小毒魔法狂想曲: 023 再遇著你
才剛步入公會，我已感受到大量的殺氣透過無數不友善的眼光湧過來。看來一天艾蜜莉還未復元，我們都得承受著這壓迫，所以我趕緊加快腳步走向任務交接部把獎勵領了。哇！不得了！我印象中好像沒有完成過這麼豐富報酬的任務：港幣十五萬元、魔尼銀幣五十個，還有借閱限制區藏書機會一次！借閱限制區藏書機會一次！借閱限制區藏書機會一次！圖書館內設有限制區，那裡的書平日不會開放，只有獲得長老級以上的批准或是完成特定條件（例如我今次任務，雖然唔知邊個大佬咁好心加個咁既獎勵入黎。）方能借閱。當然，那裡的書自然是非常珍貴，不少的藏書更是記載著秘傳魔法的修練之法！
我轉向拉斐爾問：「咁你拎到啲咩？」他回道：「同你一樣囉，不過我唔係去限制區借書，而係去獄山地下城既通行證，韋利特都係。」「下！個個傳說中既變態修煉場？你唔驚咩？不過咁奇怪係我去睇書你地去地下城既。」「可能知我返學已經夠多書要睇啦，哈哈！」「一定係咁啦！」
接著在公會飯堂解決了午餐後，我問道：「咁你而家有咩做？」「一陣要上堂呀！已經走咗幾堂啦。」「咁我同你行去地鐵站啦，之後我返圖書館。」
如是者，我們便向著尖沙咀地鐵站漫步，當經過海港城時，卻見到一大群人聚集，原來是在玩那捉小精靈的手機遊戲。我無奈嘆道：「呢個game唔係上年既咩？點解仲有咁多人玩架？」「可能出咗新野啲人咪玩返囉，我記得呢度好似好多迷你龍架嘛！」我也差點忘了當初這遊戲推出時我也有沉迷過一陣子。
突然後方傳來一聲的叫喊，同時我的心也像被揍了一下。「拉斐爾！」我拉一拉他的手，正想示意要無視那呼喊，但太遲了。拉斐爾已轉過身，看到說話的人時也呆了：「額⋯乜係你呀？雲妮。」「係呀，好耐無見啦，你唔係係外國讀書既咩？」
我心想：咁多人你唔撞，偏偏要撞到佢，拉斐爾你個仆街！我也回過頭來說：「佢上年岩岩返咗黎讀。」她看見我出現亦閃過一絲驚訝。就在這個三人相對無言的尷尬場面下，一個高大的男士走過來搭著雲妮的肩膀並說：「BB，個邊有隻卡比獸呀！咦？你撞到friend 呀？」好了，不是被揍了一下，我的心簡直是被撕裂成碎片。
「係呀，我既中同黎既。」「哦，你地好呀，我叫凱文，雲妮既男朋友。」此時，我的腦袋已是空白一片，接著一股強力的心酸湧上來。我緊握雙拳，試圖保持冷靜，但是卻不慎動用了魔力，手背上的公會紋身閃現了一下。誰知凱文留意到這細節，冷笑了一聲，說：「原來是同行黎既。」之後我便感受到一股強大的壓迫從凱文身上湧過來，即使運魔力也無法與之抗衡，一瞬間我已受了內傷。他也是魔法師？！不單如此，還是一個很強的魔法師，至少是九級甚至更高，不然差距不會大得連呼吸也很困難！
雲妮這時候問：「咩同行？」他回答：「無，我以為佢地都係黎捉小精靈姐。點知原來係垃圾（唇語），行啦，卡比獸唔等得耐架。」說著便拉走雲妮離開我的眼線。拉斐爾這才開口：「唔好意思呀，你無野嗎？」我搖搖頭，示意不要緊。那知道一搖嘴唇便感到濕濕的，原來兩行鼻血已流了下來！
「洗唔洗咁重手呀！」我連忙拿紙巾止血。「下次見到條友一定要報仇。」拉斐爾直接一盤冷水潑來：「你夠人揪咩？算啦。」這次我可不會輕易放棄，說：「咩都可以算，呢個就一定唔可以就咁算！你去上堂啦，我要去圖書館摺啦。」當初我曾說過今日你看我不起，他日我要你高攀不起。這可不是隨便說說的！