「下,咩任務黎架?我都無話參加!」我的腦袋還沒有完全清醒。

「有情報話太平洋某個小島近排好似有唔尋常既魔力騷動,我地既任務就係去調查原因。如果發現任何非法活動就順便清理埋。」拉斐爾已經開始講解,完全無視我最後的一句。艾蜜莉加入說:「至於你參加與否,你已經無得簡。岩岩暈咗個陣你自動運功抗毒,我地咪乘機拍你隻手去張任務紙度囉。嘻嘻!」如此看來艾蜜莉也是送我上賊船的幫兇。「好啦,你地都擺咗我上枱,咁我可唔可以知道個任務既難度?」這時候他三個同時露出詭異到極的奸笑。「由於呢個係調查未知地點,所以難度係未定架,不過高層估計大約係介乎D級至A級咁。」韋利特完全不以為然。

「最高A級?!你地係咪傻咗呀!A級唔係比八、九級魔法師做既咩?你地想死都唔洗咁呀?」我今天受到了太多既刺激,情緒已經非常激動。「你想縮都無架啦,我諗你都未必賠得起個委託費。」拉斐爾揚起張羊皮紙於我面前,當我一見到那費用有多少的零頭,我已經知道無路可逃。我極度懷疑他們一早已經計劃好接受這個任務。 

待我發洩了一堆粗口稍微冷靜下來之後,我地這臨時組成的小隊便去了公會酒吧討論任務細節。「三枝啤酒、一杯橙汁。」侍應很快就拿了我們點的飲品過來,想當然,橙汁是我的;另外,在魔法界不會有人理會夠了十八歲才可以飲酒。拉斐爾:「拿,個任務寫住三日之後就要出發,交通方面我會問老豆借一架私人飛機,咁大家各自執一啲衣物同武器藥劑就可以架啦。」以拉斐爾六級的水平(我五級初期;韋利特四級頂峰;艾蜜莉未知),作為一般隊伍隊長已經非常足夠。可惜今次可能是A級難度,所以我有必要小心謹慎:「係呢,艾蜜莉你其實實力如何?」「下?我咪岩岩到六級,籌先咪講咗囉!」正當我一頭霧水她何時說過,拉斐爾出來打圓場:「係你比我整暈個陣我問過。」我立即滿頭直線。「嘻,唔好意思啦!」我也懶得在這問題上打轉,反正只要不是真的A級或B級,應該問題不大,就問:「咁到底個個島有咩唔妥?」韋利特抓了一下頭,答:「個情報淨係話個島上面既古遺跡唔知點解有幾道龍捲風包圍,幾日都無消散到,就係咁多。」我呆了一陣子,用魔法造出龍捲風並不是太困難,一個四級風系法師便會學到,但是這一招消耗量頗大,難以維持長時間。我自己耐力也算是不錯,但也只能支持到一個龍捲風十分鐘,所以這事的確很奇怪。「諗咁多做咩呀!去到睇下咪知囉!」韋利特依然一樣那麼熱血。 

「咪住!你唔洗陪你女朋友咩?」「同佢講話屋企去旅行咪得囉,你走唔甩架!好啦,無問題既話三日後中午十二點係我屋企集合啦。」我對他們的自把自為已經無言以對,只是給了一個Ok手勢便算。臨走的時候我除了和艾蜜莉講多次對不起之外,亦與兩兄弟講了句有錢就是任性。 





「點解呢啲咁危險既事要搵我黎搞?」孟子曰天將降大任於斯人也,必先苦其心志,勞其筋骨⋯⋯但是小弟乃一介廢青鹹魚,熱血探險甚麼我也毫無興趣。至於苦甚麼勞甚麼的就更是可免則免了。 
已有 0 人追稿