我地一行十二人展開三角陣式向住目標-元朗領域控制中心向方,以忍步方式一直高速移動!

當我地沿行車公路衝到上架空天橋,路面上一架車都無...

「睇黎...呢邊既EVE系統已經為我地既突入進行相對既應變程序。」阿風跑到阿賢身邊。

『睇黎佢地好快就會派防禦者EU黎攔截我地...大家提高警覺!』希望可以喺被防禦者EU截擊之前,突入元朗領域既控制中心。

「前方十一點鐘方向,1100米範圍以外,有防禦者EU接近。」跑喺最前既阿賢發出警示。





睇黎所有既祈求都係多餘...

『數量?』我嘗試望一望十點鐘方向,見到有一堆銀銀白白既身影接近我地。

「數量大約有二十。」應該係因為無左EVE系統協助,單靠Sacred-Armor既功能未能準確推算。

二十部...

而且以佢地既路線,係通往元朗領域控制中心既必經之路...





想繞過佢地,睇黎無可能...

『大家準備迎戰!』我已經準備作戰姿態!

「距離接觸防禦者EU群仲有700米...」阿賢開始接觸前既倒數...

要到得目的地之前...

「500米...」





必先剷除障礙...

「300…EVE粒子光線接近。」阿賢拔出High-frequency EVE blade,瓦解迎面而來既EVE粒子光線攻擊。

『摧毀佢地!』我一躍而起,跳到空中!

架空天橋橋面上,大約就有二十多部銀光閃閃既防禦者EU,射出EVE粒子光線!

我以拔刀姿勢直衝落一部防禦者EU上!

"吱”一聲長響,我手中既High-frequency EVE blade將防禦者EU身上既E.R.F.D.S.瓦解,再將防禦者EU一分為二!

同時我手中把High-frequency EVE blade既能源亦耗盡!

越使出大攻擊力,消耗能源既速度就倍增...





我趕緊將High-frequency EVE blade收返入刀鞘裏充能,阿賢同天欣亦同時摧毀我身旁既防禦者EU!

其他防禦者EU正準備展開包圍網!

我地既行者亦都向左右伸展!

「防禦者EU比想像中難纏!」天欣再次揮動手中既High-frequency EVE blade,將眼前兩部防禦者EU既雙手斬斷!

無錯...

我地從來都無試過同防禦者EU對戰...

估唔到佢地係咁難搞!





「佢地既動作好快。」阿賢揮動兩刀,先有一刀斬中防禦者EU!

俾阿賢高超既劍術攻擊之下,防禦者EU竟然可以避開...

喺武技上,我地無壓倒性既優勢...

而且...

『High-frequency EVE blade既能量消耗得好快!差唔多每兩部就要充能一次!』我左砍一部,右斬一部,手中把High-frequency EVE blade既能量又耗盡!

「攻擊防禦者EU既中心位置!」阿風以刺突術,一刀插穿防禦者EU胸口閃著綠白光芒既圓圈!

阿風左插一部,右插一部...

「E.R.F.D.S.並唔識得喺某D位置加強防禦力,而防禦者EU胸口閃著綠白光芒既圓圈就係佢地既心臟!只要刺穿心臟,佢地就會失去機能運作!」阿風再插穿多兩部,揮動一下手中把High-frequency EVE blade收回刀鞘裏。





刺穿心臟...

好!

我拔出High-frequency EVE blade擋走幾支EVE粒子光線後...

『喝!』一刺就刺穿E.R.F.D.S.,再刺中防禦者EU胸口上,閃著綠白光芒既圓圈!

High-frequency EVE blade上既能量條顯示,只係消耗左20%能量!

非常好!

一次可以摧毀五部防禦者EU!





「有一群防禦者EU正喺九點鐘方向迫近。」阿賢一邊插穿防禦者EU既心臟,一邊向我地發出警示!

『數量?』我同時避開左右兩邊既防禦者EU既攻擊,再以刺突術反擊!

「無法估計...」阿賢貼到埋我背後...

我試圖由幾部正要向我地展開攻擊既防禦者EU之間,望一望遠處既位置...

的確有一大堆銀光閃閃既防禦者EU,正要向我地呢個方向迫近!

