一個遇上女神，再忘記她的故事: Chapter 29

「喂BB你做乜食食下飯呆左喺度既?」某日在Canteen食飯=14px，Tracy問。

「冇呀，我祈緊禱。」我被突如其來的問題搞亂了思維，唯有說個慌=14px把事情輕輕帶過。

「哈你信教架咩?」

「唔係呀，問你個IQ題吖，知唔知邊個國家既人最鍾意祈禱呀?你=14pxDean List唔會答唔到掛。」

「Er…梵蒂岡。」





「錯!」

「冇理由架，梵蒂岡啲人全部都信教架喎，答案係乜呀，快啲講快啲講!」Tracy嬌嗔道。

「係土耳其呀!」我回答。

「下點解既?」

「因為啲人祈禱祈到連國家名都改埋，土耳其，禱、已、祈呀!」





「你個Gag好難呀，哈哈…」Tracy開懷大笑，但不夠三秒，她便把笑聲止住了。

「Henry…」我的背後有人叫我。

是CaRmen…

「咩…咩事…」我立即回頭驚慌的問。

「冇呀…見到你想同你講，嗰次之後我已經冇再嬲你喇，同埋想多謝你咁浪漫既示愛呀，你份心意我已經收到喇。」CaRmen溫柔的說。





「哦…不過…不過我…我有女朋友喇。」我回答，如果你想像到那個情況有多危險，你便會了解立即表態的好處。一個是現任，一個是舊愛，早早表明立場，便可免除發生流血事件發生的可能性。

「我知…呢個Tracy吖嘛。」CaRmen語帶挑釁，指著Tracy說，「我冇接受你，不過都想請你食餐飯答謝你，但睇黎你女朋友唔係咁鍾意…」

「唔係，你地咪食囉，食得落你地就食啦，我冇所謂。」Tracy擺一擺手，一臉不在乎的說。

「Tracy你唔好亂諗呀，我真係當Henry係朋友黎乍，始終我同佢一齊由中學上到大學，你估淨係入左Marketing先識咩，你千祈唔好誤會呀。」CaRmen語帶驚慌的說。

「我冇誤會呀，你係咪當佢朋友都好，唔關我事，Henry咁大個人識得分邊啲野做得邊啲唔做得，我對佢絕對放心。」Tracy依舊一面鬆容。

「咁就好喇，Henry，咁我地再約啦。」CaRmen滿足的說。

CaRmen離開後，Tracy的臉立時轉為鐵青。

「Tracy，我唔會去架，你放心。」我立時慌張的解釋。





「你敢去?你如果去既話，麻煩你收埋你宿舍入面啲較剪呀!」Tracy向我怒道。

女人就是這樣，就算平時再溫純再體貼，遇上情敵、男友的舊情人、或舊女神，也會變得失去理智，如老虎上身。

我明白到CaRmen的這個舉動是想重新招我做她的觀音兵，而Tracy的反應亦十分明確，只要我越雷池半步，不僅小弟不保，甚至連生命也受到威脅。

理性上告訴我應該忘記從前，專心的愛著現在的女友，而且亦不可以再重轁覆轍。然而感性上心內的魔鬼卻告訴我和CaRmen之間的關係再有一點修補的可能。雖然Tracy令我忘記CaRmen，然而我對CaRmen的思念畢竟已有近五年的時間，並不是年多的戀愛生活便可以完完全全把它拋諸腦後的。

幸好，這一刻理性戰勝過感性。