《香港革命戰》(上): [21-爭分奪秒] PART 5
“吱...吱...吱...吱...吱...吱...吱...吱...吱...吱...吱...”
好刺眼...
“吱...吱...吱...吱...吱...吱...吱...吱...吱...”
好光...
“吱...吱...吱...吱...吱...吱...”
光到白晒…
“吱...吱...吱...吱...”
但D聲...開始變得細聲...
“吱...吱...”
開始消失...
“吱...”
無喇…無晒D吱吱聲喇...再聽唔到吱吱聲喇...
但呢道...呢道係邊道?
我眼前一片白茫茫...
全個空間好似無限大咁...好似...
失重既空間...個感覺有D似入左折疊之門...不過呢道係白色...
呢道究竟係乜野地方?
「呢道究竟係乜野地方?」
有聲...係一把女仔聲!
「係一把女仔聲!」
『妳係邊個?妳喺邊道?』我提高警覺...
「妳係邊個?妳喺邊道?」
『出黎!快D出黎!』我四圍望一望...
「出黎!快D出黎!」
喺道重複梗我既說話?
「喺道重複梗我既說話?」
係反射作用?
「係反射作用?」
喺腦裏面既意識反射作用?
「唔係意識反射作用。」
唔同左...句說話...
當我仲喺道諗梗個女仔唔再重複我既說話之時，突然有好多綠色既粒子，由四方八面飛到我面前...
好多好多，無數無數咁多既綠色粒子正喺我面對聚集...
係EVE粒子…呢個空間有EVE粒子...
EVE粒子不轉聚集...轉動...
越來越多…越來越擠埋一齊...
無數咁多既EVE粒子，擠出一個...一個身影?
一個...一個好似少女既身影...
綠色既身影慢慢產生出其他顏色...
慢慢...慢慢變成一個人...一個女仔...
『妳...係邊個?』當個女仔成左型...睜開雙眼望住我之時，我問左呢條好似好白痴既間題...
呢個女仔對眼...發住綠光...
發出同EVE粒子一樣既綠光...
「EVE。」眼前呢個女仔好平淡咁講左一句...
『EVE?!』我睇真D眼前呢個由EVE粒子組成既女仔...個樣有D似...有D似阿月...
阿月?!點會有D似阿月架?
眼前呢個女仔，竟然會有D似阿月?
「我係EVE。」眼前自稱EVE既女仔眼定定咁望住我...
『妳...EVE...點解妳會喺道?呢道係乜地方?』我好迷惘...好困惑...
我完全聯想唔到，點解我會見到EVE...
而EVE...竟然係一個女仔?
仲要係有D似阿月既女仔...
「我無係邊道。呢道亦唔係邊道。」EVE仍然望到我實一實...
『咁則係咩丫?我唔明妳講乜...』我試圖行前兩步，但當然我無辦法行近面前既EVE...
呢道既感覺，真係同折疊之門裏面係一模一樣...
「你同我同步。」EVE用指尖指一指我額頭...
EVE既尖指...有D冰冷...
我有感覺?
我喺道有五感?
「呢道既一切都唔實在。」EVE仲係木無表情咁望住我。
呢道?
「呢道係你同我既思緒。」EVE又用尖指一指自己個額頭....
『等等先，點解我會同左妳同步?』唔係話過，無人可以同EVE同步架咩?(除左阿月...)
「係你召喚我。」EVE指一指我...
『我邊有召喚妳?頭先我明明...我明明...』頭先我係做梗乜架呢?好似...無左...印象...
「頭先你想殺一個叫鄭穎心既女人。」EVE合埋雙眼，好似諗梗野咁...
『無錯喇!』我頭先明明就係想殺死鄭穎心嗰個變態女人!
「但你既意志到達左一個限度，召喚左我。」EVE再次睜開雙眼。
『意志到達左一個限度?我唔明...則係咩?』EVE講既野...有D深奧...