點算呢...再俾佢地纏住既話,唔好話可唔可以去到元朗既控制中心,阻止佢地對李飛揚進行格殺行動...我地都好有可能會命送於此...

點好呢...我地究竟可以點做呢?

「你地衝去元朗控制中心!呢道等我地黎擋住!」天欣跳到我地既前面,幫我地開路...

『但係...』我都未將我要講既說話講完...

「時間無多喇!我既行者,跟我去纏住防禦者EU!」天欣一路殺上前...

「其他人跟我衝出去。」阿賢亦都開始上前開路!

無辦法喇...無辦法喇!

阿賢解決多三部防禦者EU之後,我地就襯機突圍!

天欣...咁樣做既話,天欣佢地會好危險...

好有可能會無命...

但係...無辦法...我地而家無其他辦法...

就只有見步行步...

『天欣!要等我地返黎呀!』

突圍之後...

「展開三角陣式。」阿賢繼續帶頭,我地一行七人展開三角陣式。

『阿賢,我地要再快D。』我一邊跟住阿賢,一邊講。

其實我地已經跑得好快...已經有200km/h...但都仲唔夠!

「但係...」阿賢考慮左一陣,「再跑快D既話,萬一遇上突發事,我地會黎唔切反應去抵禦。」

『無時間喇…跑到黎呢道,我地唔可以失敗架!』我已經等唔切阿賢係回答,自己加快步速。

「阿日…好喇!我地加快速度!」阿賢加快速度跑!

230km/h…250km/h...270km/h...300km/h...

我地不斷喺架空天橋上加速...

360km/h…400km/h…460km/h...500km/h...

不知不覺間就加速到500km/h...

好快…真係好快…

竟然可以一直Keep住呢個速度...

如果單憑注射精神液,最多只可以維持到一至兩秒極限運動...

Sacred-Armor真係好厲害!

如果Sacred-Armor真係可以喺地獄道發揮全能...簡直係無敵...

我地一路繼續喺架空天橋上面,向住元朗控制中心方向跑過去。

而距離元朗控制中心既大樓亦越黎越近,越黎越清晰可見!

『就喺前面...就喺前面!快!』當我正想加速衝上前之時...

「阿日危險!」阿賢喺我前面擋一擋!

此時,阿風既聲音亦都喺耳機傳入:「高熱量物質接近!EVE粒子砲!」

阿賢雙手打交叉向前擋...

而阿賢面前亦展開左發出綠綠…白白光線既E.R.F.D.S.!

我再望一望前面,我見到有一道超強既綠白光...

「退到我身後!」阿賢向我地發出警示!

我地六個人立即退到阿賢身後!

“轟隆”一聲巨響,阿賢前面既E.R.F.D.S.與遠處射埋黎既EVE粒子砲正面衝撞!

E.R.F.D.S.與EVE粒子砲既撞擊產生出強大又刺眼既光茫!

呢種光茫真係非常之強!就算Sacred-Armor既面罩有過濾,都過濾唔晒!

阿賢一路擋住EVE粒子砲,一路緩慢向前進發...

我地跟住阿賢後面,已經減速至20km/h...

阿賢擋住左好一陣子之後,面前刺眼既綠白光開始漸漸消失...

『阿賢,你無事嘛?』普通一個人,咁樣硬食EVE粒子砲...真係好難以想像...

「無事…不過...能量消耗得好多...未必可以再作長時間戰鬥...而且E.R.F.D.S.既組件已經Overheat。」阿賢既步速都明顯減慢...越黎越慢...

「阿賢換位!等我做箭頭!」阿風跑到上前。

『望唔望到支砲喺邊個方位?』我問一問阿風。

「喺正前方…元朗控制中心門前...」阿風一直喺前面開路。

我探頭望出去,望望正前方既位置...

我見到喺遠處...仲有一段好長既距離...喺地面上...有一支黑黑地...發出陣陣白煙...

EVE粒子砲正喺道冷卻梗...

『仲有一段距離...仲要再接近多D!』我打量一下,就算要跳過去,都仲要再近D!

「睇黎要硬食多一砲先得…」阿風打量一下...

『你頂唔頂得到?』我有D擔心...

