【短故寫自己野】因為果個女仔，我開始寫故: 4.女兄弟

「呀.......點解我地會輸架」


今年drop左bio，所以有空堂既機會

但學校規定空堂既時候要去圖書館自修，痴撚線


我睇住未做既英文reading練習，一頭霧水






「喂，識唔識做呢份野呀？」

我問下同我一樣，drop左地理而有空堂既吉仔




「嘻嘻...好正呀...」





吉仔望住手上既手機，笑道


我未見過吉仔笑得咁淫賤

「你發乜神經呀？尋日先啱啱出局咋喎」



「yukirin好正呀~~」吉仔好似發姣咁樣






「你係咪傻撚左呀？乜撚野yukirin呀？」


「郭大俠你唔係未聽過下話？柏木由紀喎！AKB48 teamb隊長喎！」

吉仔道:「尋晚仲哭緊波喪果陣，景俊咪響我地三個個group度send左段AKB既片過黎既，我一睇到yukirin先發覺，原來呢個世界有咁撚正既女架！」


「咩料呀，睇過？」


「睇還睇，唔好同我爭yukirin呀」





吉仔show左手機上面，果個柏木由紀既圖比我睇


「車...都唔係特別靚姐，個鼻又大，有啲波路咁囉..」


「屌你丫！咪侮辱yukirin呀！」

吉仔竟然為左呢個女人屌鳩我:「yukirin好清純架！皮膚又白，又高，完全係我理想既另一半呀！」



「唉，救撚命...」

我已經比吉仔激死，攤響枱上面






「班會康樂郭大俠！」

一個綁馬尾，身材短小既女生響我後面大叫


「喂，咪叫呢個名啦阿sa！好難聽呀」

呢個女仔叫阿sa，周婉怡，我果班既班會會長，同我地三個一樣，中一至中三都係同班

但佢個名實在太老土，所以我地全級都係叫佢英文名Charissa，慢慢就變到剩係叫阿sa就算







「你諗好今年聖誕聯歡搞咩活動未架？我地要預budget架」阿sa道


「嗯..都係叫到會食架啦，再玩.....超級無敵大電視囉！」


「上年咪玩過囉，咁無新意架你！」阿sa一掌打落我個頭度

「咁你有咩高見丫？」

「咪就係要你諗囉！」


阿sa算係我既「女兄弟」，佢平時同我都係攬頭攬頸咁





我好清楚佢同我永遠都只係兄弟關係


「嘩，吉仔你又同景俊咁迷埋AKB呀？好毒呀！」

「你識乜呀阿sa！」

有個阿sa咁既女兄弟都幾好丫，講乜都得，唔駛好似同其他女仔咁講野要就住就住