「我無呢方面既資料。」EVE擰一擰頭…
『咩無呢方面既資料?明明係妳自己講...』唔好講D唔講D好喎...
「你永遠都唔會知道，你忘記左D乜野。就好似從來無發生過一樣~嘿嘿~」EVE突然展露出笑容...
EVE…笑?
「你唔係咁蠢...唔明我講乜呀化?」EVE對我莞爾一笑…
EVE呢種笑容...好似阿月...
唔單只個外型...個樣貌...就連個笑容都好似阿月...
點解會咁架?
「你成日話既阿月阿月...究竟係邊個?好似好熟...但...無...無記憶~」EVE谷起塊面豬登，諗下諗...
EVE聽到我個心諗梗乜?!
當然...而家我地係同步梗...佢一定會知道我心裏面諗梗D乜...
但點解我就感應唔到EVE諗乜架呢?
「你想偷我既記憶?你仲年輕左50年~」EVE又對我莞爾一笑…
偷?
『好喇~竟然妳覺得我係想偷妳既記憶，咁我不如有禮貌D直接問妳...妳究竟係D乜野?』妳話我偷妳記憶，妳又何嘗唔係偷梗我D記憶...
「我咪答左你囉!我係EVE!」EVE皺一皺眉，好似有D不滿咁...
『我知妳係EVE...我係想問...妳係點樣出現?』仲以為EVE有幾聰明...睇黎都係同阿月一樣，以為自己好聰明~
「我無呢方面既資料~」EVE合埋眼，好似諗梗野咁擰擰頭...
『妳點會無丫?妳點會唔知自己係點出現架?』我冷眼望一望EVE。
「咁你又係點出現?」EVE冷眼望一望我。
『我...』諗深一層...又係喎...
如果唔係老豆話俾我聽，我自己係唔會知道自己係點樣出現喺呢個世界...
每個人一出生，都唔會知道係點樣...
我地唔會記得...我地唔會有呢方面既記憶...
直至到大個左，有人話返俾我地聽...
我地先會知...我地先會虛構返個情境...腦內補完...
EVE對我莞爾一笑，就好似恥笑我後知後覺一樣...
眼前呢個EVE，真係好似討厭既陳月...
「陳月?好熟...但..無記憶~」EVE又合埋眼，好似諗梗野咁擰擰頭...
又再次喺道窺探我既心靈...
「唔好用窺探~我係光明正大咁感受~你唔好唔記得，係你要求與我同步~」EVE又再一次對莞爾一笑…
其實講到而家，我都唔明點解係我要求同步...
我記得頭先...頭先我好似一直都只係諗住...阻止鄭穎心殺李飛揚...仲有想殺死鄭穎心...
我根本就無諗過要同EVE同步...
「睇黎你都仲係唔明~同步唔係一個要求~」EVE又笑一笑…
我越係望住EVE，就越係覺得佢似阿月...
一樣咁鍾意故弄玄虛...
「阿月?好熟...但..無記憶~」EVE又合埋眼，好似諗梗野咁擰擰頭...
『好喇...咁妳可唔可以話我知，關於死海文書既細節?』難得可以同到EVE同步，一定要問問重要既事!
如果可以喺EVE身上得知關鍵...咁一切都好辦...
「我無呢方面既資料~」EVE合埋眼，好似諗梗野咁擰擰頭...
又無...有乜理由EVE會唔知有關死海文書既事呀?
『咁無限能源既演算呢?』如果俾我知道無限能源既演算方式既話，咁我地就唔駛再審判世界...唔駛再為出面班奴隸煩惱...唔駛再去為出面班奴隸犧牲!
「我無呢方面既資料~」EVE合埋眼，好似諗梗野咁擰擰頭...
『妳又唔知?妳點會唔知架?妳同ADAM仲有LILITH三者可以產生無限能源架!妳係EVE呢架!妳係呢個世界上，最先出現既AI呀!妳點會唔知呀?妳有D乜野係知架?』我有D嬲怒到失去理智...
