[真人真事][校園][純愛]《婚宴上的重遇》: 第六十一章

之後我地出到去醫院門口,
就一齊去巴士站等巴士返屋企
亦都好快有車嚟
我地上到去上層,
一個句都冇講過
睇得出若凝成個人心不在焉
同埋極力控制情緒
可能始終喺街啦,
佢冇盡情咁樣發洩
而我本身,


係一個唔識安慰人嘅人
又或者咁講,
我自己唔開心嗰陣,
都唔想有人喺我身邊嘈我
所以喺當時,
我只係好安靜咁樣喺佢身邊
老實講,
覺得咁樣嘅自己真係好冇用
因為完全幫唔到佢
我嗰陣淨係想佢快啲回復正常


除左呢個之外就冇其他心願
但係我完全冇方法
令我嘅目標達成,
完全分擔唔到佢嘅情緒
我個腦不停喺度諗,
究竟我應該點樣做
但係由上車坐到落車,
我都仲係唔知應該有咩方法,
淨係識坐喺度
如果佢需要只係一個淨係陪佢坐喺度嘅人,


咁佢其實搵個公仔就得啦
使乜搵我呢個活生生嘅人啫
完全發揮唔到人嘅作用
當然啦,
呢個只係我當時幼稚嘅諗法
去到大個左先明白,
有時人真係淨係需要一個陪佢坐嘅人
其他事都係次要,
大個左先明冇乜用丫,
已經係第二回事嚕.

落到車
我同佢都仲係一言不發
大家好有默契咁樣,
向住同一個方位行,


去到佢屋企門口
若凝終於出聲
若凝:「呀行,
可唔可以陪我上去呀 」
我:「上你屋企 」
若凝:「嗯.」
我:「冇問題 」
坦白講,
我嗰陣真係冇諗衰野
唔係話我唔咸濕
而係覺得,
若凝咁難得出聲問我,
佢依家又咁樣
冇理由唔上去陪佢丫
雖然嗰陣已經十二點幾,


平時我已經返左屋企
但冇計啦,
對住自己鍾意嘅女仔係咁架啦
你會盡量去配合佢
一開門,
就見到若凝屋企好整齊
佢屋企有兩間房,
其中一間應該係若凝嘅
我冇理由行入去架
咁樣好冇禮貌
所以我嗰陣內心極度掙扎,
我個心就好想入去
但係理智話俾我聽唔可以入
好奇心可能會害死人
佢應該係信得我過先帶我上嚟啫


我貿貿然入去,
咁咪即係破壞佢對我嘅信任
我:「瞓覺啦
你個樣好攰 」
若凝:「可唔可以陪我傾一陣呀,
頭先唔好意思呀
好似淨係叫你嚟陪我坐咁樣 」
我:「傻啦講啲咁嘅野
最怕係你唔搵我啫.」
若凝:「我嗰陣真係好亂
媽咪無啦啦喺屋企暈左
我嗰下成個人空白晒
跟住先知要call白車,
打埋俾daddy,
成個人好似冇晒方向 」


我:「正常嘅
遇到突發事情,
仲要係關於屋企人,
冇反應係好合理
你估個個真係咁冷靜咩 」
若凝:「媽咪佢原本冇事架
無啦啦咁樣暈左,
個反差好大 」
我:「醫生點講 」
若凝:「佢話疲勞過度,
就咁睇好似冇事
但唔知點解我仲係好驚 」
之後佢挨左落嚟,
嗰下我都呆左一呆
完全估唔到,
咁我都冇抽水
對住佢唔會諗嗰啲野
你幾時問我都係咁答
我:「冇事嘅 」
若凝:「到依家仲未醒......
真係好驚 」
我:「你依家瞓一覺先,
聽日就會見到你媽咪醒架喇
你老豆講得好啱
你都唔想你媽咪見到你咁殘架 」
若凝:「我真係好殘咩 」
我:「係呀,
喊到眼都腫 」
若凝:「我都唔知喊左幾耐 」
我:「總之你好好休息
聽日有咩事嘅即刻打俾我 」
若凝:「唔好意思麻煩到你 」
我:「唔慣你咁客氣 」
若凝:「真係丫
好聲好氣對你係唔得嘅 」
我:「依家咁咪幾好
頭先你個樣真係嚇死人 」
若凝:「聽日可唔可以陪我一齊去探媽咪 」
我:「好 」
咁樣算唔算見家長
但其實我地乜關係都唔係
最多都只係朋友
見咩家長丫唉
我:「咁我聽朝搵你啦 」
若凝:「好啦 」
我:「唔好諗咁多呀
瞓覺啦 」
若凝:「拜拜 」
我:「拜拜 」
若凝:「喂.」
我:「做咩呀 」
若凝:「今晚真係唔該你 」
若凝係微笑住同我講呢句,
咁都好返啲
我:「嗯.」