《香港革命戰》(上): [16-計劃之外] PART 3
“咯 咯 咯 咯 咯 咯”抱左綽姿既軀體，行入呢個唔屬於我既領域...
呢道唔屬於我、唔屬於SPIRIT、亦唔屬於惡魔...
呢道真係一個好特別既地方...
呢道既人大部份都無晒喺SPIRIT既記憶...
係佢地自願放棄...
放棄SPIRIT既身份...
放棄行者既身份...
我地會稱之為逆行者...
將所有辛苦努力得黎既修行都放棄...
一切歸零...
黃婆婆仲係咁鍾意抱住米米坐喺安樂椅上享受日光浴...
趙太太仲係咁鍾意整潔，一天到晚都會洗衫執屋...
方伯伯同斑點仲係咁好感情，時不時都幫佢沖涼...
天色開始越黎越暗...
應該就快要落起雨黎...
經常座喺大樹下睇書既傑仔都唔喺道，應該留喺家中...
呢道既人大部份我都認識佢地...
有唔少都係來自屯門領域...
以前佢地都認識我，但而家既佢地已經將以前既記憶洗得乾乾淨淨...
係佢地自己揀...
係佢地唔再相信SPIRIT...
係佢地背棄SPIRIT既宗旨...
我無迫過佢地。
抱左綽姿既軀體一直行...一步步行...
我並無特別提起戒心...
呢道既人唔會有傷害他人既心...
佢地個心比任何人都純潔...
比我地SPIRIT既人更加純潔...
人既本性本應就係咁純潔...
本應係咁，每個人本應就係咁...
唔會有爭吵、唔會有爭鬥、唔會有爭奪...
但點解我地會變成咁?
變成一隻爭名奪利既禽獸?
又點解有人犧牲?
有人喺爭奪中犧牲?
我地缺少左D乜?
定係多左D無謂既野?
有無人可以俾到答案我地?
有無人可以話我知應該點做?
「審判必須降臨。」爸爸望住黑漆漆既天空...
『點解丫爸爸?』我行近爸爸既背影...
「因為世界已被扭曲到一個無可救藥既境地。」黑漆漆既天空就只有EVE...
困喺呢個黑漆漆既環境下，我地反而安全。
我地一直被黑暗保護。
『咁都唔關我地事架...我地無必要去理出面發生梗咩事...』我拉一拉爸爸既衣袖...
我唔明白點解我地受誡律之牆保護下，都要出去拯救出面嗰班人...
嗰班自甘墮落既奴隸。
「因為係我地既使命。」爸爸轉身望住我...
使命?
其實我一直都唔明白咩叫做使命...
邊個定呢個使命俾我地?
神?
神藏匿左去邊?
點解要藏匿?
個世界已經扭曲到無可救藥既境地，點解要派遣我地去解救?
點解神唔親自審判呢個世界?
呢道根本就無神!
如果有神既話，佢一定會安排得好好...
計劃一定會好完美...
但而家?
根本就係惡魔掌管一切...
我地已經犧牲左好多...
我地已經犧牲得太多喇!
我地究竟仲可唔可以完成我地既使命...
「年輕既統治者...比預定時間早左喎~哈哈哈...」一把年老既聲音將我由思緒中抽返出黎...
『我以為我會遲到...老鬼...』原來不知不覺間已經行到黎中央廣場...
我眼尾望一望講台...
令人擔憂既講台...
「你好似滿懷心事喎...」老鬼又好似睇穿我個心咁...
『無，我咩心事都無。』呢道唔係SPIRIT，我無必要同你講真話。
「呵呵呵，你話無就無啦~入黎先講。」老鬼向示意行入佢間屋。
“咯...咯...咯...咯...咯...”中門大開...行到入老鬼間屋...
呢道既所有人都係咁可靠。
並唔需要任何保安設備...
唔需要巡邏...
乜真係可以放心到去呢個地步?
雖然話呢道離地獄有一大段距離，但始終都叫離開左SPIRIT既範圍...誡律之牆以外...
「年輕既統治者，你終於都帶左綽姿既軀體黎喇?」老鬼行近我...
『嗯...』我將綽姿既軀體平放到一張長木凳上...
「呢個細路女受苦喇...」老鬼憐憫望住綽...嘉雯...
『嗯...我地已經幫佢植入好記憶。你就照原本既計劃去做就得...』老鬼真係會聽聽話話?
「放心啦，始終綽姿都係我地既家人，呢放面你唔駛擔心咁多。」老鬼轉身行去木檯前。
家人...
『仲有一件事要同你地交代...』我仲未將要講既說話講完...
「綽瑩犧牲左，呢點我知道架喇...」老鬼坐到木凳上。
又知道?
「你帶得綽姿既軀體黎，則係話綽瑩已經犧牲。一切都按照原定計劃進行...咳咳...」老鬼拎起木凳上既玻璃杯，飲左兩啖水...
原定計劃?
咁則係話你一早知綽瑩會出事架喇!
點解你唔早D同我講?!
「阿日...你又係咁暴躁喇...憤怒喔~七罪宗~一切都係定數...你要記住，你只係跟住劇本執行...唔到你控制架...咳咳...」老鬼又飲左兩啖水...
我真係唔知道你仲知道D乜...
如果你真係知得咁多，咁點解又唔肯幫我地完成審判程序?
「阿日...你仲係好似以前咁，咁多問題喺心裏面...過黎坐喇...」老鬼向我示意坐到佢面前。
你呢隻死老鬼又想搞乜花神?
我坐到老鬼面前，望住老鬼對眼...
