《香港革命戰》(上): [24-審判之日] PART 5
喺病房之內，氣氛唔多好...
我唔知道李飛揚同佢老豆既關係，有無我而家同佢老豆既關係咁差...
之前既情報好似話…都差無幾~
「你...你這個...」李德宗仲未將“不孝子”呢三個字講出口之前...
“咚”一聲響起，係自動門開啟既聲音?!
“咯...咯...咯...咯...”由自動門嗰邊，傳黎沉重既腳步聲...
「你終於醒了?李飛揚。」呢把聲音...呢把討厭既聲音...係國安局既M1...
我有佢既記憶...李飛揚既記憶中有佢...
我地SPIRIT既最大敵人...國安局...
睇黎真係一D都唔好惹...
『又專程來探...』我都仲未要將我要講既野講完...
M1一手就拉起左我:「我不是來和你說笑!」
「國安局的人!請你檢點些!」李德宗企一企起身。
「你要知道，他今次所犯的罪有多大!」M1仲係唔肯放手...
『我犯了何事?說清楚一點~』我陰陰嘴咁笑左一笑。
「你穿上軍用的裝甲，偷偷走到三合那裏去...我可以以顛覆國家政權罪把你鎖在國安局地牢!」M1仲係盯實我!(雖然佢帶左黑超...)
『我偷偷走到三合那裏?我沒有這方面的記憶。』我完全無印象...
「別再來這一套了!快說!你是如何走進三合的!」M1再拉一拉我...
『我說我就是沒有這方面的記憶!我不知道!我只知道我走到那條公路上之後...之後...沒有了...』李飛揚既記憶...就去到屯門公路?!
「你...」M1眼定定望住我...
「好吧!都夠了!我們是上等人!政府也不敢向我們亂來!你還是給我收斂一點!」李德宗指住M1...
「上等人又...」M1未將要講既說話講完...
“咚”一聲響起，係自動門開啟既聲音...
“咯...咯...咯...咯...”由自動門嗰邊，再次傳黎腳步聲...
「國安局~」呢把輕浮既聲音...係李軍把聲!「想不到...你還有閒情逸致來探望飛揚喔~」
李軍…唔係…佢唔係李軍…
雖然佢有李軍既軀殼，但佢絕對唔係李軍...佢係阿賢!
阿賢同李軍換左腦~
呢個都係計劃之內!
有阿賢喺道，計劃已經非常之順利!
M1放一放低我，望住阿賢:「李軍...你來得正好...我也想問問你...」
阿賢若無其事咁:「我看你還是別浪費時間~我的寶貴時間~難道你不知道嘛?我們解放軍已經準備向三合進攻~我也得去準備準備~你還不快一點的話...功勞就讓我們解放軍全領了~」
M1行到去阿賢面前:「我們國安局，不用你們解放軍指揮!我們國安局一定會緊緊地釘著你們，你們要好好緊記!」
M1講完之後，就踏出門口。
「好吧~我也有我要辦的事~再見了~飛揚~」阿賢向我打左個眼色之後，亦都踏出門口。
「好了，所有人都走了。你!給我好好在這裏休息!別再去惹三合了!我會吩咐權叔看著你!你休想亂來!」當李德宗行到去門口既時候...
『好好珍惜最後的時光。』我望住呢隻老惡魔...
「燒壞腦!」老惡魔踏出門口。
因為...審判之日好快就要降臨!
我瞓一瞓喺張病床上面，望一望陌生既天花板。
好快...好快...再等多一陣...
阿賢而家去梗拖延解放軍...以李軍既身分...
而國安局嗰邊，亦都俾解放軍佢地引走左~
咁就唔駛擔心會俾難纏既國安局跟住，又可以拖延解放軍對我地SPIRIT既進攻...(雖然話就算真係俾解放軍拖平黃金海岸，我地而家都可以直接通去境外附近~)真係可以話係一箭雙雕~
而我地而家，就只要再等多一陣...等多耐少少...等佢地再去遠D...再去遠一D...
用人地既身軀，總係有D唔習慣...
個感覺好似...好唔實在...
比起控制防禦者RU更加唔實在...
始終都唔係自己既身體...
合埋對眼，慢慢感受一下...感受一下唔屬於自己既身體...
好好協調一下...好好適應一下...
“咚”一聲響起，係自動門開啟既聲音...
“咯...咯...咯...咯...”由自動門嗰邊，今次既腳步聲比較輕盈...
「飛揚，準備好了嘛?」呢把聲...係嘉雯...唔係...係綽姿先岩...
『嗯。等我換一換衣服。』時間到喇!
接住落黎…就係我同綽姿合作既時候!
計劃一早就已經設計好...
