《香港革命戰》(上): [17-內部準備] PART 3
Sacred-Armor既穿著者行前兩步...
“吱...”白色倒三角金屬面罩由中間工整咁向左右兩邊分開...
「Hi~又係我丫~」阿風既面孔出現喺倒三角金屬面罩中間。
『你地又想搞咩丫?』我眼定定望住阿風。
「哥~係你話覺得自己已經好成功架嘛~咁就係時候做下測試喇~」阿月顯得輕挑...
『咩測試?頭先咪測試梗囉，而家又想做咩測試?』我摸摸頭，但一D感覺都無...
阿風行前多兩步:「頭先嗰D邊叫得上係測試架?頭先只係俾你熟習下點控制防禦者RU咋~」
「係囉係囉~真正既好戲而家先上演丫~我包花生呢?」阿月講完之後，成個訓練場變左做室外...
呢個環境...
殘破既公路路面...
生晒銹既防撞欄...
左右有唔少大樹同雜草生長...
呢道係...
小欖山下既交匯處附近?!
望一望前面條天橋...
望一望座山...
無錯!
呢道就係小欖山下既交匯處附近!
你地想搞乜呀?
成日就話LILITH唔夠用，要我慳D使...
而家又晒咁大量能量去啟動虛擬實景...
唔係喎...
等等先...
唔通...
「Show Time!」阿風頭上既倒三角金屬面罩關上之後，立即以忍步向我接近!
真係咁!
阿風好快就已經跑到入攻擊範圍!
佢由腰間既刀鞘拔出High-frequency EVE blade!
我一個後空翻，避開阿風既橫一文字斬!
我向後彈多幾下...
好快...
阿風既速度太快喇...
差D就俾阿風一分為二...
控制住防禦者RU黎戰鬥反應有D跟唔上...
而且...
『唔公平丫!阿風有High-frequency EVE blade，我就連把刀仔都無把!』俾把高振動EVE粒子刀我用下都好丫!
天欣冷冷淡淡咁講:「防禦者RU本身就無配備刀...武器方面就只有手背既EVE粒子槍、EVE粒子砲、仲有設置喺十隻手指頭既EVE Saber...」
EVE粒子槍...
我一路後後退，一路伸出左手向住阿風，手背上既EVE粒子槍不斷射出綠色光線!
阿風一路以忍步跑過黎，一路揮動手上既High-frequency EVE blade，將所有EVE光束擋開晒!
面對阿風既Sacred-Armor，就連想用EVE粒子槍拉開距離都唔得...
係咁無辦法喇...
我伸直雙手，對住阿風...
我雙臂中間既EVE粒子越黎越多...越黎越光...
黎喇...EVE粒子砲!
“轟”一聲，我雙臂中間就係得D煙飄下飄下...
『喂!搞咩丫?EVE粒子砲?』我一路跑向橋，一路問。
「丫~我唔記得左話俾你聽，要同步率達到80%先可以用到EVE粒子砲架~Sorry~」阿月得得戚戚咁講...
仲有D未講我知?
可唔可以一次過講晒出黎丫...
『咁我而家去到幾多%丫?』阿風一路追住我，一路向我發射EVE光束!
我一路避，一路跑!
但真係避得唔係幾多...
我身上不斷發出綠光...
呢D光茫係...E.R.F.D.S.!
我都差D驚到唔記得左防禦者RU本身係有E.R.F.D.S....
無錯喇...就連Sacred-Armor都有E.R.F.D.S....
「嗯嗯...你而家岩岩先去到77%~」阿月食住野講...
而家先得嗰77%...
實在太過唔靈活喇!
當我走到上橋上面，阿風亦都追到上黎!
阿風再次向我使出橫一文字斬!
我以空手入白刃，打橫夾住阿風把High-frequency EVE blade!
我手掌間既E.R.F.D.S.與阿風把High-frequency EVE blade刷出強烈既綠光!
我見到...有白色外框出現!