「嗚嗚...」EVE突然跪左喺地下(應該係地下)，抱膝痛哭...
ER…
「做咩鬧人喎...人地真係唔知丫嘛…嗚嗚...」EVE好似個細路女咁係咁喺道喊...
ER…
『Sorry…我既語氣重左D...』我...我唔識點樣同女仔相處...
「算~見你心地都唔係咁差~我就寬恕你啦~」EVE企返起身，對我笑一笑…
天喔...呢個明明就係阿月!
根本就係一樣...一樣都係癲唔癲...喪唔喪...神神化化...
點解會咁架...
「阿月?好熟...但..無記憶~」EVE又合埋眼，好似諗梗野咁擰擰頭...
『咁妳可唔可以話我知，妳知道D乜?』我真係無EVE辦法...
「你唔想知既野，就唔好去知。」EVE認真咁望住我...
我唔想知...
我而家係問梗我想知既野喎...
「我知既野，你唔會想知。」EVE仍然好認真咁望住我...
妳又知我唔想知?
「因為我想知，所以我知道。」EVE仍然好認真咁望住我...
妳想知道...我既野...
咁妳可以做D乜?
「你想我做既野，我都可以做。」EVE繼續仍然好認真咁望住我...
我想做既野?
我想做D乜野?
「你會知道，你想做D乜野。」EVE對我莞爾一笑之後，慢慢化返做綠色既粒子...
EVE粒子...
無數既EVE粒子慢慢打轉...
轉得越黎越快...向住四方八面飄散...飛散...
『EVE…EVE…EVE!』當我一路對住D EVE粒子大嗌既時候，眼前一道強綠光一閃!
『嘩!』我望住眼前既鄭穎心，俾我一手鍊住條頸，撳住喺張檯上!
「你係殺唔到我架~」鄭穎心露出一副淫樣...
我緊握住手上把High-frequency EVE blade…
我唔可以殺妳...
我係唔可以殺人...
喺結界範圍以內，我地係唔可以殺人...
之但係...
『啟動公投程序。』
「你傻架?呢道係元朗領域丫~係我管轄既地區~你呢個屯門領域既人，有乜權限可以喺我既地區啟動公投程序呀?傻仔~」鄭穎心冷冷咁恥笑我。
不過佢呢個恥笑既面容，維持唔到半秒...
因為...我地既意識已經感覺到公投程序已被啟動。
全個元朗領域既人民，都已經與我既思緒連接...當然唔少得眼前既淫婦－鄭穎心。
「點解會咁架...點解...點解你可以...」鄭穎心唔再係一副淫樣。
而家鄭穎心既面容係十分驚訝。
『元朗領域既人民，我係屯門領域既統治者陳日。今次既公投係想話俾大家聽一件事...一件你地必須要知道既事情...』係時候...
係時候要同元朗領域既人民講清楚...
「唔得...唔得架!」鄭穎心發晒癲咁喺我手中掙扎。
但當然，就算鄭穎心點樣用盡全力掙扎，都唔會夠著左Sacred-Armor既我大力。
『請耐心聽清楚我以下所講既內容...自五年前，我地以分裂之牆將SPIRIT一分為三之後，我地出現左一個重大既問題...』鄭穎心一直捉住我鍊住佢條頸隻右手...
「你唔可以講!你唔可以講俾出面班人聽!」鄭穎心仲係繼續掙扎...
『三原核之一既LILITH出現左異常狀態…』我眼定定望住眼前既鄭穎心...
「唔可...唔可以架...你唔可以話俾佢地聽架...」鄭穎心開始放棄掙扎，只係合埋雙眼，用力深呼吸...
『LILITH既數量一直咁減少。而且影響到無限能源既演算...我地一直都努力嘗試搵出補救方法。但直至到而家呢一刻，我地都仲係無辦法令LILITH再生...』我望住眼前既鄭穎心，佢眼角流出淚來...