「一砲係可以...有足夠能量硬食一砲既...就咁啦!當EVE粒子砲直擊過黎之時...」我無等阿風講埋落去...

『我就一躍而上,摧毀EVE粒子砲!』就係得一次機會...

如果再要其他行者幫我開路,幫我擋EVE粒子砲既話,恐怕我地會唔夠力去突破元朗控制中心前面堆防禦者EU...

無錯,就喺支EVE粒子砲既後面,元朗控制中心既前面,已經企左一堆銀光閃閃既防禦者EU...

睇黎系統唔會俾我地咁易進入到元朗控制中心...

唔係…應該話...呢道既EVE系統要殲滅我地!

以阿風做盾,我地一直跟住阿風身後跑...

「阿日!」阿風呼一呼喚我。

我望一望前面,望一望支EVE粒子砲…

我見到...EVE粒子砲既砲口...開始有綠光聚集!

咁快...咁快就冷卻完...咁快就開始集束!

「阿日...呢個距離...」我無等阿風講落去...

『可以!只要盡量再爭取多一D距離...拉近D距離!』其實我都唔係好有信心...

以而家既距離...都係免強睇得到個砲口...

實在真係仲有D遠...

話要一跳就跳到去砲身上...真係要睇下Sacred-Armor係唔係真係有咁大既效能!

「距離EVE粒子砲接觸倒數開始...10...9...8...」阿風開始倒數...

再近D...

「6…5…」

再跑快D...再跑近D...

「3…2…」

我已經見到遠處既砲口射出一條綠白…

「1…阿日!」阿風前面已經展開左發出綠綠白白既E.R.F.D.S.!

“轟隆”一聲巨響,E.R.F.D.S.與遠處射埋黎既EVE粒子砲正面衝撞!

『喝!』我一躍而起,跳到上空中!

由空中望返落黎,我見到一條好刺眼既綠白光條被阿風既E.R.F.D.S.擋住!

就喺呢個時候,我一個轉身,向住EVE粒子砲身飛過去!

一定要到...一定要飛到去砲身上!

我望住個砲身...越黎越近...越黎越接近...

到…到丫...一定要到...到啦!

“啪”一聲響,我喺EVE粒子砲身上著陸!

我立刻由腰間拔出High-frequency EVE blade!

“嗡 嗡 嗡 嗡”我一路喺砲身上面跑,“嗡 嗡 嗡 嗡”一路揮動手中既High-frequency EVE blade,將EVE粒子砲斬開一截截!

“啪”當我由砲身跳到落地上,將High-frequency EVE blade收返入腰間既刀鞘後...

“轟隆”身後既EVE粒子砲隨即爆炸!

『嗄…嗄…』解決左…解決左支EVE粒子砲…

不過仲未可以鬆懈...仲未可以停落黎...

因為...面前...仲有一大堆...防禦者EU!

面前既每一部防禦者EU,都伸出手臂,對住我!

都唔好忘記,佢地手中都配備左EVE粒子砲...

每一個手臂都開始有綠色粒子集束...

俾佢地咁多部射一砲,你都唔好話好受...

綠光越黎越強,越黎越閃...

好啦...好啦...黎就黎啦!

當我正要拔刀迎擊之時...

“轟 轟 轟 轟 轟”幾條綠光柱由我身邊擦過,擊中面前幾部防禦者EU!

「阿日。」係阿賢把聲!

救兵到喇!

幾個著住Sacred-Armor既身影衝左埋去防禦者EU...以刺突術刺穿防禦者EU心臟!

「阿日,你OK嘛?」阿賢解決左我面前兩部防禦者EU後,以防禦姿勢喺我面前保護我。

『我OK丫!阿風呢?』我亦拔出High-frequency EVE blade,準備迎戰!

「阿風喺後面冷卻梗!佢冷卻完就會跟上黎!」阿賢再用刺突術,解決多兩部防禦者EU!

『嗯!呢道有好多防禦者EU守住呀!』我亦都用刺突術,刺穿兩部防禦者EU!

太多喇...真係多到...成個元朗控制中心外部廣場都係...都係銀光閃閃既防禦者EU!

痴線!點會有咁多?點解可以部署咁多防禦者EU喺道守備...