外框裏面寫住“High-frequency EVE blade”，下面仲有一條綠色既能源條!
能源條正滑落!
睇黎面到E.R.F.D.S.既防禦，High-frequency EVE blade既能量補充唔夠消耗速度快!
當我仲係道計梗數既同時...
“砰”一聲，阿風一個橫踢，踢到我腰間!
『嘩!』腰間既E.R.F.D.S.一閃之後，我成個人就飛左埋去橋邊...
“啪”一聲響，我就應聲倒地...
講開又講，我做咩“嘩”?!
我根本就感覺唔到痛...
應該話咩感覺都無...
阿風好型咁將把High-frequency EVE blade收返埋喺腰間既刀鞘裏之後，伸直雙手，對住我...
喺呢個距離?
阿風雙臂中間既EVE粒子越黎越多...越黎越光...
“轟”一聲，帶住電流既綠白色光束向住我射埋黎!
我一跳就跳到空中...
“轟”一聲，橋邊被EVE粒子砲打中!
灰塵飛晒出黎!
好大塵...
阿風呢?
阿風去左邊?
說時遲，那時快!
當我仲喺空中搵梗阿風既時候，一個身影由灰塵中飛上黎!
阿風十隻指尖發出閃爍住綠色既光芒!
EVE Saber!
我亦伸出EVE Saber準備迎擊!
“砰 砰 砰 砰 砰 砰 砰 砰 砰 砰”阿風不斷向我施展快速爪擊!
“砰 砰 砰 砰 砰 砰 砰 砰 砰 砰”我只可以一直以EVE Saber招架!
喺空中一連串既攻防戰之後(實際上係我俾阿風壓住打)，我地打個空翻落返地。
好累...
雖然話身體唔覺得累，但精神上比平時訓練累上幾百倍...
「唔記得左話你知添~而家既你係以腦部精神力去控制防禦者RU，所以身體係唔會有累既感覺~但正正因為用精神力去控制，你精神上會承受埋身體既疲勞~」阿月又到左而家先講D重要野!
『妳而家先講?不如打完先講啦!』呢個阿月真係靠唔住!
「Sorry囉~」仲要毫無悔意!
Sorry囉...Sorry囉...
你話好似而家咁係模擬戰就話姐...
如果係實戰?
妳去我墳前講啦...
阿風已經準備好...
佢屈一屈身，左手放到刀柄上，左腳向前一踏...
黎喇!
阿風以極速飛到我面前，再次使出橫一文字斬!
當然呢招對我黎講一D用處到無，因為無人俾我更熟悉拔刀術!
當阿風未拔出High-frequency EVE blade之前，我已經一掌就打落阿風個刀柄道!
High-frequency EVE blade彈返入刀鞘!
我亦利用返作用力彈後幾步!
阿風見一文字斬無用武之地，決定拔刀進迫!
阿風高速揮動High-frequency EVE blade，使出多斷斬!
“嗡 嗡 嗡 嗡 嗡 嗡 嗡”被High-frequency EVE blade既劍氣攻擊下，整條橋不斷被斬斷!
“轟 轟 轟 轟 轟 轟 轟”橋一節一節咁下墜落到海上!
阿風既動作太快...
我既反應又太慢，只可以使用EVE Saber招架!
除左EVE Saber外，仲有E.R.F.D.S.!
其實我已經俾阿風直接擊中左好多刀...
如果唔係有E.R.F.D.S.，我諗我一早就被阿風砍開左好多碌...
點解會咁架呢?
我已經注射左精神液...
照計我既反應應該俾阿風更快先係...
點解我仲係被阿風壓制住?
點解我仲係超越唔到佢?
「執返起把刀!起身再黎過!」老豆又再次用高振動EVE粒子刀指住我...
我跪喺地下...
望住我把喺地上既高振動EVE粒子刀...
第幾次?
把刀第幾次由我手中跌到落地上?
身為一個行者，作戰既時候刀一定要係手中，唔可以喺地下之上!
除非你已經死左...
