【短故寫自己野】因為果個女仔，我開始寫故: 2.第二個好友

「砰！」

一下重擊，將我從睡夢中打醒


「哇好痛！邊個呀」

我摸住頭，張開眼








「我係邊個？我係你阿sir呀！」

教物理既鄭sir對住我大叫:「郭煒靖，又上堂訓教，你有冇搞錯呀！」

此段對話隨即引起全班既笑聲







「對唔住對唔住」我嬉皮美臉地講過去:「尋日足球隊練習太攰啦...」


「哼，唔好再訓啦！仲有唔夠兩年你就要考dse架啦，比心機啦！」





「...仲有成個月先到聖誕假，點頂呀...」






「郭大俠，咁快就冇精神啦？」

坐我身後既人恥笑我


「話左咪叫我郭大俠囉...」

呢個留棒棒堂髮型既四眼仔叫吳景俊，同吉仔一樣係我既老友

平時唔駛點溫書都可以照樣入到全級前列份子，大概就係每個人身邊都有一個既天才








而我同吉仔景俊三個都算係三兄弟，由中一玩到依家



我好憎返學，可惜，每日我都要面對填鴨式教育

平時既我好多興趣，足球只係其中一樣，所以要我坐定定聽書簡直係折磨



「唉...終於放學啦！！！！」

忍左成日，總算等到1545放學






「喂郭大俠！吳撚俊！行得啦！」隔黎C班既吉仔走過黎問


景俊一拳打到吉仔胸口上

「屌你咪叫我呢個名呀！行啦！Let's go！」



我地三個每個星期五既活動，就係去景俊既屋企打機

通常打到九點，我地三個先會落街食飯









「屌！！！痴線架！！！修羅難度比卒仔打幾下就死既！！」

「屹屹屹屹好屎呀你！」

睇住吉仔打三國無雙都死，我同景俊都笑得肚痛


「喂，郭大俠，聽吉仔講，尋日你練波省中人喎！哈哈哈」

「屹屹屹！！！抵啦，仲夠膽話自己係元朗托迪」

我最鐘意既球星係托迪，所以經常自稱為元朗托迪







被景俊同吉仔瘋狂恥笑，我唯有反駁

「個球球不著地，好難射架！好彩比我省中果個人冇乜事姐」


「緊係啦，你腳軟嘛！射波緊係冇力啦！」

「哈哈哈哈！！！！！」

兩人笑得興起，我都已經唔想再解釋


「咁比你省中果個係邊個黎架？」景俊問


「好似係.....A班果個林思晴黎」


「嘩，竟然係佢呀..」

景俊笑道:「不過算你好彩啦，佢好似都係個幾好既女仔黎既，應該唔會記仇」


「你又知佢幾好？你鐘意佢架？！」

「收皮啦你！」


「不過，景俊你其實都幾靚仔丫！點解到依家都溝唔到女呀？」

的確，比起我同吉仔，景俊係非常靚仔


「唔係溝唔到，係我唔溝姐！」

景俊拎住電腦枱上既前田敦子寫真集:「我有阿醬就夠啦，仲駛要港女？」


景俊係日本女子組合AKB48既fans，日日都同我地兩個講到佢最愛既前田敦子有幾完美

佢既手機入面全部都係敦子既自拍照，間房亦貼上多張海報


「正正經經溝條女啦你！」


「唔溝，成間學校啲女都係豬西黎既！」

景俊對我地打開AKB48既MV:「AKB一隊咁多人，你地實會睇啱幾個掛」


「唔駛啦，我專心踢波打機好過」

「我都係咁話呀！」


每日同班兄弟嘻嘻哈哈咁過，真係幾開心