夾錢中左六合彩頭獎, 但keep飛果個唔見左...: (41)
雖然呢段記憶好似水蛇春咁長，但係喺我個腦入面卻只係好似電光火石咁閃爍左一瞬間。
不過依家記得都無用，因為我將會喺一秒之後瓜老襯。
正當我閉目待死之際，紅棍係千鈞一髮之際用龍葵挑起左地上面既孱仔！
「媽呀！！！我個籮呀！！！」
孱仔既屎忽幫我擋左一槍！
「嗚呀...你班仆街無人性家！！」孱仔鬼哭神嚎道。
紅棍趁住呢下混亂，回身一劍就打落左呀美手上面既槍，然後順勢用劍指住佢既胸部。
劍尖同乳頭只有唔夠半寸既距離。
紅棍直視住呀美雙眼道：「死淫婦，我紅棍食硬妳呀。」
呀美頭一昂，道：「如果係咁呢？」
呀美一手將自已條裙扯左落來，完美既嬌軀即時一覽無遺。
「Finally!」 發仔歡呼道
但係紅棍既視線由始至終無偏離過半分。
劍，仍然係緊貼住呀美個胸。
滴，滴。
「咦，呀美，妳流血喎。」發仔道。
「啲血係我既。」紅棍兩行鼻血直啪lak咁流左落來。
「有時，視野太闊都唔係一件好事。」紅棍嘆道。
「孱仔，你無撚野呀嘛？」我關心道,眼光卻離不開呀美。
「唔好掂我呀！你地一個二個都唔撚係人來家！」孱仔一邊向後退一邊發狂道。
要癲唔該死撚開啲啦孱仔，唔好阻住我昅野啊。」泥頭焦急道。
「一個二個同我去食撚屎啦！！哎呀!」孱仔一個踉蹌又跌左落地。
「嘩啊！！我個Pat呀！！」孱仔嗌得比生仔更加淒厲。
「係邊位嗌我個名呢？」一把甜膩既女聲道。
我地向房門一望，呀Pat已經班好哂馬排好哂陣咁恭迎我地。
「真係一日不見，如隔三秋，各位別來無恙呀嘛。」呢句咁文皺皺既說話竟然係出自一個混血兒既口中，聽起上來真係想像唔到咁銀耳。
「妳行埋來既話，我就一劍殺左呢條裸女。」紅棍將劍伸前半寸。
「嘿！佢兩姊妹想趕係我地搵到你地之前，獨吞果一億。呢啲咁既叛徒，死不足惜！」呀Pat恨到牙癢癢道。
「大小姐，我知錯啦...」呀美哭道。
「仲唔快啲同我殺左佢！」呀Pat狠毒道。
「超，我係唔鐘意呀。」紅棍無殺呀美不特止，仲好心幫佢著返條裙。
「紅棍你個仆街，我未睇夠家！」泥頭埋怨道。
「唔該..」呀美感激道。
「唔使客氣，我不嬲都...噢！」
呀美冷不防踢左紅棍個袋一下，仲要攞走埋佢把劍。
「妳條八婆....」當紅棍想衝過去搶番把劍既時候，呀Pat身後既鬼佬幾乎同一時間拎起手上既槍。
「抵撚死，扮英雄吖喇。」發仔揶揄道。
「大小姐，我幫妳八到六合彩張飛原來係喺最孱果條友身上面，妳唔好再嬲美美啦。」呀美倚偎住呀Pat身上道。
「好啦，呢次就當妳將功贖罪啦。」呀Pat講完之後竟然同呀美打起茄輪上來。
「嘩，玩埋Les咁撚溝呀。」泥頭道咋舌道。
「唔好嘈，it is very beautiful」發仔睇到好high。
一路望住佢地打車輪，我地真係快樂不知時日過，直至到孱仔又係後面嗌痛，我地先回個神來。
「小弟弟，聽個張飛係你度喎。」呀Pat溫柔道。
「唔...唔係我度呀Pat姐...」孱仔額頭出哂汗。
「哦，頭先你班fd逼到我條女剝光豬，依家就輪都輪到你啦。睇你收埋得去邊。」呀Pat揮一揮手，幾個大隻佬就走左過來將孱仔所有衫褲剝清光。
「呀，睇唔出孱仔都幾大抽家喎。」泥頭道。
「通常係得啲肥人先特別短家喳。」發仔老生常談道。
「Pat 姐，無料到喎。」又一個識廣東話既鬼佬。
呀Pat面如冰霜道：「快啲講，你地收埋左一億係邊？！」
「喂，妳知我地失哂憶家，點答你者。」大舊攤手道。
「除左佢既口罩！」呀Pat指住大舊道。
大隻佬們又再聽命行動。
「屌，睇撚哂啦，我會唔會咁笨柒收埋張飛係口罩入面呀！」大舊激動道, 就連塊臉隻Hello Kitty睇起上來都好似好嬲咁。
「同我除哂佢地啲衫褲！」呀Pat發難道。
「屌！佛都有火！」接二連三俾啲女出賣，我久被抑壓既怒氣此時終於爆發：「我地依家係輸錢者，頂哂籠咪還錢咯！做咩要俾你地咁悔辱呀！」
呀Pat戚一戚眉，好似有啲意外我會無啦啦發火，然後道：「咁你係咪有錢還吖？」
「紅棍！攞你張黑金卡出來！」我喝道。
「你都戇撚鳩既。」
「你仲想唔想要自己條命呀！聽我講啦！」
可能我真係好少可咁大火，紅棍呢下都真係俾我拋到，好順攤咁攞左張卡出來。
「嗱，呢張卡你識家啦, 係無上限既黑金卡呀！莫講話一億，十億我地都還得起呀！」我不斷將張卡隊係呀Pat面前。
「既然係咁，我就攞去過數家啦。」呀Pat伸手想攞張卡。
「咪住！」我將隻手縮回，道：「我要同妳賭多鋪番本！」
呀Pat諗左一諗，好快就答：「想賭都得！但係一定要你親自落場。」
「係咪賭咩都得先？！」我問道。
「係，只要係你賭就得喇！」呀Pat道。
好明顯呀Pat尋晚係見識過我地獄黑仔王既氣魄，自以為穩操勝劵先會接受我既要求。
但係佢今次既如意算盤打錯左，因為我提出既係：
「我要同妳鏈車！！」