「執返起把刀!」老豆踢左我把刀去我面前...
『我根本就無可能打贏你...』我擰擰頭。
無可能...
實力相差太遠!
我只不過係一個十歲既小朋友...
我點可能打得贏一個大人?!
對手仲要係老豆...
太唔公平喇!
「你以為目標係我?咁你就錯...」老豆喺我面前揮動手中既高振動EVE粒子刀...
我錯?
「你既目標唔係你眼前，係喺你心裏...」
我既目標唔係眼前...
係喺我心裏...
喺我心裏...
突然之間，我見到阿風好似定左格一樣...
所有野都好似定左格一樣...
我睇得好清楚...
阿風握刀既左手舉得太高...
正正就係破綻位!
我立即踏前一步，以右手托住阿風既左手前臂...
左手向刀柄一推!
成把High-frequency EVE blade由阿風手中飛到去空中!
我立即乘勢一跳!
喺空中接過High-frequency EVE blade，轉身落地，落喺阿風既背後!
我感覺得到...
我感覺得到腳板踩落地面既感覺...
我感覺得到空氣正在流動...
我感覺得到...
所有微細既感覺我都感覺得到!
我再一個轉身，用刀刃貼到阿風條頸道!
阿風頸上既E.R.F.D.S.啟動，與High-frequency EVE blade輕輕擦出微弱既綠光...
阿風擰轉身...
“吱...”白色倒三角金屬面罩由中間工整咁向左右兩邊分開...
「嘻嘻~」阿風笑一笑...
『好喇，測試到呢道，應該要結束喇。』我揮動幾下High-frequency EVE blade，放返入喺阿風腰間既刀鞘裏。
「測試完畢。關閉虛擬實景。」阿月發出指令後，整個虛擬實景就開始崩解...化為碎片...粉碎...飛散...
又返返黎黑黑綠綠既空間...
「阿月~係唔係已收集好晒數據喇?」阿風立即向阿月詢問情況。
「嗯~已經將Sacred-Armor既模擬實戰情況完全記錄落黎~而家系統正喺道整理梗~」阿月好詳盡咁回答。
下?等等先...
點解好似硬係有D唔對勁咁既呢?
『喂!今次既測試唔係為左我對防禦者RU既控制而進行架咩?』我打得咁辛苦為乜?
「花哈哈~」阿月大笑，「你都算係測試既一部份既~不過唔係重點囉~」
搞錯呀...
我以為一直都係為左我以做測試架嘛...
點知原來我只不過係陪襯...
早知係咁就唔駛打得咁辛苦啦...
「阿風，你放好Sacred-Armor之後返黎控制中心。哥，你將防禦者RU放返入時間停止裝置後終斷連接。」阿月向我地兩個發出指示。
「OK~」阿風開始向住門口方向行。
我眼前亦都出現綠色既導引線...
應該就係引導我去倉庫既路線...
一路跟住條導引線行，一直喺道諗...
要保持到100%同步率真係好難...
因為自阿月關閉虛擬實景之後，我又失去觸覺...
而事實上，觸覺只係存在左一瞬間...
而且我亦都掌握唔到點樣可以提升到100%同步率...
行到去玻璃管前...
“吱”一聲響，玻璃管立即打開。
我一步一步行入玻璃管裏面...
“吱”一聲響，玻璃管立即關上。
LCL迅速注入玻璃管內。
好快，整個玻璃管都注滿LCL...
我眼前開始變黑...
慢慢變黑...
變成黑色既世界...
…………….
…………
……..
....
「起身喇~」
我好似聽到...
「快D起身喇哥哥~」
阿月把聲...
「就連回復知覺都咁慢，真係無鬼用~」
阿月又話我喇!
『我而咪醒左囉!』我一睜開眼，就見到阿月個死人樣...
控制艙門已經打開。
艙裏面既LCL亦都全部流走晒。
「起身著返件衫先啦~哥哥~」阿月拉一拉起我，俾返D衫我著。
係喎...我而家光脫脫架喎...
