[真人真事][校園][純愛]《婚宴上的重遇》: 第四十九章

說時遲那時快
放學嘅鐘聲又響起左
又上完一日嘅堂
我:「走得 」
若凝:「今晚唔好甩底呀 」
我:「點會甩你底
你問心我有邊次係甩底 」
若凝:「咁又好似冇喎哈哈 」
我:「咪就係 」
若凝:「都係講定先啫 」


我:「咁食咩呀 」
若凝:「呢啲梗係生日嗰個諗啦 」
我:「下 」
我心諗乜係嘅咩
睇嚟我真係未試過有朋友幫我慶祝
呢啲細節我完全唔識
若凝:「你唔係冇諗呀 」
我:「頂你今次心水幾清
雖然平時十句有九句都係廢噏
但係今次就係十句裏面嘅嗰一句 」


若凝:「咁依家諗咪得囉
今日你最大呀 」
我:「你唔係唔知我
食乜春都冇所謂架啦 」
若凝:「一於聽你話囉
就食乜春 」
我:「低能 」
若凝:「低能你又笑 」
我:「笑你可以面不改容咁講呢樣野 」
若凝:「低能 」


我:「低能你又笑 」
若凝:「咪抄我呀 」
我:「好似係你抄我先喎 」
若凝:「你先 」
我:「你先 」
結果我地咁樣都擾攘左一輪.

之後我地出左去學校門口
我:「咁點呀今晚食乜 」
若凝:「既然係咁到時先諗
都係附近架啦係咪呀 」
我:「係,
聽日都要返學 」
若凝:「喂,
有野想問你 」


我:「做咩
無啦啦咁認真嘅 」
若凝:「我之前送俾你嗰個守護符,
有冇帶喺身 」
或者有部分讀者唔記得左,
個守護符係若凝之前去旅行當手信咁樣送俾我
諗諗下嗰陣我同佢都未識,
即係我仲係喺麥當勞偷望佢嗰陣嘅事
呢個守護符係佢第一件送俾我嘅野,
同時亦都唔知係咪最後一件
試問我又點會冇隨身攜帶呢
咁樣先唔會唔見
同埋唔會唔記得喺邊度
我:「梗係有帶 」
若凝:「係咪真架 」


個守護符扣左喺我個銀包度
銀包基本上係每一日都要用
咁咪放喺嗰度,
我之後拎個銀包出嚟啦
我:「真係有架唔係吹水 」
若凝:「係喎,
算你啦 」
佢講呢句嗰陣,
雖然係面向前方,
我睇唔到佢個正面
但唔知點解,
佢好開心
點解我會知
因為佢個嘴形成左一個好深嘅彎角
淨係呢個樣已經出賣左佢


而呢個笑容,
對於幾時嘅我嚟講都好啦,
都係咁吸引
或者日後我會見到更加靚嘅女仔
又可能我會遇到笑容仲燦爛嘅人,
始終世界咁大,
有咩係冇可能
但係嗰陣嘅我已經可以肯定,
能夠帶俾我咁大嘅吸引力,咁震撼嘅感覺,
只有眼前呢個女仔先至得
對於我嚟講,
一見鍾情嗰個感覺,
唔係咁易可以被取代,
其實可能好多野係好平常
但係因為係我眼前嘅女仔所做出嚟,


所以我會特別去注視,投入
總之會覺得係不平凡,
而喺好多好多年之後,
我終於可以印證自己嘅講法
係冇講錯.