呢一章終於符合標題
其實沿途嚟緊嗰陣,
我都係諗緊,
如果一陣見返若凝,
我應該講咩好
主動示好定係點
你依家問我,
我梗係會答你主動示好啦
都過左咁耐,
以前嘅事早已沖淡


況且我咁想見到佢,
點都係應該由我做主動啦
但係講真,
我梗係知自己啲死人性格
每次去到關鍵時候,
成日都係得個望字
勇氣真係一向都冇
不過依家已經唔同以前,
以前我就話,
好擔心表白會破壞我地之間嘅關係,


今時唔同往日,
依家都冇野輸唔起
希望自己真係可以夠勇氣去做啦
其他嘅野真係順其自然,
都唔諗得咁多,
當然,
都有可能只係我過分緊張,
可能喺佢心目中,
只係一件好平常嘅事
唔需要大費周章,


就當我係我幻想多一次啦
係都唔緊要,
因為已經唔係第一次,
成日都諗多左.

終於去到酒店
跟住我就行去我坐嗰圍,
原來佢分左兩圍俾中學同學
其實我係遲左少少,
之前都講左啦,
因為我要喺公司執埋啲手尾
時間預算錯左,
好彩都唔係遲好多
之後仲要搵到我坐嗰圍,
喺嗰陣我見到一個背影


呢個背影,
既熟悉又陌生,
熟悉嘅原因,
係因為我好耐前已經見過
當我仲係讀緊中學嗰陣,
我已經成日見到
而陌生嘅原因,
係因為我已經好耐冇見過
足足六年,
我一行過去,
有同學已經話,
a同學:「呢個位梗係留俾你啦
咁遲架行哥
之後坐我隔離,
頭先我望到佢背影嘅嗰個女仔,


終於拎返轉個頭
坐返正,
嗰陣真係好緊張,
原來所有嘅預演都係冇用,
諗咁多都係嘥氣
因為當發生嘅時候,
你都仲係會緊張,
我嗰陣冇望到佢,
因為唔知點樣應對,
淨係同左頭先嗰個同學傾計
我:「冇
公司要做埋啲手尾先俾走
我都唔想
a同學:「即係搵好多啦咁忙
我:「我都想


狗工嚟
搵得唔多.」
講左一陣之後,
我隔離嗰個女仔,
終於同我傾計
若凝:「好耐冇見
真係好多年喇
對上一次同佢傾計,
就係喺grad din,
咁啱今日又係宴會場合
真人咁樣近距離望佢,
的確係比以前成熟左
冇左熟悉嘅稚氣,
當然,
皮膚仲係好好


同以前一樣咁白
對眼仍然係好有靈氣
同以前一樣,
都係化淡妝
我終於知道自己點解會俾佢迷住,
點解過左咁多年,
身邊出現過咁多女仔,
都仲係對佢仲係念念不忘
今日見返佢,
感覺一啲都冇變
呢種感覺只有佢先可以俾我,
第二個係唔得,
我唔係冇試過,
又或者咁講,
有一段時間,
我係好想脫離若凝
嗰陣好天真,
以為呢種感覺第二個都可以俾到我,
但係原來唔係
自己真係錯得好緊要,
佢係第一個,
亦都應該係最後一個,
依家先知,
或者真係太遲,
不過估唔到
原來都係佢做主動,
同當年我喺麥當勞第一次見到佢嗰陣一樣,
都係佢主動同我傾計先,
我:「係呀
好耐冇見
若凝:「依家做緊咩呀
我:「普通寫字樓咋
若凝:「好好搵
我:「你以為啦
你呢
若凝:「同你一樣
都係寫字樓.」
我:「辛唔辛苦丫
若凝:「ok啦,
都算係咁
我:「咁就好好啦,
香港地搵到食但又唔算辛苦,
不知係幾多人嘅夢想
若凝:「你好似悲觀左
我:「唔知啦,
可能係掛
之後我地就投入婚宴.