老鬼從佢衫袋裏面拎出佢既拿手打戲－塔羅牌。
「阿日，你識規矩架啦?」老鬼將塔羅牌放到木檯上。
我將手放到塔羅牌上，輕輕向老鬼方向一推:『我黎唔係要占卜問卦。』
老鬼擰擰頭:「又要想知，又唔去占，咁又點可以問出未來呢?」
『你親口話我聽咪得囉。』我探頭貼近老鬼。
老鬼擰擰頭，捱到椅背後:「我乜都唔知架喎~」
『你唔好扮野喇，你會乜都唔知?至少俾我知既多!』呢個老鬼又喺道耍我!
「你應該好清楚邊個係知得最多...咳咳...」老鬼又飲一飲水...
『清楚又有用咩?』老鬼所講一定係老豆...
但佢把口仲硬過你...
「我都係按照劇本行事...你都係一樣...」老鬼合埋雙眼...
我就係想知劇本寫左D乜!
「你唔需要知咁多，到你要知既時候自然會知...」
『我點可以唔需要知咁多?我地已經犧牲得太多喇!』我就連綽瑩都犧牲埋喇...
「睇黎你仲係唔清楚喎...年輕既統治者...咳咳咳...收起你既憤怒...」
我唔清楚...
我真係乜都唔清楚...
我唔清楚點解你地要咁做...
點解要背棄你地既信念?
本來一切都好好...
一切都按照原定計劃進行...
SPIRIT擁有無限能源...
就算阿月失敗，只要救佢返黎，我地都可以匿喺誡律之牆後面好好生活!
但點解...
點解你地辛辛苦苦建立既成果，卻由你地自己親手毀掉...
我唔明白，點解要我收拾呢個爛攤子...
要我收捨呢個殘局...
『你都有份...你都有份搞到今時今日唔知似乜架!』我一拳打到落張木凳上面!
「年輕既統治者...你太年輕喇...你仲未了解佢既心...咳咳咳...」老鬼又咳左幾下，睇黎佢既身體都唔係咁好...
『我唔了解佢?我都不知幾了解佢!我係佢個仔呀!』佢只不過係過份傲慢既人!
一直都自以為事!
一直都目中無人!
以為自己就係一切!
以為所有野都喺佢掌握之中!
佢以為自己可以控制到原核!
就係因為佢既傲慢害左SPIRIT!
仲差D害死埋阿月...
「相信我...遲D你就會明...」老鬼將塔羅牌收返入自己衫袋。
相信你?
我覺得你比阿月更唔可信...
但唔相你又唔得...
『唔駛幾耐，第一目標人物會同一個女仔黎到呢道...你幫我引佢地到講台...』只可以借助你既幫忙...
「樂意之至。」老鬼帶住微笑點點頭。
真係咁簡單?
一D疑問都無?
『你無野要問我架咩?』我帶住困惑既眼神望住老鬼...
「有咩好問?我唔係一早就講左喇咩?一切都係跟隨劇本進行嘛~哈哈~」老鬼展露陰險既奸笑...
劇本進行...
綽姿帶第一目標人物呢到黎道係劇本之內?
咁係好事，定係壞事呢?
照現時情況，我唔覺得死海文書既內容對我地有利...
我仲有D覺得死海文書令我地不斷身陷險境...
但死海文書最終目的就係要我地去啟動審判之日...
「總之你就放心交綽姿俾我啦~」老鬼點一點頭...
我可以唔放心咩?
我根本就無得揀...
「你又唔需要擔心咁多既...年輕既統治者...我從來都無呃過你架~哈哈~」老鬼顯得十分輕鬆。
『你無呃過我...只係瞞住我姐...』點解你一直都唔肯講你知道D乜呢?
「有時知得多都唔係一件好事~」老鬼擰擰頭。
但我唔搞清楚既話...
你叫我點放心繼續落去...
『如果我話...你唔一五一十咁講晒你知既野俾我聽既話，我就扭甩你個頭呢?』我舉起左手，目露凶光咁望住老鬼。
「哈哈...你唔會咁做~」老鬼充滿自信。
你個老鬼唔好咁自大!
唔係既話，死左都唔知咩事!
「如果你會用兇殘既手段既話，呢道就唔會有咁多居民~」老鬼帶住微笑望住我。
『人會變...』因為時勢，無辦法唔變!
「但你唔會。你係唔會做一D違背良心既事。你老豆係咁同我講既...咳咳咳...」老鬼又飲左啖水。
老豆...『嗰個罪人仲同你講過D乜?』
「我已經講得太多喇...你亦都唔需要知咁多...只要做你認為岩既事就得喇...」老鬼揮揮手，擰擰頭...
老豆同老鬼都係一樣...
只係識得故弄玄虚!
好丫~
你地要隱瞞你地所知道既就隨便你地!
我一定可以完成審判程序!
『等等會有人送物資俾你地...我走先。』講左咁耐廢話，晒我時間!
「等等...山長水遠一場黎到，無理由要你空手而回...」老鬼將我叫停。
我回身一望老鬼...
老鬼由佢衫袋拎左樣野出黎:「送俾你既...就當係用黎交換等等送黎既物資...同埋...綽姿既肉身...」
我接過老鬼手中既...
綠色既...
細小既...
圓圈...
『翡翠戒指?』我仔細觀察手中既翡翠戒指...
全隻戒指都係用翡翠精雕細琢...
「無錯，一隻翡翠戒指。你總有用得佢著既時候...」老鬼點點頭。
用得佢著既時候?
我試下帶上去...
但太細隻...
根本就唔岩我帶...
又點會有用得著既時候呢?
「好喇~時候都唔早~你係時候要起程~唔送喇...年輕既統治者...」老鬼一邊講，一邊行返入房...
望多一眼瞓左喺長木凳上既綽姿軀體...
時候唔早喇...
再遲D就會遇上佢地...