夾錢中左六合彩頭獎, 但keep飛果個唔見左...: (38)

當我地集合番係自已張沙發既時候，大舊道：「紅棍，估唔到你有啲咁特硃既技能喎。」 

「其實解Bra同解毒一樣，都係有得解就好快啲解。」 紅棍一面認真道：「 而且我每日都會抽一兩個鐘出來練習，始終呢啲既對前途好有幫助。」 

「所以我成日同啲後生仔講，要成功唔好諗住一步登天，紅棍有今時今日既成就，絕對係千錘百練而來既。」大舊舉杯道:「敬紅棍。」 

岩岩嘔完既泥頭都陪我地乾多一杯。 

「係喎，未介紹你地識，呢位係呀美，呢位你呀鳳，佢地兩姊妹全晚都會跟實我家啦。」我左擁右抱道。 





「嘻嘻，你就輕鬆起雙飛，我地就無女齋搞基。」發仔仍未清醒。 

「其實你地一場來到，點解唔賭兩手呢？」呀美問道。 

「係咯，你地唔係驚輸呀....」呀鳳鄙視道。 

「咩驚輸呀？！我地諗住先嫖後賭喳嘛！」泥頭豪氣道。 

「咪係，來到澳門唔賭錢，咁同去到東莞唔叫雞有咩分別呀！」紅棍和應道。 





「講得好，我地依家就落去賭個天昏地暗！」大舊蓄勢待發。 

「其實要賭又唔使落樓下既。」呀鳳甜笑道：「我地呢間Club有間VIP房專門為你地呢啲豪客而設，等你地唔使同下面啲國內同胞逼呀嘛。」 

「廢話少講，間房係邊。」大舊急不及待。 

「Follow me」呀美道。

VIP房既燈光比出面光猛得多，而且隔音設施亦都相當一流，基本上一關上房門就再聽唔到任何音樂。 





「呀恆，你想玩啲咩呢？」呀美係我耳仔邊吹氣道。 

「嘻嘻，叫呀恆賭錢，不如叫李連杰拍文藝片，嘻嘻。」發仔好似笑極都唔完。 

俾發仔一睇低，我諗都無諗就道：「同我唱左呢廿萬做籌碼，我要賭大細！」 

負責睇大細既荷官，係個一面衰相既呀叔。 

「Place your bet.」 佢死死氣咁道。 

我不滿道：「成間房都係自己人，你講mud春野英文者！講番廣東話啦！」 

個荷官聽我咁講，即時成個生猛哂，喊道：「喂，埋來啦喂，有買趁手，無買就戇撚鳩喇喂。」 

「咁先似番啲樣。」我地滿意地點點頭。 





「呀恆，你買大定細呀？」呀鳳貼哂成個人落我個身度問。 

「好，見在妳個胸咁大，就同我落五萬蚊大啦！」 

荷官揭開骰盅。 

「一二三，六點細呀。」 

「屌！」始終美女在旁，我無因為咁而退縮，繼續買大。 

「二三四，九點細呀。」 

「老豆教落，唔好同潮流對抗，我呢鋪買細。」 





「五五六，十六點，大撚到戇鳩呀。」 

「屌你唔好加形容詞得唔得呀，我呢鋪就買大！」 

「一三五，九點細呀！」 

「買大！」 

「二三三，八點細呀！」 

「買細！」 

「四四六，十四點大呀！」 

唔夠十鋪，我帶來果廿萬清哂袋。仲以為佢地班仆街會企左係後面笑鳩我，無諗到原來佢地一直都有係檯既另一邊落注。 





只見佢地面前既籌碼已經堆到成座山咁高。 

我問道：「點解你地可以嬴咁多錢既，我鋪鋪都唔中喎。」 

「都係多得你者。」紅棍笑道：「我地聽過你話自己係地獄黑仔王，咪趁住你落注既時候買你對家，點知真係嬴到開巷。」 

「明燈俠，快啲講呢鋪買咩啦！」大舊道。 

「屌，真係俾你班仆街吹鳩漲 但係我有種好強既感覺，呢鋪一定係開大。」我極有信心道。 

「好，信你。」紅棍堅決道：「同我擺哂所有籌碼去細果度！」 

「開！二二五，九點細呀！」 





「呢次一定係細家！」我道。 

「咁呀？！就同我埋哂大啦！」紅棍不假思索道。 

「四五五，十四點大呀！」 

「屌，咁我買哂兩邊實無死啦掛！」我不服道。 

「嘩! 呢鋪發達啦，幫我擺哂落圍骰度！」紅棍興奮到面紅耳熱。 

「開！三三三，圍三呀！好撚邪呀!」 

就係咁，佢地面前既籌碼加加埋足足有成一億！ 

就係呢個時候，一大班著住整齊西裝既外國人行左入房，為首既係一個靚到令人窒息既混血兒女人。 

混血兒既身材不嬲都出名正家喇，但我地眼前呢個Mix既上圍，誇張到我地認為佢著樽領都會露乳溝。 

諗唔到既係，鬼鬼地既佢一開口竟然係純正既廣東話：「各位手風咁順，介唔介意同我Patricia玩一鋪呢？」