『我地屯門領域既人民，每一個都知道呢一件事。我地每晚都會公佈我地仲有幾多LILITH可供我地使用。但你地既統治者鄭穎心就選擇左隱瞞你地!唔俾你地知道!LILITH終有一日用完...甚至會被ADAM吞噬既事實!等你地繼續為佢賣命!直至LILITH用盡之時，逃離SPIRIT!』呢D所有一切既事實，元朗領域裏面...甚至整個SPIRIT裏面既人民，都有權去知...應該去知...
『所以今次既公投，就係要表決應唔應該將呢個一直隱瞞梗你地既統治者鄭穎心流放!表決開始。』開始...開始全民公投...
以全個領域既人民黎決定，應唔應該流放佢地既統治者...
一直以黎，由有SPIRIT開始，我地都係咁...
一個統治者應否繼續統治佢地既人民...佢地既領地，係由人民話事。
只有正正真真為人民著想既人，先有資格去統治人民...統治領地...
如果統治者只係為一己之私，勞役佢既人民，為佢賣命，喺佢既領地上面得益，呢個只係一個暴君。
之古以黎，暴君總有一日會俾佢既人民推翻。
總有一日，人民會被迫集結起黎，被迫起義。
為左公平...為左民主...為左自由，必須推翻暴君。
呢個唔係一件錯既事。
相反，呢種叫做為正義而戰。
“暴政必亡”，呢個先係世界既真諦!
好快...好快就會有結果...
好快就會知道，人民既意願係點。
過左一陣，眼前出現一個顯示板...
顯示板上顯示出一個圓餅圖...
圖上顯示出有100%人民贊成將統治者鄭穎心流放!
無錯，係100%既元朗領域人民都贊成將鄭穎心流放。
『鄭穎心，妳見到喇，你既暴行係唔得到人民既認同。』我鬆一鬆開手...
「哈哈...哈哈...你真係...你真係...」鄭穎心擰一擰頭…
“咯 咯 咯 咯 咯 咯 咯 咯 咯 咯 咯”隨即，有六部防禦者EU行左入黎。
今次，呢六部防禦者EU再唔係要阻止我，攻擊我。
“咯 咯 咯 咯 咯 咯 咯 咯 咯”六部防禦者EU行到去鄭穎心身邊，捉一捉住佢...
無錯，今次呢六部防禦者EU喺要黎帶走鄭穎心，帶佢去到SPIRIT既邊緣...流放佢...放逐佢!
“咯 咯 咯 咯 咯 咯 咯 咯 咯 咯 咯”六部防禦者EU帶住鄭穎心向住門口方向行...
我一直望住...一直望住呢過被放逐既統治者...
「你唔應該咁做...你唔應該話個真相俾佢地知...你唔應該話個事實俾佢地知!你太年輕喇!你咁做係大錯特錯!哈哈哈~」鄭穎心一邊被帶走，一邊背住我講...
我錯?我有咩錯?
事實證明左，錯嗰個係妳!
得唔到人民認同既統治者!
睇住鄭穎心既背影消失喺我面前之後...
「阿日!阿日!」喺我既思緒中突然出左阿風把聲...
思緒連接?
『阿風?係唔係阿風丫?』我嘗試作出溝通...
「係丫!阿日!你無事呀嘛?」果然可以好明確咁接收到阿風既說話!
『我無事!你地有無事呀?其他人有無事呀?』我好擔心佢地所有人既安全!
「我地全部人都無事!好奇怪...D防禦者EU突然停止向我地攻擊!更奇怪既係...我地可以用到呢邊既EVE系統!更更奇怪既係，我地可以做到呢邊既公投!」阿風表現得好驚奇。
『係丫…我都唔知點解會咁...點解會咁...你地喺邊?我地集合左先!』一切既迷底，我地要用D時間先解得開...
