【短故寫自己野】因為果個女仔，我開始寫故: 3.16強

幾日後，天水圍運動場


「郭煒靖、趙吉祥，今場波你地兩個繼續打正選啦」

讀體育既朱sir響球場更衣室進行賽前既最後訓話


「知道！」






多得上場分組賽我助攻比吉仔射入奠勝一球，令我地成功入到a grade既16強


「今次我地既對手係上屆亞軍，的確係一場破仗」

「不過我希望大家可以盡力去打呢一場比賽」









我地成隊人走出更衣室，只見另一間中學既球員都已經準備就緒

16強同初賽一樣係閒日踢，所以都係一樣冇觀眾，我地都係要走左下晝啲堂先黎踢到


擲完公字,，佢地開波






嗶！

哨聲一響，元朗學界a grade 16強正式開始

對方排出433既陣式，一開波就不斷以中場三條友猜波

成隊巴塞咁踢，你地自己唔悶我都悶啦

一味鳩猜，番去玩馬騮搶球啦



我地一雙防中，肥成同大王都開始已逼搶而體力下降






大約20分鐘

肥成既一個攔截失誤,皮球被中場球員推到禁區頂前

再加一記lob pass，將個波彈到已入到己方禁區既中鋒腳下


肥威同另一名中堅完全走甩哂

對方中鋒心口一控，左腳射個近柱，射穿門將阿達既大細龍門，1:0


「唔..唔撚係掛...」

我同吉仔響三閘線睇到呆哂







對方球員亦衝哂埋去慶祝




「無事既，幻覺黎既姐！」

我同吉仔一邊安慰自己，一邊重新開球


由於我地同對方既實力始終有一大段距離





我同吉仔縱有鬥志，仍難以打破僵局


臨完場前更被對方射入一球

最終我地以0:2不敵對手



「大家今年學界都盡哂力啦！下年再努力啦！」

完場之後，朱sir同我地講返啲安慰既說話


但，又有啲咩用呢





男人係唔好勝既生物，上至運動比賽，下至玩大富翁，都一定唔想輸


「唉...」

「唉...」

「唉...」

「唉...」

搭輕鐵返元朗既期間，我同吉仔不斷嘆氣


「估唔到，兩隊波既實力真係差咁遠...」

「全場波都搶唔到，射得果三球波...」


「呀！！！！！估唔到今年既學界竟然係咁樣完結！！！！！」

我忍唔住響車廂內大聲嘆氣，引來其他乘客注意


學界比賽完結，亦即係代表

我又要返到一個禮拜得一日練波既日子，悶死我啦



「我返黎啦」

「阿仔，今日學界16強點呀？」


「輸左啦唉」

「哦..咁下年再努力啦，今晚斬左料呀，有你最鐘意食既叉燒呀」


我將背囊掉落地下，攤上床上


「我唔服呀屌！！！！！！」

呢一刻既我，完全被落敗沖昏頭腦