由嗰日起，我扮成TB媾女: 14

我帶住一絲絲嘅傷感離開客機，從此不再回頭，以免再次勾起任何對Macy嘅回憶。

可能你地會話我狠心，但要我背住謊言嘅罪惡感去同一個女仔持續相處，對我嚟講太沈重喇，我真係做唔到。所以方法只有一個，就係將我同佢嘅回憶永遠鎖喺依架珍寶客機裡面，再把寶箱嘅鎖匙掉進思憶嘅最深處。

容觀地去睇，我都係一個樂觀主意者，我信一段感情嘅終結代表住另一段感情嘅發生。

今次嘅韓國之旅，我一定要積極媾女，擺脫從前嗰個內弱自卑嘅我！