「我地喺正元朗控制中心外既廣場道!」
『好!等我落返黎先!』
老實講句，而家發生梗咩事，其實我都唔係好清楚...
我只係知道，我地而家可以用到好多EVE系統既工能。
可以睇到引導我走去阿風身處位置既導引線...
可以睇到顯示板...
可以打開地圖...
所有所有屯門領域可以使用既工具、輔助程式、資訊，我喺呢道都用得到...
而家既我，就好似處身喺屯門領域一樣...
點解會咁架呢?
究竟當中發生左乜野變化呢?
『阿風、阿賢、天欣!大家都無事嘛?』我望一望一眾著住銀光閃閃既Sacred-Armor既行者。
「我地都無事。」十一個人都對住我點點頭。
『咁就好喇!』見到佢地個個都相安無事，我就放心!
「其實唔係真係咁好...我地今次黎既目的...」阿賢嚴肅咁講。
係喎!
差D都唔記得左，令次黎既目的係要阻止鄭穎心派行者出去追殺李飛揚!
『我阻止唔到...不過...我地仲有阿月!』無錯喇!差D唔記得左阿月話試下去救李飛揚!
唔知阿月嗰邊點呢?
「我地快D返去睇下阿月阻唔阻止到元朗領域既行者!」阿風行到埋我身邊。
『等等先...阿賢同天欣，你地帶埋你地既部下留喺道善後!我同阿風趕返去屯門領域，睇下阿月阻唔阻止到!』呢邊唔可以放空...
「了解!」十一位行者點點頭。
『呢道就交俾你地。阿風我地出發!』我立刻以忍步飛跑!
阿風好快咁都跟左喺我後面，我地兩個人以時速600公里喺高速架空天橋上跑。
無錯，Sacred-Armor一早已經變回無限能源狀態。
而家身上既Sacred-Armor，已經可以吸收空氣間既EVE粒子作能量使用!
係喇!我地已經可以使用呢邊既EVE系統，則係話應該可以用思緒同屯門領域既阿月聯繫!
我立即利用思緒向阿月連接!
但無反應...
奇怪...點解唔得架呢?
『阿風，你試下可唔可以用思緒同阿月聯繫。』我一邊跑，一邊同阿風講。
「唔得...連接唔到...」阿風好快就回答到我...
奇怪喇...連阿風都連唔到...
唔通呢邊既EVE系統仲未同我地嗰道接通?
唔好理咁多…都係快D跑返過去，睇下阿月阻唔阻止到元朗領域嗰班人!
喺無阻礙之下，好快，我同阿風就跑到黎分裂之牆面前...
而家既分裂之牆，正正真真分裂左...
被EVE直擊下既缺口...
會唔會太厲害...呢種破壞力...輕易將分裂之牆分成兩邊...
「阿日，唔好再喺道發呆喇!我地快D跳過去喇!」阿風已經準備好跳返過去屯門領域。
無錯喇...而家唔係發呆既時候...
我以忍步向住分裂之牆既缺口跑過去。
全力跑...全力跑。
『喝!』一個大跳躍，跳到上空中，俾EVE打穿既深坑之上。
深坑裏面既LILITH粒子仲一直飄梗上黎...
被藍色既空間包圍之下，我身上既Sacred-Armor既能源又開始有些微下降...
無錯喇...喺呢個位置，LILITH粒子過強...干擾到EVE粒子...所以無法吸取EVE粒子填補能量...
當我仲打量梗一D超科學原理之時，我已經差唔多跳到返去我地既領域嗰邊!
我一個前空翻剷落世界之草既草地上面，擺出一個有型既落地姿勢!
「唔好扮型喇!快D跑返去啦!」阿風喺我前面著地後，立即Keep住向前跑。
其實我想講我唔係刻意扮型...只係我著地既技術比較差囉...
好喇...唔好再諗咁多無聊野!
我立即再次起步，跟住阿風後面跑!
