凶間: 11

正當我大惑不解的時候，電話的鈴聲卻打斷我的思路，原來我只是太過疲倦坐在椅子上睡著了…剛才廁所驚雲不過是一場惡夢…

「喂！我張櫈原來爛㗎…較唔到高底㗎！你嗰張有冇事呀？」偉仔開聲道。

「哦？冇喎！我嗰張冇事喎！」

「吓？乜原來得我咁黑仔咋？」

「挑！你咪咁俺尖啦！冇得較高底姐…好過冇得坐啦！衰仔…」





「咁又係！喂…係呢！你有冇睇到達仁係whatssap個鬼故呀！痴Q線…好得人驚呀！搞到我依家自己一個人係間房到好驚呀！」

「冇呀！頭先我悶得濟訓著咗…」

「咁你一陣慢慢睇啦…係呢！我哋係間房度自閉咗成幾個子啦！點解仲未開始嘅？」

「亞生呀…我鬼知咩？你問我我問邊個姐？」

「咁又係…係呢！唔知幾點放食飯呢？同埋我諗冇理由全部放，我諗一定係輪住食啦…我同你唔知係咪可以一齊食呢？」





「亞哥仔…唔該唔好再問埋晒我答你唔到嘅問題啦！好啦…我睇埋達仁個鬼故先…一陣再講…」

「Ok…拜…」

於是乎我抱著好奇嘅心態看一看達仁那篇鬼故，不看還好，一看之下真是嚇破了膽！只因故事和我剛在發夢夢到阿森的大同小異，不同的只是故事裡人物是兩個OL…

她們一直在公司開OT開到半夜三更，其中一個突然要上廁所，理所當然找另一個陪伴…而故事的結局非常簡單，就是那個趕著上廁所的女孩在另一廁格突然失了踪，而另一個陪她上廁所的女孩因害怕而逃走，不幸的是，當她打開廁所門準備逃走的時候，居然看到剛才失了踪的女孩被人上吊在假天花上…

事後警方反查閉路電視，發現兇手居然就是那個奪門而逃的女孩，片段畫面清楚可見是她扑暈了那個女孩並將她吊到天花上…





證據確鏧！問題是女孩否認自己的控罪，但從閉路電視所見，她行兇的過程手法非常之乾淨利落，而最令人爭議的是這個女孩整個過程全是她一個人行事，除了那條上吊的麻繩，她是完全沒有任何道具，而她將屍體抱起只是用了一隻手…

法庭最後一致裁定被告罪名成立人，女孩被判二十五年監禁。雖不知女孩入獄的第三天，她選擇用同一樣方式上吊自殺…令人難以置信的是她不知從那裡找到一條麻繩，而這條麻繩經鑑證後，居然就是她當日行凶所用的同一條…