《香港革命戰》(上): [22-內部事務] PART 1

『呢道係邊道?』當我睜開雙眼之時，我眼前白茫茫一片...

我喺邊道?

我嘗試行前一步...行唔到...

呢種感覺又係同穿越折疊之門既時候一樣...

點丫...今次我又係邊呀?





「你無喺邊丫~」呢把輕挑既聲音...好似係阿月把聲...

『阿月?係唔係妳呀?阿月!』我嘗試喺白茫茫既空間大嗌...

「阿月?好熟...但..無記憶~」呢把聲音答左一個我好似聽過既答案...

呢個答案...係邊個講過架呢?

點解我會聽過?





又喺邊道聽過?

呢把熟悉既聲音...加上熟悉既答案...

呢把聲既主人係...

『EVE?妳係EVE?』無錯喇!我頭先喺元朗領域嗰陣時，正要殺死鄭穎心一刻，突然見到EVE...

「無錯~我係EVE~」突然眼前有好多閃住綠光既EVE粒子，由四方八面飛到我面前...





好多好多，無窮無盡咁多既EVE粒子正喺我面對聚集...

EVE粒子一直聚集...轉動...閃動!

越來越多…越來越擠埋一齊...壓迫埋一齊!

無數咁多既EVE粒子，擠出一個...一個少女身影...

當呢個女仔睜開雙眼望住我之時，對眼...發出同EVE粒子一樣既綠光...

『點解我又會見到妳架?』當EVE再次成實體出現喺我面前，我又問左個好白痴既問題...

「因為你又同我同步囉~」EVE對我莞爾一笑…

『唔好玩啦~我都無要求過!』你話我白痴都係咁話...我真係唔明同步既理論...





「我無玩丫...咁真係你同左我同步丫嘛…」EVE一面無奈...

之前想同EVE同步，就同極都同唔到...

而家唔想喇~就無啦啦同到...

「乜你好唔想見到我咩?」EVE個樣嬲嬲地...

『唔係唔係…』唔好激嬲EVE…

我記得阿月講過，EVE係有脾氣...

好似話仲可以傷到人腦...





「係丫~如果處理得唔好，我真係會傷到你個腦~」EVE點一點頭...

又係讀心術...

「唔係讀心術~你同我同步左，我知道你諗乜都好正常姐~」EVE對我莞爾一笑…

『其實我真係唔知乜野係同步囉OK?』我只會覺得係同思緒連接差唔多…

「唔同~好唔好同~思緒連接只會傳達到你想傳達既野~但同步呢...就係心既交流喇~」EVE點一點頭...

『哦。』我係唔明架喇~妳點講我都唔明架喇~

「唉...點解一個咁蠢既人，都可以同我同步到?」EVE打量一下我...

我真係覺得面前呢個EVE，越黎越似嗰個無大無細既陳月!





「陳月?好熟...但..無記憶~」EVE合埋眼，好似諗梗野咁擰擰頭...

係喎…講開阿月...

『係呀!阿月佢點呀?佢頭先暈左呀...仲好似話俾咩咩...MINDER入侵...總之佢而家有無事呀?』我問完呢堆問題先發現...多餘...

EVE都唔知邊個係阿月...

佢又點會答到我阿月有無事呢?

「哦!嗰個阿月~我知喇~好耐之前因為利用INTRUDER入侵MINDER去救李飛揚嗰個女仔呀嘛~佢久唔久都會同我同步架~」EVE突然好似好醒咁既樣...

『係呀係呀!等等先...好耐之前?有幾耐呀?』岩岩發生咋嘛…





「對你地黎講，就係岩岩~但對我黎講，已經好耐好耐好耐既事~」EVE對我莞爾一笑…

下...EVE佢又喺道講梗乜呢?

「你要知道，你地既一分鐘，就等於我地AI既一百年。我地AI既運算係好快好快~快過你地好多好多~所以對你地黎講就係岩岩~但對我黎講就已經過左好耐好耐好耐~」EVE點一點頭...

『哦。』雖然唔明，但好似好厲害...『等等先，咁我而家同妳交流，係快定慢?』

「睇黎你都蠢唔晒~識得諗速度上既差異~無錯~呢種都係同步要點之一~我同你既交流係好快好快~快到你係適應唔到...所以!如果處理得唔好...你腦部就會受損~」EVE點一點頭...

下...咁我而家咪好危險?!

「咁你又唔駛咁擔心~你而家都算係穩定~暫時都唔會有事既~」EVE對我莞爾一笑…

唔擔心就假喇...妳同阿月都係一樣...不穩定元素...

一下唔好彩，真係俾妳爆死都唔知咩事...

『咁阿月有無事先得架?妳都未答我!』而家最重要都係阿月有無事!

「佢無事~不過仲處於迷失狀態~」EVE點一點頭...

迷失狀態?

「嗯~則係好似...昏迷不醒咁囉~不過...對你地黎講，腦部其實係好複雜~人腦可大體分為大腦、小腦和腦幹。大腦又分為端腦與間腦，腦幹又分為中腦、腦橋和延髓...」我無等EVE繼續講落去...

