由嗰日起，我扮成TB媾女: 15

我用最快嘅速度趕上人群嘅最尖端，目的喺以最短嘅時間過關，盡快踏入韓國嘅領土。

最後我以第一名嘅姿態到達行李輸送帶，而行李只有一個超巨型嘅登山背囊。

一見到佢嘅出現，我就即刻將佢孭上身，跟住就以全速奔跑出關口。

到依一刻你可能會問我，咁心急做咩啫？都到咗啦，差嗰一兩秒洗死呀？

但你唔好唔記得，我未換褲嫁！！！





成大灘血漬黐住喺條白色短褲喥，描繪成一幅血染的風采，你以爲我唔覺得柒㗎？我都唔想柒吓柒吓足一世嫁！

然後喺確保無人見到嘅情況下，我衝咗入廁格，換咗條黑色短褲，保證就算痔瘡再度爆血濕撚哂都唔撚驚。

換好衫，戴返副黑超，昂首闊步咁離開廁所，再望一望依個世界，感覺上視野遼闊咗，聽覺敏銳咗，自信心亦同時返哂嚟。

依種就係重生後嘅感覺，暢快。

Girls，你地嘅痔瘡男神又返嚟喇！