「無啦啦多左幾個家姐同細妹 Season 2」: 七個

女：「好痛…」
 
呢個女仔咁似…
 
阿希：「Sorry呀我地無心撞到你架，你無事吖嘛？」
 
阿希係聽到人地開聲之後先識反應，上前扶起人，不過點都好過黑仔既，因為佢仲企定定係度。
 
女：「唔緊要，你地係趕時間既就快D行啦，我無事架。」
 




呢個女仔一臉笑容咁樣回答阿希，有如天使下凡咁。
 
亦係呢個笑容，令我記起呢個女仔到底係咩人。
 
佢就係尋日買書個個女仔！
 
唔知點解，我居然傻傻咁跟住阿希佢地行左去學生會交form，我完全唔記得左自己係想搶返份form。
 
我一邊行一邊回想頭先個女仔，原來佢都係呢度既學生？
 




我：「喂阿希，頭先個女仔你識架？」
 
阿希：「唔識呀，我都係第一次見佢，可能係低form掛。」
 
黑仔：「做乜呀阿明，你對人地有興趣？我幫你拎佢contact囉？」
 
我：「你識佢咩黑仔？」
 
黑仔：「唔識喎，我都係第一次見。」
 




屌，on9。不過點解我會咁在意個女仔既，肯定係因為我d死人咸濕基因啦。
 
阿希：「喂黑仔阿明，你地睇下，個條女好靚咁喎。」
 
黑仔：「邊度邊度！哇屌！又真係幾靚喎，阿明你都快D黎睇下。」
 
又有靚女睇？等我睇過。
 
屌呀，呢個咪Ellen黎，做乜野佢會係學生會門口架。
 
唔知係咪我同佢地之間有某種聯繫，當我望住佢既時候，佢居然都望左過黎，仲對住我笑。
 
阿希：「喂喂喂！！你地睇下，佢對住我笑呀！」
 
黑仔：「你都傻既，佢係對住我笑呀，阿明你話係咪呀？」




 
我：「eh…我諗…」
 
Ellen：「阿明！~」
 
唉屌我就估到會係咁。
 
就係黑仔同阿希討論緊Ellen到底係對佢地邊個笑既時候，Ellen已經行左過黎我地呢邊，仲一邊行一邊叫我。
 
阿希同黑仔聽到之後都好愕然咁望住我，直頭好似見鬼咁。
 
好快Ellen就行到去我地身邊，仲好開心咁同我打左聲招呼。
 
Ellen：「你黎做乜呀阿明。」
 




我：「eh…我係…」
 
我而家先記起自己到底點解會係呢度，但當我想拎返份form既時候，阿希同黑仔就已經拉左我埋一邊。
 
阿希：「喂阿明你識佢架，你就唔岩啦識個咁靚既女仔都唔介紹比我地兄弟識。」
 
啊…話唔話俾佢地知我同Ellen佢地既關係好呢？算啦暫時都係唔好講住啦免得有咩麻煩。
 
我：「Eh…我地係開學個日識既，大家都係Form5既插班生所以咪做左朋友咁囉。」
 
Ellen聽到我咁樣描述我同佢既關係之後鄒左一下眉，不過好快就恢復原狀，仲笑左一下。
 
睇佢咁聰明，我估佢都明白我咁做既意思啦，如果唔係點會笑左一下。
 
Ellen：「係吖我同我細妹都係插班入Form 5架，我叫Ellen，讀5B，我個妹就係5D~佢叫Ellie~」




 
黑仔：「你好呀Ellen，我係黑仔呀，不如我地交換ig？」
 
阿希：「我叫阿希！我地不如add Facebook？」
 
呀你兩個吖…
 
Ellen：「哈哈阿明你既朋友都好有趣，啊我記起啦，原來今年Form 5既插班生唔只六個，聽講第七個插班生今日就會報到，好似仲要係你地C班既人。」
 
嘩Ellen…今日先係2/9，你已經開始建立你既情報網？太勁啦掛..？
 
不過你係聖所羅王個陣已經係咁架啦，我咁驚訝為乜？
 
黑仔：「喂唔通頭先我地撞到既個個女仔就係我地既插班生？」
 




阿希：「似啦似啦！喂快D返上去問下浩賢睇下佢知唔知d乜啦！」
 
呢兩條友無理到我，一口氣咁跑左上去。
 
Ellen：「哈哈，你既新朋友真係好得意，好似阿惠咁。」
 
我：「係囉可，唔知佢而家點呢？我頭先咁講我同你既關係你無嬲吖嘛？」
 
Ellen：「無嬲~我都明你既用意既，你想低調嘛。」
 
我：「嗯，多謝你體諒。話時話，你去學生會做乜？你都想組soc？」
 
Ellen：「唔係吖，我想選學生會咋嘛。」