鄭穎心嗰個老女人...點可以要求EVE系統派咁多防禦者EU過黎呢道守備?

唔係…唔係鄭穎心...

係EVE系統...

呢道既EVE系統對我地既入侵,作出全面既評估...

可惡呀!

點解EVE會視我地為入侵者?!

我地都係為左SPIRIT著想...點解EVE就要當我地係有敵意既入侵者?!

我緊握High-frequency EVE blade,一刀一刀刺入防禦者EU既心臟!

可惡呀...可惡呀!

“啪 啪 啪 啪”一部又部防禦者EU被我擊倒...

可惡...可惡...可惡呀!

『唔好再阻住我啦!』我插到手上既High-frequency EVE blade都無晒能量...

但一部又一部銀光閃閃既防禦者EU好似從來都無減少過一樣...

點解會有咁多...點解...點解打極都唔完?!

『點解呀?!』

「阿日!我幫你開路!」阿風跑到黎我面前,幫我擊倒兩部正要向我施襲既防禦者EU!「你衝上去,阻止佢地!呢道就交俾我地!」

『阿風…』我都未將我要講既說話講完...

「無時間啦!跟住黎!」阿風就開始向住控制中心大門方向殺上前!

“啪”一部防禦者EU倒下...

“啪”又一部防禦者EU倒下...

阿風不斷用手既High-frequency EVE blade刺入防禦者EU既心臟!

當High-frequency EVE blade無晒能量之時,阿風就將High-frequency EVE blade收入刀鞘,轉用手指上既EVE Saber!

“啪”一部防禦者EU倒下...

“啪”又一部防禦者EU倒下...

阿風差唔多幫我殺到去大門前!

「阿日,入去喇!」阿風一個轉身,幫我擋住從後以來既一大堆防禦者EU!
『你地要頂住呀!』我對住塊玻璃大門使出拔刀術!

「一定要阻止佢地!」阿賢交低一句後...

我回頭望一望廣場上既大亂鬥...

唔好死...你地千其唔好死!

我忍住淚水,轉身直衝入中心內!

當我一走入黑黑綠綠既大堂裏面,呢道反而好平靜...

相比起出面...

呢道就連一部防禦者EU都無...

無任何既防禦者EU,亦都無任何人喺道駐守...

點解會咁?

竟然喺最重要既地方,先無任何戒備?

我再望多兩望...

都係唔好諗咁多!而家要做既事係去搵鄭穎心嗰個老女人!

我要佢停止擊殺李飛揚既行動!

我向住升降機方向跑過去...

但當然,升降機唔會因為我想去到鄭穎心嗰層而為我打開...

唔可以連接EVE系統,真係好唔方便!

無辦法喇...唯有跑樓梯上去!

至於鄭穎心會喺邊一層...好彩之前都有黎過,仲喺佢間房傾過下野...(傾過乜就唔好提喇...都係D變態野...)

大至上都知係喺邊一層,邊個位置。

我一直向住樓梯方向跑,一直向上跑上去。

呢座控制中心既設計真係有D奇怪...

樓梯都喺圍住座四四方方既大廈上...

咁樣既設計,要跑起上黎,真係好浪費時間!

我一直跑,沿住條樓梯,圍住座控制中心向上跑...

透過玻璃窗,望一望外面漆黑既世界,其實我已經跑得好快!

基本上我都以時速20公里黎跑!

轉彎都係片住去!

片到個地都擦出火光嗰隻!

而且我喺呢個設計咁失敗既控制中心裏面,已經跑到上二十樓!

不過...我既目的地係一百樓...

我咁跑法,真係俾我跑到上去,李飛揚都已經灰飛煙滅...

還好既係,喺沿途上,都無任何阻礙。

無元朗領域既行者...亦無防禦者EU...

一走到入黎控制中心之後,就無任何守備...

點解呢?

點解會咁好死架呢?

就喺我仲喺道以為一切都好順利之時...

“嗡”我聽到有D聲由玻璃窗外傳入黎...

“嗡”呢種係...機械聲?

“嗡”係機械發出既聲響...

“嗡”由下而上...

“嗡”而且仲越黎越大聲...越黎越近...越黎越近我呢一層!