當我地一醒返，阿賢就以李軍既身分去拖延解放軍對我地SPIRIT既進攻行動。
亦同時引開國安局班人既注意!
而我同綽姿...就要去MINDER...
綽姿一定已經收集好MINDER既資料...
而且已經做好準備工夫...
而家就只係差我地...去做最後一件事!
我好快咁換好件衫，同綽姿行出病房。
眼前已經出現一個老人家...
係權叔。
「少爺...老爺吩咐好...」我無等權叔再講落去...
『你還是不要好管閒事。』我無理到權叔，同綽姿一直行。
「但老爺吩咐...」我無再俾機會佢講落去...
『你留心聽著!別擋我!』我碌大對眼，盯住權叔。
「知...知道了...少爺...」權叔低住頭咁行開。
你都係下等人，我唔想傷害你。
以後你就好自為之!
我同綽姿一直行...一直去到地下...喺護士手中接過3M 9800S之後，一出到醫院門口，天已經黑齊...已經到左夜晚...
我望一望條馬路，一部棗紅色既Aston Martin Double One由地底升上黎!
係綽姿既車。
『由我來駕駛。』我走到去司機位。
坐上棗紅色既Aston Martin，真皮座位立即因應我既身形體重作出最適合調整，就連太空強化玻璃亦因應光線同我眼球既適應力自動作出調整…
Double One…我諗都係同阿月嗰架差唔多架姐~
我同綽姿扣上四點式安全帶後...
“吼...吼~吼!”出發!
Aston Martin喺路面上飛馳...
『安雅，開啟實時地圖。』喺地獄要用作業系統，真係好唔方便!
實時地圖好快就開左喺我面前。
我地而家既位置係...荃灣...要去到新西共...真係有D遠...
我要再開快D先得!
就算俾國安局佢地發現，都唔會咁快追得上!
“颼”Aston Martin喺高速公路上飛馳。
沿途都無乜異樣!
睇黎國安局佢地仲未發現...
仲未估到我地想去邊...
但我就好清楚我既路線!
唔需要用導航系統，我都認得去新西共既路!
無錯...我而家唔可以用導航系統...
萬一我而家用導航系統既話，國安局就會發現...
呢個距離仲未可以俾國安局佢地起疑心!
“吼~”喺架空高速公路上，好順利...暢通無阻...
估唔到可以咁順利...好快，就已經...已經見到...
喺馬路街燈既盡頭...
一大片黑漆漆既...
“吼...”我開始減速...
黑漆漆既城市?
係新西共?
『嘉雯...帶上防毒面具。』我亦都帶上防毒面具...
就喺尋日，解放軍佢地以生化武器攻擊過呢道...
要以防萬一…
“依...”我將Aston Martin停泊左喺路邊...
“咯…咯…”落車睇一睇前方…
通往新西共既路上，唔見有任何人...任何障礙物...
明明呢道尋日先俾老豆恐襲完...點解搵個解放軍士兵睇下都無架呢?
係唔係都應該派D人駐守下...
或者係怕左D生化武器...
或者係...全軍都去左我地既出入口...黃金海岸...
我同綽姿小心翼翼咁行近新西共...
綽姿跟喺我後面，一步一步咁行過去...
喺漆黑既環境之下，前面一D燈光都無...就只可以靠夜空上既明月作照明...
我提高警覺，留意四周...
但四周真係就連一D動靜都無...
乜都無...
當我越黎越接近新西共既入口之時...
有一種熟悉既感覺出現...
呢種感覺係...
我好似見到...空氣之間唔係只係得黑色同灰色...
仲有…淡淡既…藍色?!
「阿日，我地已經脫離左系統範圍。」綽姿直接用廣東話同我講。
『點會咁架?』我都用返廣東話同綽姿講話。
「唔清楚...只係知道應該係受到干擾...而且...呢道根本就無毒氣。」綽姿除左防毒面具後，望一望四周。
我都除左防毒面具...
『真係無毒氣...無理由...點都應該會殘留一D...唔通…唔通係LILITH?!』我再行入D...再行入去新西共...
「LILITH?!係喎!空氣之間...好似...有LILITH既存在...」綽姿一直跟喺我身邊。
『無錯...睇黎含量仲要唔少添!毒氣應該就係俾LILITH中和左...但...點會咁架?!LILITH點會有可能可以存在喺...呢道...』無錯...就好似...小欖山腳既培植場!
「先唔好理呢樣野...我地而家要快D去到MINDER既主腦室!」綽姿行喺我前面。
無錯...而家無野緊要得過啟動審判程序!
“沙沙沙沙”我跟住綽姿身後行...
行過好多大大小小既窿...
有D喺地面穿左一個半圓形...有D就喺建築物既牆身...