喺高速架空天橋上一直跟住阿風後，我都不忘嘗試同阿月連接。
但連過好幾次，都仲係連接唔到...
呢個阿月搞梗咩呀?
喺呢D時候，就唔好自我封閉啦!
定係阿月走左出去地獄呢?
唔係…一定唔係…
我而家仲跟住條導引線跑...
呢條導引線係引導我去阿月既身處位置...
無錯喇!頭先喺元朗領域既時候，導引線就已經出現!
咁則係話，元朗領域既EVE系統，已經同我地屯門領域既EVE系統連接左?
我係唔係應該咁樣去理解呢?
好唔好問一問面前既阿風呢?
都係唔好…唔好喺呢D時候問佢...
等等佢又話我唔專心現狀...
而家要做既，係要搵左阿月先!
喺暢通無阻之下，我地好快就跑到黎控制中心...
無錯，導引線係引導我地走到呢控制中心...
則係話阿月仲喺控制中心裏面...
我地繼續跟住條導引線跑，一直跑到去早為我地準備好既升降機裏面...
“吱”升降機一直向下落...
升降機一直向下落，一直向下落。
下降既速度仲要好快...
呢種速度...
「睇黎…阿月仲喺…INTRUDER裏面…」阿風打量一下...
『嗯...我都係咁諗...但...阿月可以點阻止元朗領域嗰班人?』我真係有D困惑...
如果話要借用INTRUDER，可以做到D乜呢?
「可唔可以阻止到都未知...不過好快就會知...」阿風變得嚴肅...
好快...就會知...只要見到阿月...
我地既未來...SPIRIT同地獄既未來...就喺阿月手上...
好快穿過四層分隔層後，黎到地底100樓層...
壓縮空氣閘門打開後，我同阿風好快咁跑入以黑色為主走廊。
唔駛幾秒，我地好快就跑到通道既盡頭，一道黑色大閘門面前...
“吱...依...”黑色大閘門打開...
我已經見到阿月...
阿月佢赤裸住身體...瞓左喺壓縮空氣通道上!
『阿月!』我立刻跑到阿月身邊，扶一扶起佢!
阿月全身軟弱無力...面露痛苦既表情...對眼...對眼仲...發出藍光!
呢種藍光...係LILITH既藍!
『阿月!阿月!』我嘗試叫一叫阿月...
「飛揚!走...飛揚!快逃...呀...呀!」阿月一邊口噏噏咁叫住李飛揚個名，一邊發出慘叫...
阿風亦都跑到黎我地身邊:「弊喇...阿月一定係同INTRUDER同步得太耐...唔係...應該係MINDER...佢俾MINDER入侵到腦部神經...而且吸收得太多LILITH...」
我無左俾阿風講落去:『你咪再講咁多廢話得唔得?快D救阿月...』
“吱...”咩聲?
“吱...吱...”又係呢D聲...
“吱…吱...吱...”又係呢D吱吱聲...
“吱…吱…吱…吱...”眼前開始有綠色粒子飛過...
“吱…吱…吱…吱...吱…”又黎...
『呀!』我個頭又痛起上黎!
「阿日!」阿風把聲開始扭曲...
“吱…吱…吱…吱...吱…吱…”眼前既綠色粒子越黎越多!
『嗚呀!』個頭痛到好似就黎爆開咁!
“吱…吱…吱…吱...吱…吱…吱…”綠色粒子越黎越多…越黎越光...
『嗚呀呀呀呀呀呀呀!』好痛呀!我個頭...我個頭呀!
“吱…吱…吱…吱...吱…吱…吱…吱…”強烈既綠光一閃...
“吱…吱…吱…吱...吱…吱…吱…”
“吱…吱…吱…吱...吱…吱…”
“吱…吱…吱…吱...吱…”
“吱…吱…吱…吱...”
“吱…吱…吱…”
“吱…吱…”
“吱…”
“…”
TO BE CONTINUED