喺阿月面前就話無所謂姐，但喺天欣面前就唔係咁好...
我快快手手著返D衫，阿風亦都放好左Sacred-Armor，行到返黎。
「好喇，阿風都黎到就簡單講一下測試報告~」阿月打開左幾個顯示板。
幾個顯示板飄浮喺空中，裏面好多數字...好多統計圖...
「大家都見到喇，Sacred-Armor既實戰能力近乎係防禦者RU最好數據既六倍效能~」阿月指一指個統計圖...
天欣點一點頭:「嗯...防禦者RU可以話完全比唔上...」
阿風接住講:「大家睇睇呢個圖，呢個圖顯示出Sacred-Armor可以一直Keep住發揮使用者既能力~」
阿月又接住講:「仲要再放大使用者既能力...接近四倍~」
天欣又接住講:「四倍...其實已經好誇張...」
阿風又接住講:「但理論上係可以無限大~只限於理論~」
其實我睇住D圖，真係唔知佢地講梗乜...
雖然唔明白，但好似好厲害...
話就話唔可以用喺結界範圍以外，但用黎作為內部防禦應該好足夠...
天欣望住阿風:「咁幾時可以量產?」
阿風諗左一諗:「其實我已經生產左十套出黎，只要你挑選好測試者，進行深入測試，再做幾次Fine tuning，應該可以量產。」
天欣接住講:「無問題!我今日之內會挑好人選，你準備好十套Sacred-Armor，我聽朝...0600就會帶人黎你道拎Sacred-Armor做測試。」
阿風又接住講:「OK~我今晚就會帶人去準備，不過妳聽日最快幾時可以俾到數據我?」
天欣又接住講:「聽日...1200就可以整理好完整數據俾你。」
阿風又接住講:「OK~咁我聽日就1200過黎搵妳再傾一傾細節~」
阿月又接住講:「咁Sacred-Armor方面就交俾你地~」
天欣同阿風:「OK!放心交俾我地!」
從呢一大段對話之中，我開始明白點解阿月同阿風會話我係最得閒...
成件有關Sacred-Armor既事，我真係好似完全無份參與一樣...
究竟我既工作喺邊呢?
我負責D乜架呢?
我係唔係乜都唔駛做，就係做觀眾呢?
我包花生又去左邊呢?
「哥~」阿月突然呼喚我!
『喺道!』我第一時間俾反應!
「對於頭先既實戰測試，你有乜睇法?」阿月望一望我。
有乜睇法?
喺呢D咁難得可以表現自己既情況下，真係要好好諗下先得...
但點先可以答得有水準D呢?
『我覺得防禦者RU需要既適應時間太長。』我咁講有無問題呢?
「係人都知啦...」阿月冷眼望一望我...
咁我唔知丫嘛!
我都係第一次接觸防禦者RU架咋!
仲有D乜呢?
仲有D乜特別D架呢?
『唔...我頭先有一段時間睇到阿風好似定左格咁...就好似平時發揮精神液...既情況...』我唔係好應該提到精神液...
始終精神液都唔係一種正常藥物...
對阿風佢地黎講，精神液就好似邪惡力能一樣...
「就喺你由阿風手上奪刀嗰一刻?」阿月好有興趣咁追問。
『嗯...我可以肯定唔關精神液事，因為由我接通防禦者RU開始，我就唔可以主動發揮精神...』我仲未將個液字講出口...
「唔係...其實由你一開始接通防禦者RU一刻開始，你就用上精神振奮...唔係既話，你根本就唔可以同防禦者RU同步...」阿月打斷左我既說話。
『唔明...』點解阿月會咁講?
「你太弱喇...如果唔係依賴精神液，你連接通防禦者RU既能力都無...」阿月擰擰頭。
點會丫...
如果唔係靠精神液，我就連接通防禦者RU既能力都無?
無可能...我係預行者呀!
