【短故寫自己野】因為果個女仔，我開始寫故: 7.大島優子

今日平安夜，我地三兄弟約左一齊出去食飯

但係響一個普世歡騰既大日子，吉仔同景俊竟然拉左我去銀城明將打大佬



「嗱，一人一件，唔好諗住走得甩呀！」

吉仔拎起一件紅豆軍艦






「嘩屌，成pat嘔吐物咁喎，點食呀！」

「合埋眼，快吞就無事架啦」


「三...二...一！！！」

我迅速將紅豆軍艦放入口中





屌，真係好難食

即刻要拎杯綠茶浪口


「郭大俠，食一舊就要飲茶，咁渣架你！」

景俊同吉仔笑到標眼水






「屌！都唔係人食既...」

我拎返啲正常壽司黎食:「係喎，咁食完去邊呀？」


「過隔黎信和啦！我要去買阿醬2011年月曆呀」景俊留住口水道

「好呀，順便睇下有咩新雜誌！」吉仔亦和議


「唉，咁我返去先啦，你地自己去飽佢」


「嘿，我地點會咁易放你走呀，一於拉埋你落去啦！行個轉分分鐘仲搵到你既真愛呀！」





吉仔講到睇idol好似溝女咁，痴線


食完咁難頂既一餐之後

佢地講得出做得到，兩個人左右兩邊夾住我，將我拉到信和


「唔該，我要下年前田敦子月曆」

景俊買下心頭好之後，就不斷為我介紹，試圖將我推落毒坑


「渡邊麻友，mayuyu，雙手尾，幾可愛丫」





「唔啱，張張相都一樣樣既」


「篠田麻里子，女王，有姐姐feel呀」

「唔啱，個樣咁cool」



「咁唔...優子囉」

景俊指住店鋪既一個月曆

呢條女笑起上黎有酒凹，非常可愛






「大島優子，樣靚，笑得甜，又有身材」


「....」

我直視住月曆既封面


「咦，睇到眼甘甘咁既」

吉仔恥笑:「嗱，睇中左優子呢？」


「好波，成功推到郭大俠落坑啦！」兩人互相high five







「痴..痴線啦，一般貨色姐，走啦」

當時既我，的確呢個叫大島優子既人吸引住



我地三個人返到元朗飲左陣酒之後就各自返歸


「大島優子..」

我出於好奇，響google搜尋呢四個字


google顯示出多張大島優子既性感照片

身材的確係世界級，但係最吸引我既都係佢既笑容

呢種開朗型既女人完全開正我果飯



我好似著左魔咁繼續搵佢啲片黎睇

https://www.youtube.com/watch?v=R--teq8zzRc



「仆街啦...越睇越正...」


我終於...搵到一個令我心動既女人啦