我一邊Keep住步速跑,一邊望一望出玻璃窗外...

我見到...我見到...

“嗡”有一部機器喺玻璃窗外!

一部黑黑地色...閃住綠色光...浮喺半空中...

“嗡”係噴射式直升機EU!

今次弊!係配備EVE格林機砲既噴射式直升機EU!

而更加弊既係,配置喺機身上既格林機砲,已經瞄準左我!

呢次大件事!

一定要再跑快D!

當我起步加速之時...

“馳...焦焦焦焦焦焦焦焦焦焦焦焦焦”噴射式直升機EU向我開火!

“砰砰砰砰棚棚棚棚棚棚棚砰棚砰棚砰棚砰砰棚棚”玻璃窗被打到碎裂!飛散!

痴線架!駛唔駛用咁重火力去欄截我呀?!

我一路喪跑,噴射式直升機EU就係控制中心外追住我黎掃!

“焦焦焦焦焦焦焦焦焦焦焦焦焦焦焦”無數咁多閃住綠光既EVE光束掃射入黎!

“棚砰棚砰棚砰砰棚棚”玻璃窗就跟住碎裂!飛散!

“啪啪啪啪啪啪啪啪啪啪啪啪”就連控制中心內既牆身都被EVE格林機砲打到粉碎!

我一路跑,一路避,碎片就由四方八面飛埋黎!

我已經跑得好快,但要避埋D碎片同雜物之下,真係好困難!

“砰砰砰砰”而我身上既E.R.F.D.S.亦都展開!

“砰砰砰砰”我既左邊身不斷閃出綠光!

“砰砰砰砰砰砰”喺被EVE光束擊中E.R.F.D.S.所發出既綠光!

“砰砰砰砰砰砰砰”而且我仲感覺到一直俾EVE光束推梗埋牆!

“砰砰砰砰砰砰砰砰砰”身上件Sacred-Armor既既能量都消耗得好快!

“砰砰砰砰砰砰砰砰砰砰砰砰”再咁落去真係唔係辦法...

“砰砰砰砰砰砰砰砰砰砰砰砰砰砰”再咁落去遲早都會被擊斃...

“砰砰砰砰砰砰砰砰砰砰砰砰砰砰砰砰砰”點算呢...點算呢?!

“砰砰砰砰砰砰砰砰砰砰砰砰砰砰砰砰砰”死就死啦!

我一個急停,地上擦出火花...

望住玻璃窗外既噴射式直升機EU...

彎一彎腰…

雙腳一前一後,以助跑既姿態...用力一跳...

我成個人就向住噴射式直升機EU直飛過去!

“啪”踩到上噴射式直升機EU之後,我立即由腰間拔出High-frequency EVE blade!

我用High-frequency EVE blade既刀尖,對正噴射式直升機EU上閃著綠白光芒既圓圈...

『喝!』一刀插落去!

“吱吱吱吱吱吱吱吱”噴射式直升機EU頓時搖過不停!

我立即將High-frequency EVE blade抽返出黎,再一個轉身跳到去控制中心既玻璃幕牆上!

噴射式直升機EU就搖下搖下,轉下轉下咁跌落地面!

『呼...好彩...好彩所有EU既弱點都係一樣...』不過都唔可以咁快話好彩...

因為...我地今次既目的係要阻止鄭穎心擊殺李飛揚!

企一企喺玻璃幕牆上,向上望一望...

仲有五十層左右...

『好喇...』我就由玻璃幕牆一直跑上去啦!

我沿住玻璃幕牆,以忍步方式向上跑!

我應該一早就諗咁要咁做啦!

等我頭先仲傻下傻下咁跟住條樓梯跑!

呢D咁傻既事,真係唔可以俾阿月知道...

唔係既話,我又會俾佢笑足成年...

講開又講,唔知阿月嗰邊點呢?

唔知阿月有無方法救到嗰個李飛揚呢?

唔…都係唔好諗咁多!

我要做好我而家要做既事!

假如我可以阻止到鄭穎心,咁就唔駛擔心阿月嗰邊點。

無錯...

八十...

唔好理咁多…

八十六…

好快就到...