天欣行到阿月身邊:「都唔可以咁講既，要連接防禦者RU既話，至少都要經過一個月特訓...除非好似我同妳咁比較特別既例子...」
其實我真係唔明點解天欣同阿月會比較特喇...
阿月點點頭:「岩既，要同步率高，都要講緣份~」
緣份?
同邊個既緣份?
阿風亦都行到阿月身邊:「講返奪刀嗰下，我好想知發生左咩事...點解阿日可以快到我都睇唔到既情況下向我奪刀?」
「因為佢既同步率突然跳到150%。」阿月拉出一個顯示板...
顯示板裏面有一個統計圖...
150%?!
「點會有可能...」天欣問左我想問既問題出黎，「從來都無人超過100%同步率。」
阿月擰擰頭:「我做得到。」
天欣同阿風都呆望住阿月...
我唔知阿月呢個答案有幾咁震撼，因為我全完唔理解要越過100%同步率係有幾難...
但可以嚇到天欣同阿風咁既樣既話...
都真係幾難以至信...
阿月擺動一下身體:「要同INTRUDER連接既話，就需要等同連接防禦者RU既200%同步率。而且仲要係保持，唔可以低於...」
阿風接住講:「如果低於200%既話，你就會開始俾INTRUDER...唔係...係EVE入侵腦神經...係嘛?」
阿月點一點頭:「嗯~」
阿風繼續講:「唔怪之得...妳將INTRUDER既設計交俾我既時候，我都覺得怪怪地...同步率演算方式同防禦者RU系統唔同...我都喺道諗妳無理由會計錯數...原來係咁...」
好喇~佢地又開始講D我唔明既野喇~
我又可以食花生喇~
「就係咁...」阿月諗左一諗，「接住落黎先係問題既重點...」
咩問題?
邊方面?
其實我一直都跟唔上...
既然話係重點，我係唔係要留心D聽?
「要同外面連接，唔可以單靠防禦者RU既控制艙就成事...一定要利用INTRUDER...」阿月諗左一諗。
呢點我明丫~
阿月都講過九百幾次喇~
「則係話要控制機械人既話，就要哥哥同INTRUDER同步，再連接機械人...」阿月再諗一諗...
無錯丫~
我要同INTRUDER同步...
等等先...
係喎!
我要同INTRUDER同步先可以控制到機械人架喎!
『但我邊有咁高既同步率?!』我都無為意到呢一點...
佢地三個同一時間望住我，擰一擰頭…
做咩姐...
咁我真係唔係針對同步既行者丫嘛…
我主要職責係策劃，唔係行動丫...
「其實都唔係無方法既...」阿月望一望阿風，「加重D LILITH含量，減輕EVE入侵腦部既傷害...」
「仲要用多D?咁樣既話我地會維持唔到一個月...」阿風仲未講完...
「唔咁樣做既話，我地一定會玩完。」阿月好認真咁望住阿風。
盡地一鋪...
而家我地既所有行動都可以話係破斧沉舟，盡地一鋪...
「雖然話我可以喺中間盡量作協調...但至少都要Keep到100%同步率...如果唔係既話，我都分身不下...始終又要避過MINDER既監測，又要封住A.I.S.C.P.S....」阿月擰擰頭...
連阿月都覺得難...
唔可以再加重佢既負擔...
我一定要做返D野...
盡自己應盡既責任!
『我要點做先可以提升同步率?』我望一望天欣...
「方法好簡單，就係不斷練習。」天欣簡單回答。
『只要不斷控制防禦者做訓練就可以提升同步率?』就係咁簡單?
「無錯，就係咁簡單。』天欣點點頭。
『阿月，妳去INTRUDER做好協調工作...阿風你去幫阿月手...』至於我...『我要喺道做訓練...天欣，妳幫我做特訓，目標係今日之內Keep到100%同步率。我要喺聽日之內進行入侵計劃。』
「OK!」佢地三個同時堅定回答。
無錯，就係要咁樣...
要盡快進行...
爭取到一日，就多一日...
我地時間無多!
TO BE CONTINUED