人老豆啦!」紅棍道。 





只見Mr. Z行左去個波隔離, 側頭疑惑道: “WHAT THE FUCK?!” 

然後就攞枝槍啡左個波一下。 

嘭！！！！！！！！！！！！！！ 

一時間風起塵湧, 沙石四飛, 場面有咁混亂得咁混亂。 

沙沙沙沙.... 





過左一陣, 我推開壓係身上面既磚頭, 爬左起身。 

嘩！成大半間「書香世家」俾頭先既小型爆炸摧毀到面目全非。 

Mr. Z 大字形咁攤左係五米之外, 生死未卜。 

「哈哈, 原來要射兩下個波先肯爆家喎。」紅棍係亂石中站起。 

「其他人呢?」我到處張望。 





此時, 呀伯既聲音係遠處響起:「你地班仆街痴撚線家, 我唔同你地玩喇。」 

「咁老都走得咁快?」紅棍出奇道。 

「呀伯都走得甩, 發仔一定無事啦。」我笑道。 

「咪賴醒啦。」一把女聲道。



眼前既畫面令我難以置信。 

只見Phoenix一手cap住發仔條頸, 一手用Mr. Z之前跌左係地度果枝槍指住發仔個頭。 

「Phoenix妳做咩呀?!」我驚訝道。 





「快啲攞果一億出來。」Phoenix眼神冰冷道。 

紅棍破口大駡道:「我早就奇怪，明明間古董鋪嗡 dup到仆街, 個鬼佬都仲可以搵上門既, 依家睇來, 一定係妳呢個八婆報串家啦!」 

「可能你地覺得我咁講好無厘頭, 但係唔該拍硬檔, 真係唔好咁快救我住。」發仔臉色好梳乎咁講, 好明顯係享受緊俾Phoenix個胸貼住自己既感覺。 

「留一千蚊俾我果個人唔係Phoenix妳咩, 點解妳依家要出賣我地?!」我激動到噴哂口水。 

「諗撚多左啦情聖。」Phoenix呢句說話, 我記得泥頭都有同我講過。 

「咁妳老實同我講, 妳有無係我面前除過衫?」我好想知道腦入面果幕係咪純粹只係我既性幻想。 

「咁既野你都問得出?」紅棍不屑道。 





「廢話少講, 呀姐我數三聲, 你地再唔交出果一億我就射爆呢個柒頭。」Phoenix噠開左把槍既保險制。 

「點解次次都係三聲呢, 十聲唔得家。」發仔串道。 

「一!」 

「來真家?!」發仔掙扎道:「 我地都唔知果一億係邊家! 妳唔好撚癲啦!」 

「二!」Phoenix將發仔攬得更緊。 

紅棍無奈道:「咁無計喇, 發仔你唯有捨身成仁啦。」 

「咁人渣既野你都講得出! 我死左變做鬼都一定附身落你條Jer度!」發仔惡毒道。 

我安慰發仔道： 「算啦, 依家你唯有希望佢果把係古惑的槍, 一開槍就會啡到自己。」 





Phoneix聽到之後, 窒左一窒就將枝槍離遠番自己。 

「如果真係咁既話你咪提醒左佢咯, 仆街！媽啊, 我唔想死住啊!」發仔竟然喊左出來。 

「放心啦, 你生前有咩煩惱, 我地做兄弟既一定會幫你搞掂佢。」我拍心口道。 

「嗚嗚…我成世仔最煩惱既時刻, 就係打完飛機之後仲想打多一次果陣喳。」發仔喊道。 

「唔, 咁又真係幾苦惱既。」我同紅棍深表同情。 

「三!」 

「我保佑你地個個不得好死!」發仔嗌完遺言就合埋左雙眼。 





正當我同紅棍都以為發仔死撚梗果陣，Phoenix「呀」左一聲, 就暈低左。 

一個健碩既身影出現。 

「大舊!」我失聲喊道。