『得得得得得...妳只要話俾我知，阿月有無事就得喇...』我真係唔想深究咁多人腦的結構...

「我咪講左佢無事囉!不過仲處於迷失狀態咋嘛!大約過多你地既時間係...9個鐘左右，佢就會重回意識架喇!」EVE又嬲嬲地咁既樣...

OKOK…睇黎呢個世界上，無乜邊個係真常...

不過算啦~照EVE咁講，阿月應該就無事...應該...

『喂EVE~我真係好想問下妳，究竟妳知道幾多野?』難得可以再一次同EVE同步，試試再探下口風!

「我知道我應該知道既野。」EVE點一點頭...

答左等於無等囉...

「我已經幫左你~」EVE對我莞爾一笑…

幫左我?

係喎…

『妳喺點樣打穿分裂之牆?』如果有一次...就可以有第二次...

第二次要打落天水圍領域既分裂之牆!

咁我地就可以將三個領域再次合一!

「只係咁岩有足夠既能量俾我超載~唔好諗住有下一次...超載係需要好長既時間...係以你地黎計算既好長時間~就算你地唔再向我吸取能量都無用~因為超載既運算，唔喺你地既領悟範圍之內~假如你要等下一次超載既話，我諗你到時唔死都老到行唔郁~」EVE對我莞爾一笑…

車~咁則係無鬼用...

「你就無鬼用!」EVE又嬲嬲地...

『係係係…我無用...』唔好激嬲EVE...唔好激嬲EVE...

唔好話可唔可以老到行唔郁...我地根本就無時間再等落去...

「ADAM會吞噬你地。」EVE點一點頭...

連EVE都咁講!

「無錯...呢個係事實...亦都係我所知既事實...」EVE合埋雙眼...

『咁可以點?我地可以點?』我追問EVE...好心急咁追問EVE!

EVE應該係最清楚!

相比起我地任何人都更清楚!

「我真係無辦法知道你想知道既野...呢部分既資料，唔喺我呢道...」EVE擰一擰頭…

唔喺妳呢道?

咩意思呀?

「則係有關你所想知既...我地係點出現既相關資料...唔喺我呢道...」EVE又擰一擰頭…

唔喺呢道...

呢道則係邊道?

「呢道你地定名為屯門領域...元朗領域...」EVE點一點頭...

屯門領域...元朗領域?!

唔通...難道?!

EVE對我莞爾一笑之後，慢慢化返做綠色既粒子...

EVE粒子...

無數既EVE粒子慢慢打轉...

轉得越黎越快...向住四方八面飄散...飛散...

『EVE…EVE…等等...EVE!』當我一路對住D EVE粒子大嗌既時候，眼前一道強綠光一閃!

『嘩!』

當我再次睜開雙眼既時候，黑黑既天花...綠綠既光芒...

『又係呢個陌生既天花板...』我又返黎黑黑綠綠既世界...

「阿日，你醒左喇?」阿風把聲由我右邊傳過黎...

『阿風…』我擰一擰過右邊，望一望阿風...

阿風喺道專注梗顯示板...應該係我D數既顯示板。

『我瞓左幾耐丫?而家幾點丫?』我合一合埋眼，抖一抖…

唔知點解，總係覺得有少少暈...又有少少頭痛咁...

「你唔係瞓，你係昏迷左!而家已經喺下午一點喇~你已經昏迷左差唔多成日架喇。」阿風有D唔係咁好老脾...

乜原來我已經昏迷左成日...

頭先...係喇!

『阿月呢?阿月喺邊呀?阿月佢點呀?阿月佢有無事呀?』最重要都係阿月!

「阿月佢無事…不過佢仲喺隔離房昏迷梗...」我無等阿風講落去...

『我要過去睇佢!』我立即落床...

但我一轉身，先發現自己雙腳無力，“啪”一聲就跌左落床...

「喂喂…你睇住呀!你都仲未回復返體力，就唔好周圍走啦!況且俾你見到佢又點?你都幫佢唔到!」阿風扶一扶我...

『唔得!我要去睇下佢...我要睇下阿月!』無野重要得過阿月...

「好喇好喇...等我扶你過去喇!小心D呀!慢慢呀!」阿風扶住我，一步一步行出壓縮空氣閘門。

阿風扶住我行到去阿月既病房裏面...

望住瞓喺病床上既阿月...好似瞓得好安寧...

我一步一步行到埋阿月既病床旁邊，撫摸一下佢既秀髮...

「佢真係痴線架!我幫佢Check過喇~佢強行同MINDER同步超過左十五分鐘!當中INTRUDER已經做唔到任何緩衝!硬用LILITH強行同MINDER同步!只係差少少，MINDER就破壞到阿月既腦部神經!我真係唔敢想像要承受幾多級既痛楚!真係仲痛過萬箭穿腦!而家嗰個李飛揚就相安無事喇!但阿月就瞓左喺道囉!」阿風打晒冷震咁講。

『究竟妳有幾愛嗰個李飛揚?』我望住阿月...