九十六…

好快就到鄭穎心嗰個老女人身處既地方!

“砰棚”我一腳就踭爛左喺一百層既玻璃幕牆,跳到入控制中心入面...

而且,鄭穎心既房間,就喺我面前!

呢D時候,我緊係唔會仲扮型慢慢一步一步咁行過去!

我一個忍步就跑到去黑色大門前,以拔刀術一斬!

“嗡 嗡”兩刀之後,大門立即倒下!

我緊握手中既High-frequency EVE blade,望住坐喺房入面既鄭穎心!

「黎左喇?俾預計中慢左喎~睇黎...你真係無你老豆咁厲害喎~年青既預行者~」鄭穎心翹住對腳,擺出一副淫相!

『立即終止追殺李飛揚既行動!』我先唔會同妳咁多廢話...淫婦!

「呵呵~山長水遠,咁辛苦先黎到呢到...飲杯酒,調下情先啦~靚仔~」鄭穎心拎住杯Vodka on the rock行到我面前...

“嗡”我打橫一刀就砍開個酒杯:『唔好再浪費時間!同我立即終止追殺李飛揚既行動!』

「呵呵~如果我唔肯呢?」鄭穎心掉低個俾我砍爛既酒杯,用指尖摸一摸我手上把High-frequency EVE blade…

『如果妳唔肯...我就...』我緊握住把High-frequency EVE blade…

「就點丫?」鄭穎心對我展露出淫笑...

『我就...』我緊握住把High-frequency EVE blade,握到發出“嗡嗡”聲...

「你就點丫?」鄭穎心隻指尖一路係High-frequency EVE blade上掃過黎,掃到我隻手背...

『我...我...』

鄭穎心隻指尖掃到去我前臂...手臂...膊頭...面頰:「等我話你聽,你乜都做唔到~一切已經太遲喇~我既部隊已經出左去地獄~而家應該已經攻擊梗李飛揚~玩下手...可能已經灰飛煙滅啦~呵~呵~」

灰飛煙滅…

一切已經太遲...

灰飛煙滅…

無喇...無喇...完喇...已經完喇!

『妳呢個惡毒既淫婦!』我一手鍊住鄭穎心條頸,推佢落張檯上!

「呵呵~對美麗既少女要溫柔D先得架~」鄭穎心俾我推左落張檯後,仲要用隻腳掃一掃我大脾...

『妳係少女?妳呢個老女人...只係靠LILITH回復青春既老女人!』我用力緊握住面前呢個惡毒既淫婦條頸!

「呵…咳…呵…我係靠LILITH回復青春~但你又好得我好多咩?你睇下你~注射LILITH注射到~面色蒼白~頭髮蒼白~成隻鬼咁~呵…咳…呵…咳…」鄭穎心不停對我淫笑...

我...我成隻鬼咁?

我...

我唔係...

妳...

妳呢個...

『妳呢個惡毒既淫婦...妳呢個惡毒既淫婦...我要...我要...』我舉起把High-frequency EVE blade…

「想殺我?你唔好忘記...第五規條:不可殺人」鄭穎心再次對我展露淫笑...

『我...我...我先唔會再理乜野規條!』我舉起把High-frequency EVE blade,正要插落鄭穎心胸前之際...

“吱...”咩聲...

“吱...吱...”係乜野聲...

“吱…吱...吱...”唔係副作用...

“吱…吱…吱…吱...”由邊道傳黎...

“吱…吱…吱…吱...吱...”喺由玻璃幕牆外傳黎...

我抬頭望出窗外...

“吱...吱...吱...吱...吱...吱...”綠色既強光...

“吱...吱...吱...吱...吱...吱...吱...”好強既EVE能量...

“吱...吱...吱...吱...吱...吱...吱...吱...”從來都未見過咁強既EVE能量!

“吱...吱...吱...吱...吱...吱...吱...吱...吱…”越黎越近...

『呀!』好刺眼!

“吱...吱...吱...吱...吱...吱...吱...吱...吱...吱...”好近...

『呀!呀!』太刺眼喇...我睇唔到野喇!

“吱...吱...吱...吱...吱...吱...吱...吱...吱...吱...吱...”

係…呢道光...係...係EVE!