[真人真事][校園][純愛]《婚宴上的重遇》: 第十一章

之後轉堂嗰陣,
我:「你真係好帶挈 」
若凝:「鬼叫頭先你笑得咁衰呀
個樣奸到呢 」
我:「痴線邊度奸 」
若凝:「唔理架喇
我又唔熟呢間學校,
連邊層有啲乜野設施都唔知
係靠你喇 」
我:「依家想唔靠都唔得啦


已成定局 」
若凝:「嘻嘻
咁咪乖囉 」
唉,
依家咁樣,
我想懶啲都唔得啦
巴打絲打們又唔係唔知班會嗰啲野有時真係好麻煩
有時真係要留低喺度傾野,
阻鬼住晒
冇計啦,


唯有當係同若凝有多啲接觸啦,
呢樣係我唯一一個自我安慰
講講下,
我終於醒起我今日要問佢啲乜野
原本幾個月前已經想問,
兜兜轉轉,
要到九月先可以問
不過遲問總好過冇得問,
我:「係喇,
有樣野我想問你好耐 」


若凝:「做咩呀 」
我:「其實你點解要轉校
同埋點解做做下麥當勞冇做 」
若凝:「好想知咩 」
我:「廢話
問得你梗係想知啦 」
若凝:「點解咁想知呀 」
若凝嗰陣係笑住講呢句,
兩個字:好靚
我成日都覺得,
由心而發嘅笑容,
同埋為笑而笑嘅笑容係有明顯分別
我唔識同你講點樣去分,
但係我相信每一個人都會有分辨嘅能力
特別係當你對住一個你好重視嘅人,


佢係咪真心而笑,
你一定分得到
若凝講呢句嘅笑容,
就係靚在笑得好真摯

咁佢依家問我點解咁想知,
唔通直接同佢講
因為我鍾意你囉,
我傻到一見到你就鍾意你
嗰陣我連你個名都唔知,
對你一啲認識都冇
就係我因為鍾意你,
所以想知你以前嘅事
唔通我咁同佢講呀
我冇咁嘅膽量


我知你地實笑勁我
不過我都預左架喇
所以我就求其講:「冇呀
睇你個樣似讀書好叻嗰啲
應該唔會因為會考唔夠分所以要轉去第二度 」
若凝:「講俾你知唔係唔得,
不過有條件喎 」
我:「咩條件先
唔係要我用錢買呀嘛 」
講真,
就算要我用錢買我都會買
錢解決到嘅問題,
就唔係問題
當然我梗係冇同佢講呢句,
咁樣係人都知咩事啦


若凝:「傻嘅
梗係唔係啦,
你一陣去陪我食街市嗰間車仔麵
咁就得喇 」
我:「就係咁咋話
輕鬆啦
Deal你 」
若凝:「你講咩話 」
我:「Deal啫
你聽錯啦 」
若凝:「下次講好啲啦
肯定你係特登講 」
我:「冤枉呀若凝姐
英文唔好,
發音唔準 」


中文老師:「行哥你係咪玩野呀
上緊中文同你同我講你英文唔好發音唔準 」
我:「唔係唔係 」
中文老師:「本來我就聽唔到呀
點知你愈講愈大聲,
係咪想示威先
即係間接講你依家中文好好啦 」
我:「對唔住呀老師
以後唔會以後唔會 」
中文老師:「你講架 」
若凝:「傻仔 」
唉真係好肉酸
仲要俾若凝潤
以前嘅我並唔知道,
原來咁樣你一句我一句,
有時仲俾若凝潤,
呢啲其實係好甜蜜嘅回憶
可能我以前太遲鈍啦,
成日覺得咁樣係自己出醜,
但嗰陣嘅我,
係唔知道我咁樣係可以令若凝佢笑
其實有時,
只要可以令若凝笑就已經得啦
呢啲野都係後來先知,
以前睇野實在係太單一喇,
後知後覺,
永遠都係不及先知先覺.