「嗯?」阿風唔係好知我問乜。

『呢個傻女...究竟有幾愛嗰個李飛揚?愛到連命都可以唔要...係唔係傻架?』我撫摸住阿月塊面，擰一擰頭。

「愛情?我都唔知...從古至今都無數據可以分析得出...」阿風行到我身邊，擰一擰頭…

『唔係乜都可以用數據去分析...』有好多野都唔可以用數據分析...

特別係人既感情…

「放心啦~阿月佢瞓多一日半日，應該就會醒架喇~」阿風拍一拍我膊頭。

『嗯...EVE講過，阿月會喺9個鐘左右就會醒返...』正確黎講，係重回意識...

「EVE?你係話EVE系統?」阿風面帶驚訝咁望住我...

『嗯...頭先EVE係咁同我講架...』我望住阿風點點頭...

「你同EVE溝通...唔係...你同EVE同步過?」阿風有D唔係好相信...

『嗯...我同EVE同步過...』EVE係咁講...我地係同步...

「唔係丫嘛…無可能既...」阿風擰擰頭...

唔好話阿風唔信，就連我自己都唔係好信...

同EVE同步既片段，我而家諗返起都好似發左場夢咁...

好唔實在，唔似係回憶...

仲有D…開始忘記...

過往發生過既回憶，你可以記好耐。

但夢境...過一陣...甚至一瞓醒就已經唔記得...

我同EVE同步既片段，就係好似夢境咁...而家已經唔係好記得我地講過D乜...

我只係記得...

阿風扶住我，離開阿月間病房:「EVE係點既樣架?」

『好似阿月...』我只係記得EVE講起阿月無事，仲有EVE好似阿月...

「下?!」阿風突然停左一停，Chok左我一Chok...

『喂喂!睇住我呀!』Chok到我鬼死咁痛...

「Sorry…我真係有D驚訝!你係話...EVE係一個好似阿月咁既女仔?」阿風仲係一面驚訝咁既樣...

『係丫…真係十足十咁既樣...仲有佢D脾性...仲有佢個笑容...我真係見到都起雞皮...』唔係講笑...阿月既笑容真係好...唔識講...

「邊有可能架?」阿風擰一擰頭…

『點解無可能?』我夠唔相信我會同EVE同步到啦...

「你話EVE以一個人形出現喎!仲要係似阿月喎!會咁咩?」阿風繼續提出質疑...

『點解唔會咁呢又?』我唔係好明，點解阿風會覺得唔會咁。

「一個AI系統，就算有人類既思維...都唔需要人形化出現喺你面前!佢地既智慧超越左我地...唔會用呢D咁舊有想法呈現喺我地面前!」阿風又講D我唔明既野喇...

『你可唔可以唔好用科學角度去解釋俾我聽呢?你咁解法，更加複雜囉...』本身已經好困惑，聽完阿風解釋後直頭感到迷茫...

「簡單D黎講，AI唔需要創左一個人形出現喺你面前咁多餘!」阿風嬲嬲地...

做咩姐...點解而家個個都好似咁易嬲咁架呢?

好大壓力咩?

講到大壓力，邊個及得我呀又?

『哦...但我真係見到個對發住綠光既雙眼，成個阿月咁既樣，自稱係EVE既女仔喎~』我可以好肯定，我無睇錯囉...

「或者...可能係你既意識投射...」阿風打量左一下...

『意識投射?』又係D乜玩意呀?

「等我簡單咁講喇...則係你同EVE同步既期間，EVE察覺到你有阿月既影像，所以就以阿月既外型呈現喺你面前...」阿風點一點頭...

『哦...』咁都叫簡單...

好啦好啦...明唔明都唔係好重要姐~

就等我扮明啦~

「咁你同EVE傾過D乜?有無傾過有關無限能源演算既方式?」阿風問起一D關鍵問題。

『唔記得...』但我就無左呢方面既記憶...

「有無搞錯呀?咁重要既野，你居然唔記得?」阿風推一推我...

『喂喂…你睇住我好唔好?我話晒都係一個病人黎架!』再推我我就散架喇!

「咁係丫嘛!咁難得同到EVE同步，你居然話唔記得有無講過有關無限能源演算既方式?!你點做預行者架?」阿風繼續質問我...

『你要知道，有關頭先同EVE同步既事，就好似發左一場夢一樣!我唔記得我唔記得左D乜...只係記得有個好似阿月既女仔自稱係EVE!佢話阿月無事...喺9個鐘左右會醒...係咁多喇!』我仲記得咁多都算叻仔啦...

「唉~浪費!」阿風又擰擰頭...

『咁你等阿月醒左再問佢囉!佢成日都同EVE同步架啦!』我記得EVE好似有咁提過...

「你唔係唔知你個好細妹對EVE既事守口如瓶架啦...」阿風冷眼望一望我...

『係囉...』我夠知啦...

「咁點呀?」阿風又冷眼望一望我...

『而家咪要自己去搵線索囉!』無辦法...好多野都要靠我地自己...

仲未解唔開死海文書既秘密既我地，就要靠我地自己...

靠我地自己一手一腳去搵...去查...

收集相關既資料...任何一個線索...任何一個變化...

再微細既，都要記錄落黎，分析、評估、進測...