夾錢中左六合彩頭獎, 但keep飛果個唔見左...: (39)

「嘻嘻，劈痴屎牙...？」發仔仍然未回魂。 

Patricia道：「如果覺得難讀既話，你地叫我呀Pat都得。」 

「哦....Pat...」我地不禁將目光注視係佢豐滿既臀部之上。 

呀Pat好似慣左俾人咁望，若無其事道：「咁多位唔介意陪小女子賭一鋪掛。」 

大舊問道：「賭咩先？」 





「呢樣野大家一定識。」呀Pat好優雅咁行過去荷官果位度。 

佢每行一步，我地既眼球就跟住佢驕人既上圍上下跳動。 

呀Pat將隻手放左係骰盅上面，笑容可鞠道：「我地玩大話骰吖。」 

大舊一聽，鬆一口氣道：「呢樣野賭得過，不過賭幾大先？」 

「就賭你地手上面既籌碼。」呀pat舉起一隻手指道：「一億。」 





大舊搖頭道：「咁樣唔係幾好...」 

呀Pat挑釁道：「點呀，賭咁大嚇親你呀？」 

點知大舊竟然道：「我除褲就驚嚇親妳喇, 我賭夠妳兩億！」 

孱仔即時道：「玩到咁大？！」 

「我地有呀恆呢個明燈俠係度，驚條撚咩。」大舊氣定神閑對住我道：「一陣開唔開個骰盅，完全由你話事。」 





「好！夠爽快！就同你賭兩億！」呀Pat一講完，就吩咐啲手下攞左兩個骰盅過來。 

大舊拎起個骰盅，一邊搖一邊唸道：「天靈靈，地靈靈，茅山師傅顯神靈，嬴到金沙無錢剩！」

我地即刻拮個頭埋去睇，只見入面五粒骰分別係一個一，兩個二同兩個四。骰面算係幾靚。 

而呀Pat果邊都搖好左喇。 

「妳係女仔，妳嗌先。」大舊好有風度咁講。 

「三個五！」呀Pat道。 

「呀恆，你話事。」大舊對住我講。 

我細細聲係佢耳邊講：「我地一粒五都無，開佢啦..！」 





大舊點頭道：「好，咁即係唔開, 四個四！」 

「嘩，氣氛好緊張呀，搞到我成個人好慶....」我身邊既呀美一邊解開自已既衫鈕一邊道。 

「五個五。」呀Pat道。 

「點呀，呀恆？」大舊問道。 

呀美此時已經除哂啲鈕，成個黑Bra呈現於我眼前，雪白既胸部因為喘氣而起伏不定。 

「屌你，遲啲先昅啦！我問你點呀！」 

俾大舊一喝！我即時定一定神。 





見對面咁有信心，我諗應該都係唔開好過開。 

正當我想話俾大舊聽既時候，呀美突然將兩隻手指放係佢個黑Bra中間既扣度，問：「我好熱呀，你話我開唔開埋佢好吖啦。」 

我即時血脈沸騰道：「開，梗係開啦！」 

大舊道：「好，即係唔開住，六個五啦咁！」 

呀Pat奸狡咁笑左笑，然後揭開左自已既骰盅。

「我得三個五，加埋你地果個一，total都係得四個五，你地輸左。」 

大舊怒不可遏道：「呀恆你又話開既？！依家我地含家鏟啦！」 

我臉紅耳熱道：「屌! 我叫呀美開佢個Bra喳嘛，關你撚事咩？咦，呀美呢？」 





唔知幾時開始，呀美同呀鳳已經企左係呀Pat隔離，仲要擺出一副恥笑我地既樣。 

「願賭服輸，你地輸哂啲籌碼俾我地之餘，仲要爭我地一億。」呀Pat意氣風發道。 

「痴撚線，精蟲就有，你地要唔要吖？！」紅棍擺好架式道。 

呀Pat身後果十幾個大隻鬼佬即時攞哂啲槍出來對住我地。 

「嘻嘻，港女愛洋槍。」發仔恍然不知自已身處危難之中。 

「屌，紅棍，我左你右，同佢地死過。」大舊背靠住紅棍提議道。 

「好，就同佢地同歸於盡！」泥頭加入道。 





「我又玩！」我都紮恆哂個馬。 

「上啊！！！」我地一齊嗌道。