大大小小...好多好多…
呢D都係EVE同LILITH混合出黎既炸彈造成...
我有見過...阿風既實驗之中，所以我好清楚!
係老豆做既好事...
我仲見到地上面有唔少既屍體...
有D瞓左喺地下…
有D坐左喺牆邊...
有D趴左喺露台邊...
無人去清理...無人去理會...
佢地就咁被遺棄...
究竟有幾多人死喺呢次既恐襲當中?
佢地又係唔係抵死既呢?
我真係唔知道...
我更唔知道，點解老豆要咁做...
咁做對你有乜野好處呀?老豆...
當我仲諗梗老豆為乜要喺呢道發動恐襲之時，綽姿停左落黎...
「係呢道喇...就喺呢道既下面...MINDER既主腦室...」綽姿行到去一個平坦既地面...
『呢道乜都無既...就喺得...地面係...係金屬造既?!』我跪一跪喺地下，摸一摸塊地面...
真係金屬既質地...
「本來呢道係一間三層樓高既建築物。但尋日，培植人將呢道炸平...佢地應該係想入去破壞MINDER...」綽姿都跪到地上。
『妳都有見過培植人?』我望一望綽姿...
望住呢個少女身軀既綽姿...都仲係唔係好習慣...
「嗯...我見到佢地爆炸既一刻...我知道佢地就係爺爺同爸爸之前所講既培植人計劃...」綽姿點一點頭。
嗯...綽姿聽過都唔出奇...
關於培植人既事，分分鐘仲清楚過我...
「呢道無左電力，應該係受LILITH瓦解...唔可以用電能打開道門...要用人手...」綽姿喺個地下上面摸下摸下...
用人手?
點用人手丫?
綽姿喺個地下摸下摸下...又撳左幾撳...
撳下撳下之下，地下突然升左個黑色圓球體出黎!
『呢個係?』我望住綽姿摸一摸個黑色圓球體...
「呢個係機器式密碼鎖...當斷左電或者好似而家咁，受到不知明既干擾下，就可以用呢個密碼鎖解開大門既機關...我之前已經記好左點去解...」綽姿拎住個黑色圓球體喺道扭下扭下，又擰下擰下...
呢D野...我真係唔知...
當然啦~因為呢D都唔係我既工作~
呢D都係綽姿既工作...
真係辛苦綽姿喇...
綽姿好快咁扭多幾扭...
“咔”一聲，地上又彈出兩條T字型既黑色鐵柱...
『呢兩條鐵...』我都仲未將我要問既野問出口...
「一人一面，順時針方向扭!」綽姿已經行左去左邊條鐵柱，兩手捉實。
『哦...』我亦都快快手手，行到去右邊條鐵柱道，兩手捉實...
「我數一二三就一齊用力扭!力度要一致D!一…二…三!」綽姿出力扭...
我亦跟住佢既節奏扭...
扭下扭下...都真係幾花力...
扭左大約五個圈之後，我見到地下出現一條線...
Keep住扭...Keep住用力扭...
地面開始分開...越分越開...分出一個...一個大約有一米成一米既地洞!
“咔”已經扭到最盡...
我探頭一望...好深好深既地洞…
下面仲要乜光都無，黑漆漆一片，同折疊之門裏面差唔多…
『呢個地洞係?』我望住個地洞問一問綽姿。
「係磁浮式升降機。但因為而家已經無電，所以...我地要靠嗰條樓梯爬落去。」綽姿指一指住地洞裏面既牆身...
“咔”一聲響，牆身凸出左一條紅色既樓梯。
「準備好未?」綽姿望一望我。
『我幾時都係處於準備狀態。』由我一出世開始。
綽姿笑一笑，點點頭，開始由紅色既樓梯爬落去。
沿住樓梯一直爬...一直爬...
究竟有幾深呢?
我都唔係好知...
我只係知我地都爬左好幾個字...
而且呢道真係黑都就黎連紅色既樓梯都睇唔清...
呢道乜野光都無...
應該係因為電能都被LILITH瓦解。
話時話喇...如果係咁既話...
『綽姿，下面會唔會都會受LILITH影響，電能都被瓦解架?』如果係咁...就真係麻煩...
會唔會連MINDER都被LILITH搞到關機?
「應該就唔會...因為MINDER既主腦室好似話係用上特別既能源...詳細既我就真係唔清楚...因為我地睇唔到有關既資料。但係...以而家既LILITH濃度黎睇，應該就無可能影響到MINDER既主腦室。你睇下而家既空氣，已經無上面既咁藍...」綽姿一路向下爬，一路講。
我細心留意下黑色既空間...
又係喎...真係無地面上面既咁藍喎!
咁講法...我地都應該好快會再同系統連接...