一個遇上女神，再忘記她的故事: Chapter 30

本想著這件事情會慢慢丟淡，但就算你視而不見聽而不聞，亦不代表=14px事情沒有按某人的劇本進行，亦不代表那種潛埋在心入面的情感不再=14px爆發。

「叩叩。」我宿舍的大門傳來叩門聲。

我打開門，是CaRmen。

「喂你點會知我住邊間房架?」我驚訝的問。

「我CaRmen姐識咁多人，你同層都識幾個人啦，要問點會問唔到?」說著，她便拿著一大袋東西進來。





「你搵我咩事?」我語帶冷漠的問。

「冇呀，上次話約你食飯，又見你唔理我，我咪喺Taste買左啲壽司上黎同你開餐囉，啲三文魚壽司好凍好好味架。」

「哦，唔使喇，我食左野。」

「咪咁啦，陪我食少少啦，食完我就走架喇，唔會阻你太耐。」

為免引起不必要的誤會，我趕緊如狼似虎地吃掉壽司。





「喂係喎你單野幾時上庭呀?」CaRmen不經意的問道。

「下星期三，觀塘裁判法院。」我問答。

「嗯好啦，咁你自己小心啲喇。」

其實在這時我真的丈八金剛摸不著頭腦，不是已有男友的嗎?不是已狠狠地交惡了嗎?為何會主動找我?要回答這個問題，再猜測也是徒然，唯有主動問她。

「CaRmen，其實我地都完左啦，或者咁講，我地連開始都未開始過，點解要搵番我?何況我而家都有女朋友啦。」我坦白的說。





「咁，我當日都有男朋友啦，點解你又追我?」CaRmen反問。

「當日因為我真係愛你，但我放棄左，因為我做咁多野你都唔會鍾意我。」我悻悻然的道。

CaRmen想了想，然後拋出一句…

「乜我有親口講過，我唔鍾意你咩?」

這個問題，我確實不懂回答，因為她真的沒有親口拒絕過我，只是她的行為，已說明了一切。這或許是CaRmen故意給我的陷阱，亦有可能她真的留意到我為她做的東西，我不知道...或者我沒有資格去思考這個問題，因為...我有Tracy，我應該專一地對她。

「走喇，上庭嗰日記住起身呀。」CaRmen吃完最後一件壽司，便離開了。

乜我有親口講過，我唔鍾意你咩?

沒有...但代表你喜歡我嗎?